ວັນເສົາ, ວັນທີ 07 ທັນວາ 2024
ອົງການກາແດງແຂວງສະຫວັນນະເຂດ ເຄື່ອນໄຫວ ຮັບບໍລິຈາກເລືອດ ຢູ່ໂຮງໝໍບໍລິເວນ 109
ເວລາອອກຂ່າວ: 2024-11-04 09:11:20 | ຜູ້ຂຽນ : admin1 | ຈຳນວນຄົນເຂົ້າຊົມ: 400 | ຄວາມນິຍົມ: 
ໃນວັນທີ 29 ຕຸລາ 2024 ນີ້, ສູນບໍລິຈາກເລືອດ ອົງການກາແດງແຂວງສະຫວັນນະເຂດພ້ອມວິຊາການແພດ ໄດ້ເຄື່ອນໄຫວຮັບບໍລິຈາກເລືອດ ຢູ່ໂຮງ ໝໍບໍລິເວນ 109 ກອງທັບ ນຳພາໂດຍ ທ່ານ ພູວົງ ຄະນະຮັບຜິດ ຊອບສູນເລືອດອົງການກາແດງ ແຂວງສະຫວັນນະເຂດ ໂດຍການຕ້ອນຮັບ ຂອງສະຫາຍ ພັນໂທ ດຣ ລຳທອງ ແສງວົງຄຳ ຄະນະພັກ-ຄະນະອຳນວຍການ ພ້ອມດ້ວຍຄະນະ ຕະຫຼອດຮອດພະນັກງານ, ນັກຮຽນ-ນັກສຶກສາທັງ 3 ຫ້ອງ ເຂົ້າຮ່ວມ.
ທ່ານ ພູວົງ ໄດ້ຍົກໃຫ້ເຫັນ ຄວາມໝາຍ ຄວາມສຳຄັນຂອງການບໍລິຈາກເລືອດ ປັດຈຸບັນຢູ່ຄັງເລືອດແຫ່ງຊາດ ເວົ້າລວມ, ເວົ້າສະເພາະ ຢູ່ສູນເລືອດແຂວງສະຫວັນນະເຂດ ຕະຫຼອດຮອດ ສູນເລືອດແຂວງໃນທົ່ວປະເທດ ບໍ່ພຽງພໍທີ່ຈະຕອບສະໜອງໃຫ້ໂຮງໝໍແຕ່ລະແຫ່ງທີ່ມີຄວາມຕ້ອງການເລືອດ ບໍ່ວ່າຈະເປັນການນຳໃຊ້ໃນການຮັກສາຄົນເຈັບສຸກເສີນກະທັນຫັນ ຫຼື ປິ່ນ ປົວຍາວນານ. ດັ່ງນັ້ນ, ການບໍລິຈາກເລືອດ ຈຶ່ງເປັນສິ່ງທີ່ສຳຄັນທີ່ສຸດ ຈຶ່ງຮຽກຮ້ອງໃຫ້ບັນດາພະນັກງານ-ນັກຮົບໃນກົມກອງ ແລະ ນັກຮຽນ-ນັກສຶກສາ ເປັນເຈົ້າການໃນການບໍລິຈາກເລືອດເພື່ອເປັນການຊ່ວຍເຫຼືອເພື່ອນມະນຸດດ້ວຍກັນ ທັງເປັນ ການສະແດງເຖິງນ້ຳໃຈເສຍສະ ຫຼະທີ່ຍິ່ງໃຫຍ່ຊ່ວຍຕໍ່ຊີວິດ ສະ ແດງເຖິງຫຼັກມະນຸດສະທຳ ທີ່ເພື່ອນມະນຸດມີຕໍ່ກັນ ແລະ ກັນ ໃນສັງຄົມອີກດ້ວຍ.
ການບໍລິຈາກເລືອດໃນຄັ້ງນີ້ ມີນັກຮຽນ-ນັກສຶກສາເຂົ້າຮ່ວມ ທັງໝົດ 93 ສະຫາຍ, ຍິງ22 ສະຫາຍ, ສະໝັກໃຈບໍລິຈາກເລືອດທັງໝົດ 4 ສະຫາຍ, ໄດ້ຮັບເລືອດທັງໝົດ 4 ຖົງ ເທົ່າກັບ 1.000 CC.
ໂດຍ: ນາງ ໂຄດາ ໄຊຍະສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
