ວັນພະຫັດ, ວັນທີ 12 ທັນວາ 2024
ກອງພົນທີ 4 ປະກາດລຸລ່ວງນາຍທະຫານ ພັກການເພື່ອກຽມຮັບເບ້ຍບຳນານ
ເວລາອອກຂ່າວ: 2024-11-07 08:55:24 | ຜູ້ຂຽນ : admin1 | ຈຳນວນຄົນເຂົ້າຊົມ: 962 | ຄວາມນິຍົມ: 
ວັນທີ 5 ພະຈິກ 2024 ນີ້, ກອງພົນທີ 4 ໄດ້ປະກາດລຸລ່ວງໃຫ້ນາຍທະຫານພັກການ ເພື່ອກຽມຮັບເບ້ຍບຳນານຂຶ້ນຢູ່ທີ່ຫ້ອງປະຊຸມຂອງກອງພົນ ໂດຍການເປັນປະທານຂອງ ສະຫາຍ ພັນເອກ ຈັນແດງ ຂຸນຍຸລາດ ຄະນະປະຈຳພັກກອງພົນ ຫົວໜ້າຫ້ອງການເມືອງກອງພົນ ທີ 4, ມີຄະນະພັກ-ຄະນະຫ້ອງຫ້ອງການເມືອງ, ພະແນກພະ ນັກງານ, ພະແນກຈັດຕັ້ງພັກ, ພະແນກນະໂຍບາຍ, ຕະຫຼອດຮອດພະນັກງານທີ່ພັກການເພື່ອກຽມລໍຖ້າເຂົ້າຮັບເບ້ຍບຳນານເຂົ້າຮ່ວມ.
ສະຫາຍ ພັນໂທ ແສງທອງ ສີທະວົງ ຄະນະພັກຮາກຖານຫ້ອງການເມືອງ, ຫົວໜ້າພະແນກພະນັກງານກອງພົນໄດ້ຂຶ້ນຜ່ານຂໍ້ຕົກລົງຂອງກອງພົນທີ 4 ວ່າດ້ວຍການອະນຸມັດໃຫ້ນາຍທະຫານພັກການ ເພື່ອກະກຽມລໍຖ້າເຂົ້າຮັບເບ້ຍບຳນານໃນຕົ້ນປີ 2025, ອີງຕາມກົດໝາຍ ວ່າດ້ວຍນາຍທະຫານກອງທັບປະ ຊາຊົນລາວ (ສະບັບປັບປຸງ) ວ່າດ້ວຍອາຍຸກະສຽນຮັບເບ້ຍບຳ ນານຂອງນາຍທະຫານ. ກອງພົນທີ 4 ຕົກລົງ; ອະນຸມັດໃຫ້ນາຍທະຫານທົ່ວກອງພົນທີ 4 ພັກການ ເພື່ອກຽມຮັບເບ້ຍບຳນານ ທັງໝົດ ຈຳນວນ 33 ສະຫາຍ
ສະຫາຍ ພັນເອກ ຈັນແດງ ຂຸນຍຸລາດ ຄະນະປະຈຳພັກກອງພົນ, ຫົວໜ້າຫ້ອງຫານເມືອງກອງພົນທີ 4 ໄດ້ຍ້ອງຍໍຊົມເຊີຍ ແລະ ສະແດງຄວາມຮູ້ບຸນຄຸນຕໍ່ບັນດາສະຫາຍທີ່ໄດ້ສຸມສະຕິປັນຍາ, ອຸທິດເຫື່ອແຮງປະກອບສ່ວນເຂົ້າໃນພາລະກິດປົກປັກຮັກສາແລະ ສ້າງສາປະເທດຊາດ, ເຮັດສຳເລັດໜ້າທີ່ ທີ່ພັກ-ລັດ ກໍຄືການຈັດຕັ້ງຂັ້ນເທິງມອບໝາຍໃຫ້, ພ້ອມທັງຮຽກຮ້ອງໃຫ້ບັນ ດາສະຫາຍເອົາໃຈໃສ່ສຶກສາອົບ ຮົມການເມືອງໃຫ້ລູກຫຼານ ແລະ ພໍ່ແມ່ປະຊາຊົນຢູ່ຖ້ອງຖິ່ນທີ່ຕົນເອງອາໄສຢູ່ ໃຫ້ເຊື່ອມຊຶມກຳແໜ້ນແນວທາງຂອງພັກ ແລະ ນຳພາຈັດຕັ້ງປະຕິບັດໃຫ້ຖືກຕ້ອງສອດຄ່ອງກັບວຽກງານຕົວຈິງ ເປັນແບບຢ່າງນຳພາປະຊາຊົນສ້າງເສດຖະກິດຢູ່ຮາກຖານກຸ່ມບ້ານ ໂດຍຖືເອົາວຽກງານ 4 ປູກ 4 ລ້ຽງ ຕາມທ່າແຮງເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໃຫ້ມີຊີວິດການເປັນຢູ່ດີຂຶ້ນເລື້ອຍໆ.
ໂດຍ: ໂພຄຳ ພອນປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
