ວັນພະຫັດ, ວັນທີ 05 ທັນວາ 2024
ໜ່ວຍຊາວໜຸ່ມ ຫ້ອງການບໍລິຫານ ກົມໃຫຍ່ພະລາທິການກອງທັບ ສະຫຼຸບວຽກງານຮອບດ້ານ ປະຈຳໄຕມາດ III ປີ 2024
ເວລາອອກຂ່າວ: 2024-11-04 09:13:18 | ຜູ້ຂຽນ : admin1 | ຈຳນວນຄົນເຂົ້າຊົມ: 382 | ຄວາມນິຍົມ: 
ວັນທີ 30 ຕຸລາ 2024 ນີ້, ໜ່ວຍຊາວໜຸ່ມ ຫ້ອງການບໍລິ ຫານ ກົມໃຫຍ່ພະລາທິການກອງທັບ ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຮອບ ດ້ານ ປະຈຳໄຕມາດ III ປີ 2024 ແລະ ທິດທາງແຜນການ ປະຈຳໄຕມາດ IV ປີ 2024, ໂດຍການເປັນປະທານຂອງ ສະຫາຍ ພັນໂທ ວຽງຄຳ ສີທະວົງ ຮອງຫົວ ໜ້າຫ້ອງການບໍລິຫານ ກົມໃຫຍ່ພະລາທິການກອງທັບ, ມີຄະນະໜ່ວຍຊາວໜຸ່ມ ພ້ອມດ້ວຍສະມາ ຊິກຊາວໜຸ່ມເຂົ້າຮ່ວມ.
ສະຫາຍ ພັນຕີ ໄຊສະຫວາດ ພັນສະຫວັນ ເລຂາໜ່ວຍຊາວໜຸ່ມ ຫ້ອງການບໍລິຫານ ກົມໃຫຍ່ພະລາທິການກອງທັບ ໄດ້ຜ່ານບົດລາຍງານການເມືອງທັງສອງພາກ ຄະນະຊາວໜ່ວຍໜຸ່ມໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນການພັດທະນາເສດຖະກິດ 5 ປີແຫ່ງລັດ ຄັ້ງທີ IX ເວົ້າລວມ, ເວົ້າສະເພາະແມ່ນມະຕິກອງປະຊຸມຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ມະຕິກອງປະຊຸມ ຂອງຫ້ອງການຊາວໜຸ່ມ ກະຊວງປ້ອງກັນປະເທດວາງອອກ ຖືເອົາການດຳເນີນຊີວິດການເມືອງພາຍໃນໜ່ວຍ ແລະ ຈຸໃຫ້ສະມາຊິກຊາວໜຸ່ມຢ່າງເປັນປົກກະຕິ, ຈັດຕັ້ງເຂົ້າຮ່ວມຮັບຟັງປາຖະກະຖາມູນເຊື້ອວັນສຳຄັນຕ່າໆຂອງຊາດ, ຂອງພັກ, ຂອງກອງທັບ ແລະ ເຊື່ອມຊຶມບັນດາມະຕິ, ຄຳສັ່ງ, ແຈ້ງການຂອງຂັ້ນເທິງວາງອອກ ເຮັດໃຫ້ພະນັກງານ-ສະມາຊິກຊາວໜຸ່ມມີຄຸນສົມບັດສິນທຳປະຕິວັດ, ມີແບບແຜນການດຳລົງຊີວິດທີ່ດີ, ເປັນແບບຢ່າງນຳໜ້າໃນທຸກຂະບວນການວຽກງານດ້ານຕ່າງໆທີ່ການຈັດຕັ້ງຂັ້ນເທິງມອບໝາຍໃຫ້ ຕິດພັນກັບວຽກງານຫາລາຍໄດ້ເຂົ້າຄັງລວມໜ່ວຍຊາວໜຸ່ມດ້ວຍການຂາຍເຄື່ອງດື່ມ, ບັດເຕີມເງິນ ແລະ ອາຫານຕາມສັ່ງ ປະເພດຕ່າງໆ ສ່ວນດ້ານວຽກ ງານນະໂຍບາຍໄດ້ຈັດຕັ້ງສະມາ ຊິກຊາວໜຸ່ມໄປຢ້ຽມຢາມຄົນເຈັບ, ນອນໂຮງໝໍ, ລາພັກປິ່ນ ປົວ, ເກີດລູກ, ທັງສຸມໃສ່ຂະບວນ
ການເພີ່ມພູນຜະລິດຜົນ ປູກພືດຜັກລົ້ມລຸກຕາມລະດູການ ເພື່ອແກ້ໄຂຊິວິດການເປັນຢູ່ຂອງສະ ມາຊິກຊາວໜຸ່ມໃຫ້ນັບມື້ດີຂຶ້ນ.ຈາກນັ້ນ, ກອງປະຊຸມຍັງໄດ້ຜ່ານຂໍ້ກຳນົດ ວ່າດ້ວຍທີ່ຕັ້ງ, ພາລະບົດບາດ, ໂຄງປະກອບການຈັດຕັ້ງ ສິດ, ຂອບເຂດການເຄື່ອນ ໄຫວ ແລະ ແບບແຜນວິທີເຮັດວຽກຂອງໜ່ວຍຊາວໜຸ່ມ, ຂໍ້ຕົກ ລົງ ວ່າດ້ວຍການແບ່ງໜ້າທີ່ຄວາມຮັບຜິດຊອບໃນການຄຸ້ມຄອງກອງທຶນຂອງໜ່ວຍຊາວໜຸ່ມ ຫ້ອງການບໍລິຫານ ກົມໃຫຍ່ພະລາທິການກອງທັບ ອີກດ້ວຍ.
ໂດຍ: ຄຳປະສົງ ລາດຊະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
