POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ນຳໃຊ້ພາຫະນະ ແລະ ເຄື່ອງມື ທີ່ທັນສະໄໝ ເຂົ້າຮ່ວມເຝິກຊ້ອມກອບກູ້ໄພພິບັດຝ່າຍດຽວ
ເວລາອອກຂ່າວ: 2024-11-06 09:11:40 | ຜູ້ຂຽນ : admin1 | ຈຳນວນຄົນເຂົ້າຊົມ: 1785 | ຄວາມນິຍົມ:

ກົມອຸດສາຫະກຳປ້ອງກັນຊາດ ແມ່ນໜຶ່ງໃນບັນດາ 6 ກົມ ທີ່ຂຶ້ນກັບ ກົມໃຫຍ່ເຕັກນິກກອງທັບ ທີ່ໄດ້ຮັບການສ້າງຕັ້ງຂຶ້ນເມື່ອວັນທີ 3 ພຶດສະພາ 1993 ມີໜ້າທີ່ຊີ້ນຳຫົວໜ່ວຍໂຮງງານຂຶ້ນກັບ ຜະລິດ ແລະ ສ້ອມແປງຮັບໃຊ້ກອງທັບ ແລະ ສັງຄົມຈຳນວນໜຶ່ງ, ເປັນເສນາທິການດ້ານວຽກງານອຸດສາຫະກຳປ້ອງກັນຊາດ ມີໜ້າທີ່ຊ້ອມແປງພາຫະນະ, ອາວຸດ, ຄົ້ນຄວ້າຜະລິດ ອາໄຫຼ່ປ່ຽນຖ່າຍພາຫະນະ, ອາວຸດ ແລະ ອຸປະກອນການທະຫານ, ອັນ ພົ້ນເດັ່ນແມ່ນໄດ້ຄົ້ນຄວ້າຜະລິດ ໂດຣນລຸ່ນ VTL1 ແລະ ອຸປະ ກອນໂດຣນ ຈຳນວນໜຶ່ງ. ສະຫາຍ ພັນເອກ ສຸດໃຈ ສໍວິໄຊ ຫົວໜ້າກົມອຸດສາຫະກຳປ້ອງກັນຊາດ ກົມໃຫຍ່ເຕັກນິກກອງທັບ ໄດ້ໃຫ້ສຳພາດວ່າ: ກົມອຸດສາຫະກຳປ້ອງກັນຊາດ ກໍເປັນສ່ວນໜຶ່ງທີ່ສຳຄັນໃນການນຳໃຊ້ພະຫະນະ ແລະ ເຄື່ອງມື ທີ່ທັນສະໄໝ ເຂົ້າຮ່ວມເຝີກຊ້ອມກອບກູ້ໄພພິບັດ ຝ່າຍດຽວ ປະຈຳປີ 2024 ເຊິ່ງພາຍຫຼັງໄດ້ຮັບການມອບໝາຍຈາກຂັ້ນເທິງ ໂດຍສະເພາະກົມໃຫຍ່ເສນາທິການກອງທັບ ມອບໝາຍໃຫ້ກົມອຸດສະຫະກຳປ້ອງກັນຊາດເຂົ້າຮ່ວມເຝິກຊ້ອມກອບກູ້ໄພພິບັດຝ່າຍດຽວ ຢູ່ທີ່ອ່າງນ້ຳຫຸມ ເພື່ອກະກຽມໃສ່ການຊ້ອມຮ່ວມ 3 ກອງທັບ, ເມື່ອໄດ້ຮັບຄຳສັ່ງກໍໄດ້ຈັດຕັ້ງພາຫະນະ ແລະ ກຳລັງເຂົ້າຍຶດສະໜາມ ຮ່ວມກັບຫຼາຍພາກສ່ວນ, ນຳເອົາພາຫະນະ ແລະ ເຄື່ອງມື ທີ່ທັນສະໄໝ ເຂົ້າມາຮ່ວມເຊິ່ງປະກອບມີ: ລົດບັນ ຊາໂດຣນ ເຊິ່ງເປັນລົດທີ່ດັດ ແປງຈາກລົດບັນທຸກມາເປັນລົດບັນຊາ ເບື້ອງໜ້າຂອງລົດຈະເປັນຕູ້ປະກອບບັນຊາໂດຣນ ໃສ່ຄົບຊຸດສາມາດເຄື່ອນທີ່ເຮັດໜ້າທີ່ຢູ່ພາກສະໜາມໄດ້, ສ່ວນເບື້ອງຫຼັງຂອງລົດໃນເວລາເຄື່ອນທັບຈະກາຍເປັນບ່ອນບັນທຸກເຄື່ອງສາມາດເກັບເຄື່ອງໄດ້, ພາຍຫຼັງຮອດສະໜາມແລ້ວຈະກາຍເປັນເດີນບິນສຸກເສີນໃຫ້ແກ່ ຍົນ VTL-1 ເຊິ່ງແມ່ນຍົນທີ່ເປັນຜົນງານຂອງກົມອຸດສາຫະກຳ ຄົ້ນຄວ້າຜະລິດລຳໂຕ ແລະ ກອບລະບົບ ເອົາເຂົ້າມາເຝິກກອບກູ້ໄພພິບັດ ເພື່ອລາດຕະເວນ ຈຳ ນວນ 2 ລຳ, ມີຍົນຟາຍກາດ ເຊິ່ງເປັນຍົນສີ່ໃບພັດນຳເຂົ້າມາເຮັດໜ້າທີ່ແກ່ທຸງພັກ, ທຸງຊາດ ຜ່ານໜ້າສວນສະໜາມ ໃນພິທີເປີດ-ປີດ ແລະ ເຮັດໜ້າທີ່ເວລາເຝິກຊ້ອມກອບກູ້ໄພພິບັດ ບິນສົ່ງເຄື່ອງຊ່ວຍບັນເທົາທຸກ ແລະ ເຄື່ອງຊູຊີບ ໃຫ້ຜູ້ປະສົບໄພ, ນອກ ນັ້ນ, ຍັງໄດ້ໃຊ້ຍົນ DJI M350 ບັນທຸກກ້ອງສີ່ຈຸດພິກັດ ເພື່ອບິນລາດຕະເວນຊອກຫາຄົ້ນຫາຜູ້ປະສົບໄພ ເພື່ອລາຍງານໃຫ້ສູນ ບັນຊາຮັບຊາບ. ໃນການເຝິກ ຊ້ອມກອບກູ້ໄພພິບັດຄັ້ງນີ້, ກົມອຸດສາຫະກຳປ້ອງກັນຊາດ ໄດ້ເຮັດໜ້າທີ່ຄວບຄຸມ, ບັນຊາຍົນ (ບໍມີຄົນຂັບ), ໂດຣນ ບິນສຳ ຫຼວດຊອກຄົ້ນຜູ້ປະສົບໄພທາງ ນ້ຳ, ທາງບົກ ແລະ ປ່ອຍເຄື່ອງຊູຊີບ, ນ້ຳດື່ມ ແລະ ອາຫານ ໃຫ້ຜູ້ປະສົບໄພຕົກຄ້າງຢູ່ຕາມຫຼັງຄາເຮືອນ, ຕົ້ນໄມ້, ເກາະດອນ ແລະ ຢ່ອນເຄື່ອງບັນເທົາທຸກ ໃຫ້ຜູ້ປະ ສົບໄພເຂດພູດິນເຈື່ອນທັບຖົມ, ອາຄານຖະຫຼົ່ມ. ສະຫາຍ ພັນເອກ ສຸດໃຈ ສໍວິໄຊ ໃຫ້ຮູ້ຕື່ມອີກວ່າ: ຜ່ານມາກົມອຸດສາຫະກຳປ້ອງກັນຊາດ ກໍໄດ້ນຳໃຊ້ໂດຣນທີ່ຜະລິດເອງ VTL-1 ເຮັດໜ້າທີ່ເປັນເປົ້າໝາຍທາງອາກາດ ໃຫ້ປືນປ້ອງກັນອາກາດຊູ 57 ຍິງຕົກ 2 ລຳ ແລະ ນຳໃຊ້ໂດຣນ VTL-1 ຕິດກ້ອງບິນຊີ້ຈຸດພິກັດ ແລະ ບິນສັງເກດຈຸດຕົກ ຂອງລູກປືນໃຫຍ່ໃຫ້ ກົມປືນໃຫຍ່ໜ້າດິນ ໃນງານສະເຫຼີມສະຫຼອງວັນສ້າງຕັ້ງກອງທັບ 75 ປີ ທີ່ວິທະຍາຄານນາຍທະຫານ ກົມມະດຳ ມີຜົນ ສຳເລັດຢ່າງຈົບງາມ. ໂດຍ: ເພັດ

news to day and hot news