ວັນອັງຄານ, ວັນທີ 03 ທັນວາ 2024
ໄທ ມີແຜນຈະປັບປຸງອາຍຸພະນັກງານເຂົ້າຮັບບຳນານ
ເວລາອອກຂ່າວ: 2024-11-06 09:23:35 | ຜູ້ຂຽນ : admin1 | ຈຳນວນຄົນເຂົ້າຊົມ: 89 | ຄວາມນິຍົມ: 
ຂ່າວສານຫວຽດນາມ ລາຍງານໃຫ້ຮູ້ໃນວັນທີ 31 ຕຸລາ 2024 ນີ້ວ່າ: ທ່ານ ພິພັດ ຣັດຊະກິດປຣະການ ລັດຖະມົນຕີກະຊວງແຮງງານຂອງໄທ ໄດ້ກ່າວວ່າ: ກະຊວງແຮງງານຂອງໄທ ມີແຜນຈະປັບປຸງອາຍຸ ການເຂົ້າຮັບບຳນານຂອງພະນັກງານ ທັງພາກລັດ ແລະ ເອກະຊົນ ຢູ່ທີ່ໄວອາຍຸ 65 ປີ ຄືກັນກັບ ສິງກະໂປ ແລະ ສະວິດ.
ລາຍງານ ໄດ້ໃຫ້ຮູ້ວ່າ: ນອກ ຈາກການປັບປຸງອາຍຸ ການເຂົ້າຮັບບຳນານຂອງພະນັກງານ, ກະຊວງແຮງງານຂອງໄທ ຍັງມີແຜນຈະແກ້ໄຂພະຣາຊະບັນຍັດດ້ານປະກັນສັງຄົມ ແລະ ຂະຫຍາຍຜົນປະໂຫຍດດ້ານປະກັນສັງຄົມ ໃຫ້ກວມລວມທັງແຮງງານຕ່າງດ້າວຈຳນວນ 2 ລ້ານຄົນ ຈາກ ມຽນມາ, ລາວ ແລະ ກຳປູເຈຍ. ລາຍງານ ຍັງໃຫ້ຮູ້ອີກວ່າ: ຕາມແຜນການປັບປຸງດັ່ງກ່າວ, ບຸກຄົນທີ່ປະກອບອາຊີບອິດສະຫຼະ ແລະ ກຳມະກອນທີ່ເຮັດວຽກໃນຂະແໜງອຸດສາຫະກຳ ທີ່ໄດ້ຮັບການຍົກເວັ້ນຈາກລະບົບປະກັນສັງຄົມໃນປັດຈຸບັນ ຈະຕ້ອງລົງທະບຽນໃນລະບົບພາຍໃຕ້ກົດໝາຍທີ່ໄດ້ຮັບການແກ້ໄຂໃໝ່ ເຊິ່ງລວມເຖິງຄົນຂັບລົດແທັກຊີ, ຄົນຂັບລົດສົ່ງເຄື່ອງ (ໄຣເດີ), ກຳມະກອນທາງການກະເສດ, ແຮງງານຮັບໃນເຮືອນ ແລະ ບັນດາພໍ່ຄ້າຊາວຂາຍ. ນອກຈາກນີ້, ຍັງມີການສະເໜີ ໃຫ້ເພີ່ມເງິນສົມທົບກອງທຶນຈາກນາຍຈ້າງ ແລະ ລູກຈ້າງ ຝ່າຍລະ 2% ໂດຍໃຫ້ຝ່າຍລັດຖະບານສົບທົບ 2,5%, ລວມເງິນສົມທົບທັງ 3 ສ່ວນ ຈະເພີ່ມເປັນ 6,25%.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
