ວັນສຸກ, ວັນທີ 06 ທັນວາ 2024
ກອງປະຊຸມຄົບຄະນະກຳມາທິການ ປກຊ-ປກສ ສະພາແຫ່ງຊາດ ຊຸດທີ IX ປະຈຳ ປີ 2024
ເວລາອອກຂ່າວ: 2024-11-04 12:28:31 | ຜູ້ຂຽນ : admin2 | ຈຳນວນຄົນເຂົ້າຊົມ: 697 | ຄວາມນິຍົມ: 
ໃນວັນທີ 4 ຕຸລາ 2024 ນີ້, ທີ່ສະພາແຫ່ງຊາດ, ໄດ້ມີກອງປະຊຸມຄົບຄະນະຂອງກຳມາທິການປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ຊຸດທີ IX ປະຈຳປີ 2024. ໂດຍການເປັນປະທານຂອງ ສະຫາຍ ພົນຕີ ປອ ວົງສັກ ພັນທະວົງ ກຳມະການຄະນະປະຈຳສະພາແຫ່ງຊາດ, ປະທານກຳມາທິການ ປກຊ-ປກສ ສະພາແຫ່ງຊາດ, ມີບັນດາສະຫາຍຮອງປະທານກຳມາທິການ, ບັນດາທ່ານກຳມະການສັງກັດກຳມາທິການ, ພະນັກງານວິຊາການຂັ້ນກົມ, ພະແນກ, ແຂກຖືກເຊີນທີ່ມາຈາກບັນດາກຳມາທິການ, ຄະນະເລຂາທິການ, ສະຖາບັນຄົ້ນຄວ້ານິຕິກຳ ພາຍໃນສະພາແຫ່ງຊາດ, ຕາງໜ້າຄະນະນໍາກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ສະຫະພັນນັກຮົບເກົ່າແຫ່ງຊາດລາວ, ຫ້ອງການຄະນະກຳມະການ ປກຊ-ປກສ ສູນກາງ, ກອງບັນຊາການທະຫານນະຄອນຫຼວງວຽງຈັນ ແລະ ປກສ ນະຄອນຫຼວງວຽງຈັນເຂົ້າຮ່ວມ.
ສະຫາຍ ພົນຈັດຕະວາ ສົມວັນ ທຳມາໄຊ ຮອງປະທານກໍາມາທິການ ປກຊ-ປກສ ສະພາແຫ່ງຊາດ ໄດ້ຜ່ານບົດສະຫຼຸບ, ຕີລາຄາການເຄື່ອນໄຫວວຽກງານ ປີ 2024 ແລະ ທິດທາງແຜນການເຄື່ອນໄຫວ ປີ 2025, ຜ່ານການຮັບຟັງບົດສະຫຼຸບຕີລາຄາການເຄື່ອນໄຫວປະຕິບັດໜ້າທີ່ວຽກງານ ປະຈຳປີ 2024 ແລະ ທິດທາງແຜນການເຄື່ອນໄຫວວຽກງານ ປະຈໍາປີ 2025 ຂອງກໍາມາທິການປ້ອງ ປກຊ-ປກສ ສະພາແຫ່ງຊາດ, ບົດລາຍງານຂອກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ສະຫະພັນນັກຮົບເກົ່າແຫ່ງຊາດລາວ, ຫ້ອງການຄະນະກຳມະການ ປກຊ-ປກສ ສູນກາງ ແລະ ການປະກອບຄໍາເຫັນຢ່າງກົງໄປກົງມາ, ເລິກເຊິ່ງ ແລະ ກວ້າງຂວາງ ຂອງບັນດາຜູ້ເຂົ້າຮ່ວມ.
ກອງປະຊຸມໄດ້ຕົກລົງຮັບຮອງເອົາບົດສະຫຼຸບການເຄື່ອນໄຫວວຽກງານ ປະຈໍາປີ 2024 ຂອງກຳມາທິການ ປກຊ-ປກສ ສະພາແຫ່ງຊາດ ຊຸດທີ IX, ຍ້ອງຍໍຊົມເຊີຍ ຕໍ່ກໍາມາທິການ ປກຊ-ປກສ ສະພາແຫ່ງຊາດ ຊຸດທີ IX ທີ່ໄດ້ເອົາໃຈໃສ່ຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ ຂອງຕົນ ໃນການເປັນເສນາທິການ ໃຫ້ສະພາແຫ່ງຊາດ ກໍຄື ຄະນະປະຈຳສະພາແຫ່ງຊາດ ກ່ຽວກັບການຈັດຕັ້ງປະຕິບັດ 03 ພາລະບົດບາດ ເຊັ່ນ: ພາລະບົດບາດ ດ້ານນິຕິບັນຍັດ, ດ້ານການຕົກລົງບັນຫາສໍາຄັນພື້ນຖານ ແລະ ດ້ານການຕິດຕາມກວດກາ ໃນຂົງເຂດ ປກຊ-ປກສ ແລະ ສະຫະພັນນັກຮົບເກົ່າ; ຮັບຮອງເອົາແຜນການເຄື່ອນໄຫວວຽກງານ ປະຈໍາປີ 2025 ຂອງກຳມາທິການ ປກຊ- ປກສ ກອງປະຊຸມຮັບຮອງເອົາ 6 ຄາດໝາຍສູ້ຊົນລວມ ແລະ ແຜນວຽກງານຈຸດສຸມ ປະຈຳປີ 2025 ຄື ດ້ານນິຕິບັດຍັດ, ດ້ານການຕົກລົງບັນຫາສຳຄັນພື້ນຖານ, ບ້ານການຕິດຕາມກວດກາ, ສືບຕໍ່ການສ້າງຄວາມເຂັ້ມແຂງໃຫ້ແກ່ກຳມາທິການ; ຮັບຮອງເອົາການຄົ້ນຄວ້າ ບັນຫາສໍາຄັນພື້ນຖານຈໍານວນໜຶ່ງ ທີ່ພົວພັນເຖິງຄວາມໝັ້ນຄົງ ຂອງຊາດ ແລະ ຮັບຮອງເອົາມາດຕະການຈັດຕັ້ງປະຕິບັດແຜນການ ປະຈໍາປີ 2025.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
