ວັນພຸດ, ວັນທີ 04 ທັນວາ 2024
ວປກ ຈັດກິດຈະກຳ ບໍລິຈາກເລືອດ
ເວລາອອກຂ່າວ: 2024-11-05 09:28:19 | ຜູ້ຂຽນ : admin1 | ຈຳນວນຄົນເຂົ້າຊົມ: 551 | ຄວາມນິຍົມ: 
ໃນບໍ່ດົນຜ່ານມານີ້, ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ຈັດກິດຈະກຳບໍລິຈາກເລືອດ ໃຫ້ສູນເລືອດແຫ່ງຊາດ (ອົງການກາແດງລາວ), ໂດຍມີ ສະຫາຍ ພັນໂທ ສົມສະຫວັນ ນົນຈັນທະວົງ ຮອງຫົວໜ້າກົມພະລາ-ເຕັກນິກ ວປກ, ມີ ທ່ານ ນາງ ຈິລາພາ ແກ້ວຄຳຜຸຍ ຮອງຫົວໜ້າສະຖາບັນສູນເລືອດແຫ່ງຊາດ, ມີພະນັກງານ-ນັກ ຮົບ, ຄູ-ອາຈານ ແລະ ນັກສຶກສາ ເຂົ້າຮ່ວມ.
ໂອກາດນີ້, ທ່ານ ນາງ ຈິລາພາ ແກ້ວຄຳຜຸຍ ໄດ້ກ່າວວ່າ: ການ ບໍລິຈາກເລືອດຄັ້ງນີ້, ເປັນ ການປະຕິບັດຕາມແຜນຕາຕະ ລາງບໍລິຈາກເລືອດປະຈຳປີ ຂອງກະຊວງປ້ອງກັນປະເທດ ກໍຄື ສູນບໍລິຈາກເລືອດ ເພື່ອນຳເອົາເລືອດໄປຊ່ວຍກອບກູ້ຊີວິດເພື່ອນມະນຸດດ້ວຍກັນ ທີ່ກຳລັງນອນປິ່ນປົວຢູ່ຕາມໂຮງໝໍແຫ່ງຕ່າງໆໃນທົ່ວປະເທດ.
ສະຫາຍ ພັນໂທ ນາງ ພອນ ວັນ ວົງພັນສີ ຫົວໜ້າພະແນກເສນາຮັກ ວປກ ໃຫ້ຮູ້ຕື່ມວ່າ: ວປກ ແມ່ນກົມກອງໜຶ່ງທີ່ໄດ້ຮ່ວມແຮງຮ່ວມໃຈກັນ ແລະ ໃຫ້ຄວາມສຳຄັນໃນການບໍລິຈາກເລືອດ ເພື່ອຊ່ວຍເຫຼືອສັງຄົມ ໂດຍບໍ່ຫວັງສິ່ງຕອບແທນ ຜ່ານມາ ວປກໄດ້ເຂົ້າຮ່ວມກິດຈະກຳບໍລິຈາກເລືອດແລ້ວຫຼາຍຄັ້ງ.
ສຳລັບກິດຈະກຳບໍລິຈາກເລືອດຄັ້ງນີ້, ມີຜູ້ບໍລິຈາກ ທັງໝົດ 34 ສະຫາຍ, ໄດ້ເລືອດ 34 ຖົງ.
ໂດຍ: ອາລຸນ ພັນຈະເລີນພົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
