ວັນພະຫັດ, ວັນທີ 12 ທັນວາ 2024
ຮອງຫົວໜ້າ ກົມກໍ່ສ້າງຮາກຖານ ເຄື່ອນໄຫວ ຊຸກຍູ້ວຽກງານວິຊາສະເພາະ ຢູ່ບັນດາ ທະຫານເມືອງ
ເວລາອອກຂ່າວ: 2024-11-07 10:27:02 | ຜູ້ຂຽນ : admin2 | ຈຳນວນຄົນເຂົ້າຊົມ: 2006 | ຄວາມນິຍົມ: 
ວັນທີ 06 ພະຈິກ 2024 ນີ້, ສະຫາຍ ພັນໂທ ຄອນວິໄລ ທຳມະວົງສາ ຮອງຫົວໜ້າກົມກໍ່ສ້າງຮາກຖານ ກົມໃຫຍ່ການເມືອງກອງທັບ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານວິຊາສະເພາະຢູ່ ກອງບັນຊາການທະຫານເມືອງສີໂຄດຕະບອງ, ເມືອງສີສັດຕະນາກ ແລະ ກອງຮ້ອຍທະຫານຊາຍແດນ 242, ໂດຍມີຕ່າງໜ້າຈາກຫ້ອງການຄະນະກຳມະການ ປກຊ-ປກສ ນະຄອນຫຼວງ, ກອງບັນຊາການທະຫານນະຄອນຫຼວງວຽງຈັນ, ພະແນກທີ່ກ່ຽວຂ້ອງ ແລະ ພະນັກງານ - ນັກຮົບ ເຂົ້າຮ່ວມ.
ໃນພິທີ ຄະນະພັກ-ຄະນະບັນຊາ ກອງບັນຊາການທະຫານເມືອງສີໂຄດຕະບອງ, ເມືອງສີສັດຕະນາກ ແລະ ກອງຮ້ອຍທະຫານຊາຍແດນ 242 ໄດ້ຜັດປ່ຽນກັນລາຍງານບັນດາສະພາບການໂດຍຫຍໍ້ ພ້ອມທັງຕີ ລາຄາການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບດ້ານ, ການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ການສ້າງກົມກອງແຮກສ່ຽວກັບອຳນາດການປົກຄອງບ້ານ, ສ້າງພະນັກງານຫຼັກແຫຼ່ງແກ່ນສານ, ຕິດຕາມສະພາບຂອງກຸ່ມຄົນບໍ່ດີ ສະກັດກັ້ນປະກົດການຫຍໍ້ທໍ້ຕ່າງໆ, ພ້ອມທັງພະນັກງານກໍ່ສ້າງຮາກຖານ ແລະ ພະແນກການທີ່ກ່ຽວຂ້ອງ ໄດ້ແລກປ່ຽນຄໍາຄິດຄຳເຫັນ ເຖິງຂໍ້ສະດວກ ແລະ ຂໍ້ຫຍຸ້ງຍາກໃນການປະຕິບັດໜ້າທີ່ລົງກໍ່ສ້າງຮາກຖານໃນໄລຍະຜ່ານມາ.
ໂອກາດນີ້ ສະຫາຍ ພັນໂທ ຄອນວິໄລ ທຳມະວົງສາ ກໍ່ໄດ້ເນັ້ນໜັກໃຫ້ ຄະນະພັກ - ຄະນະບັນຊາ ແລະ ພະນັກງານ-ນັກຮົບ ເອົາໃຈໃສ່ໃນການຫັນລົງກໍ່ສ້າງຮາກຖານຕາມ 4 ເນື້ອໃນ 4 ຄາດໝາຍ, ສືບຕໍ່ສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ, ລົງແຮກສ່ຽວກັບອຳນາດການປົກຄອງ, ພະນັກງານລົງປະຈຳກຸ່ມບ້ານ ໃຫ້ຍົກສູງສິດໜ້າທີ່ພາລະບົດບາດ, ສ້າງພະນັກງານຫຼັກແຫຼ່ງແກ່ນສານ, ປະສານສົມທົບກັບ ປກສ ກຸ່ມ, ອົງການປົກຄອງບ້ານ ແກ້ໄຂປະກົດການຫຍໍ້ທໍ້ທີ່ເກີດຂຶ້ນ ເຮັດໃຫ້ສະພາບໃນຂອບເຂດຕົນຮັບຜິດຊອບມີຄວາມສະຫງົບໂດຍພື້ນຖານ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
