POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ປະກາດການຮັບຮອງເອົາ 6 ບ້ານ ທີ່ຂຶ້ນກັບ ເມືອງກາສີ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2024-11-07 09:09:29 | ຜູ້ຂຽນ : admin1 | ຈຳນວນຄົນເຂົ້າຊົມ: 891 | ຄວາມນິຍົມ:

ປະກາດການຮັບຮອງເອົາ 6 ບ້ານ ທີ່ຂຶ້ນກັບເມືອງກາສີ ແຂວງວຽງຈັນ ເປັນບ້ານປ້ອງກັນຊາດເຂັ້ມແຂງ ຄື: ບ້ານ ໜອງບົວທອງ, ບ້ານພູຄຳ, ບ້ານນ້ຳພົດ, ບ້ານນາສັງທອງ, ບ້ານນາມອນ ແລະ ບ້ານ ໂພນທ່ຽງ ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ຮອງເລຂາພັກແຂວງ ຮອງເຈົ້າແຂວງ ແຂວງວຽງຈັນ, ສະຫາຍ ອຳໄພ ໂສລັດຕະນະວົງ ກຳມະການພັກແຂວງ, ເລຂາພັກເມືອງ, ເຈົ້າເມືອງ ເມືອງກາສີ, ມີ ສະຫາຍ ພັນເອກ ສົມພັນ ເຮືອງພະຈັນ ກຳມະການຄະນະປະຈຳພັກກອງບັນຊາການ, ຫົວໜ້າຫ້ອງການເມືອງ ກອງບັນຊາການທະຫານແຂວງວຽງຈັນ, ມີ ຄະນະພັກ-ຄະນະບັນຊາກອງບັນ ຊາການທະຫານເມືອງກາສີ, ພາກສ່ວນທີ່ກ່ຽວຂ້ອງ ແລະ ແຂກຖືກເຊີນ ເຂົ້າຮ່ວມ. ສະຫາຍ ຕຸ້ຍ ຫຸມໄພວັນ ນາຍບ້ານ ບ້ານພູຄຳ ໄດ້ຕາງໜ້າໃຫ້ອຳນາດການປົກຄອງທັງ 6 ບ້ານ ຜ່ານບົດສະຫຼຸບການຈັດຕັ້ງປະຕິບັດ ແລະ ປະເມີນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ໂດຍໄດ້ຍົກໃຫ້ເຫັນດ້ານຕັ້ງໜ້າ ແລະ ຂໍ້ຄົງຄ້າງທີ່ຈະຕ້ອງໄດ້ສຸມໃສ່ ເປັນຕົ້ນແມ່ນອຳນາດການປົກຄອງທ້ອງຖິ່ນ ແລະ ປະຊາຊົນພາຍໃນບ້ານ ໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດ ເປັນກົກ ດ້ວຍການນຳເອົາມະຕິຄຳສັ່ງຕ່າງໆ ຂອງພັກ, ກົດໝາຍຂອງລັດ ມາຈັດຕັ້ງເຜີຍແຜ່ໃຫ້ປະ ຊາຊົນບັນດາເຜົ່າພາຍໃນບ້ານ ເຂົ້າໃຈແຈ້ງຕໍ່ແນວທາງນະໂຍ ບາຍຂອງພັກ, ປະຕິບັດກົດໝາຍຂອງລັດ ແລະ ເອກະສານອື່ນໆ ເພື່ອໃຫ້ເຂົາເຈົ້າຮັບຮູ້, ເຊື່ອມຊຶມ ເຮັດໃຫ້ປະຊາຊົນມີຄວາມສະດຸ້ງໄວ, ຕື່ນຕົວປະກອບສ່ວນອັນສຳຄັນ ເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບຢ່າງຕັ້ງໜ້າ, ພ້ອມກັນເປັນເຈົ້າການເຮັດໜ້າທີ່ຕິດຕາມສະພາບກຸ່ມຄົນທີ່ບໍ່ຫວັງດີພາຍໃນບ້ານ ແລະ ຂອບເຂດຂອງຕົນຮັບຜິດຊອບ ຢ່າງເຂັ້ມງວດ, ເຊິ່ງທັງ 6 ບ້ານ ມີພົນລະເມືອງທັງໝົດ 4.919 ຄົນ, ຍິງ 2.431 ຄົນ, ມີ 951 ຫຼັງຄາເຮືອນ, ມີ 1.187 ຄອບຄົວ, ມີ 48 ໜ່ວຍສາມັກຄີ, ມີລະບົບການຈັດຕັ້ງຂັ້ນຮາກຖານບ້ານ, ມີທ່າແຮງບົ່ມຊ້ອນຫຼາຍດ້ານທີ່ເປັນເງື່ອນໄຂຂໍ້ສະດວກໃນການພັດທະນາເສດຖະກິດ-ສັງຄົມ ເຮັດໃຫ້ບ້ານໄດ້ຮັບການພັດທະນາຢ່າງຕໍ່ເນື່ອງ, ການສ້າງເສດຖະກິດແກ້ໄຂຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເທື່ອລະກ້າວ. ຜ່ານການຈັດຕັ້ງປະຕິບັດການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ສາມາດຕີລາຄາດັ່ງນີ້: ການສ້າງຄອບຄົວປ້ອງກັນຊາດເຂັ້ມແຂງ ປະຕິບັດໄດ້ 95% ໃນຈຳນວນ 1.187 ຄອບຄົວ ແລະ ສາມາດຮັບຮອງເອົາ 6 ບ້ານທີ່ຂຶ້ນກັບເມືອງກາສີ ເປັນບ້ານປ້ອງກັນຊາດເຂັ້ມແຂງ ຕາມ 6 ມາດຖານຂອງກະຊວງປ້ອງກັນປະເທດວາງອອກ. ພ້ອມນັ້ນ, ຍັງໄດ້ຜ່ານຂໍ້ຕົກລົງຂອງທ່ານເຈົ້າເມືອງ ເມືອງກາສີ ແຂວງວຽງຈັນ ວ່າດ້ວຍການຢັ້ງຢືນຮັບຮອງເອົາຄອບຄົວປ້ອງກັນຊາດເຂັ້ມແຂງ ແລະ ຂໍ້ຕົກລົງຂອງ ທ່ານເຈົ້າແຂວງ ແຂວງວຽງຈັນ ວ່າດ້ວຍການຢັ້ງ ຢືນ ແລະ ຮັບຮອງເອົາ 6 ບ້ານທີ່ຂຶ້ນກັບເມືອງກາສີ ເປັນບ້ານປ້ອງກັນຊາດເຂັ້ມແຂງ ພ້ອມທັງມອບໃບຢັ້ງຢືນໃຫ້ແກ່ຄອບຄົວ ແລະ ບ້ານປ້ອງກັນຊາດເຂັ້ມແຂງ ຢ່າງສົມກຽດ. ສະຫາຍ ພູທະນູເພັດ ໄຊສົມບັດ ຍັງໄດ້ເນັ້ນໃຫ້ແຕ່ລະພາກສ່ວນ ຕະຫຼອດຮອດ ອຳນາດການປົກ ຄອງບ້ານ ແລະ ປະຊາຊົນພາຍໃນ 6 ບ້ານ ທີ່ໄດ້ຮັບການຢັ້ງ ຢືນເປັນຄອບຄົວ ແລະ ບ້ານປ້ອງ ກັນຊາດເຂັ້ມແຂງ ຕ້ອງໄດ້ເປັນເຈົ້າການສືບຕໍ່ປະກອບສ່ວນສຳ ຄັນເຂົ້າຮ່ວມການຈັດຕັ້ງເຄື່ອນໄຫວເຮັດວຽກງານປ້ອງກັນຊາດ-ປ້ອງກັນຄວາມສະຫງົບໃນການປົກປັກຮັກສາບ້ານຊ່ອງຂອງຕົນ, ປັບປຸງຕາໜ່າງກອງຫຼອນຂັ້ນຮາກຖານບ້ານ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ, ຮູ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງ ຕົນ ເປັນເຈົ້າການປະສານສົມ ທົບກັບຂັ້ນເທິງ ແລະ ພາກສ່ວນກ່ຽວຂ້ອງ ໃນເມື່ອມີສະພາບການຕ້ອງແກ້ໄຂໃຫ້ທັນກັບເວລາ, ເພື່ອຕ້ານ ແລະ ສະກັດກັ້ນປະກົດການຕ່າງໆ, ໜໍ່ແໜງທີ່ຈະກໍ່ໃຫ້ເກີດຄວາມບໍ່ສະຫງົບຢູ່ທ້ອງຖິ່ນຂອງຕົນ ໃນສະເພາະໜ້າ ແລະ ຍາວນານ. ໂດຍ: ສາຍຄຳ ພອນມະນີ ພາບ: ເລມ໋ອນ

news to day and hot news