ວັນອັງຄານ, ວັນທີ 03 ທັນວາ 2024
ອິນໂດເນເຊຍ ຍື່ນຄຳຮ້ອງຂໍເຂົ້າເປັນສະມາຊິກກຸ່ມປະເທດບຣິກສ໌
ເວລາອອກຂ່າວ: 2024-11-05 09:49:45 | ຜູ້ຂຽນ : admin1 | ຈຳນວນຄົນເຂົ້າຊົມ: 81 | ຄວາມນິຍົມ: 
ຂ່າວສານຊິນຮວາຂອງຈີນ ລາຍງານໃຫ້ຮູ້ໃນວັນທີ 1 ພະຈິກ 2024 ນີ້ວ່າ: ວັນທີ 31 ຕຸລາ ຜ່ານມາ, ທ່ານ ຣອຍ ແຊວມິຣັດ ໂຄສົກກະຊວງການຕ່າງປະເທດອິນໂດເນເຊຍ ໄດ້ກ່າວວ່າ: ອິນໂດເນເຊຍ ໄດ້ຍື່ນຄຳຮ້ອງຂໍເຂົ້າເປັນສະມາຊິກກຸ່ມປະເທດທີ່ມີພື້ນຖານເສດຖະກິດຫາກໍພົ້ນເດັ່ນ ຫຼື ບຣິກສ໌ (BRICS), ແລະ ພວມລໍຖ້າເຂົ້າເປັນປະເທດສະມາຊິກຂອງກຸ່ມປະເທດດັ່ງກ່າວຢ່າງເປັນທາງການ. ເຊິ່ງປັດຈຸບັນ, ອິນໂດເນເຊຍ ພວມລໍຖ້າຂໍ້ຕົກລົງສຸດທ້າຍຂອງປະເທດສະມາຊິກບຣິກສ໌.
ທ່ານ ແຊວມິຣັດ ກ່າວຕື່ມວ່າ: ອິນໂດເນເຊຍ ຫວັງວ່າ ຖ້າຫາກໄດ້ເຂົ້າເປັນປະເທດສະມາຊິກບຣິກສ໌ແລ້ວ ຈະເປີດກວ້າງສາຍພົວພັນຄູ່ຮ່ວມມືດ້ານເສດຖະກິດກັບປະເທດສະມາຊິກບຣິກສ໌ອື່ນໆ ແລະ ປະກອບສ່ວນຢ່າງຕັ້ງໜ້າໃນການຮັບມືກັບວິກິດການຂອງໂລກໃຫ້ຫຼາຍກວ່າເກົ່າ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
