ວັນພະຫັດ, ວັນທີ 12 ທັນວາ 2024
ກອງປະຊຸມສະຫຼຸບການຈັດຕັ້ງການຮຽນ-ການສອນ ທົ່ວກອງທັບ
ເວລາອອກຂ່າວ: 2024-11-07 14:33:53 | ຜູ້ຂຽນ : admin2 | ຈຳນວນຄົນເຂົ້າຊົມ: 1907 | ຄວາມນິຍົມ: 
ກອງປະຊຸມສະຫຼຸບການຈັດຕັ້ງປະຕິບັດ ການຮຽນ - ການສອນ ສົກຮຽນ 2023 – 2024 ແລະ ທິດທາງປັບປຸງການຮຽນ - ການສອນ ປະຈໍາສົກຮຽນ 2024 – 2025, ໄດ້ຈັດຂຶ້ນລະຫວ່າງ ວັນທີ 5-6 ພະຈິກ 2024 ນີ້, ໂດຍການເປັນປະທານຂອງ ສະຫາຍ ພົນຕີ ພັນແສງ ບຸນພັນ ຮອງຫົວໜ້າກົມໃຫຍ່ເສນາທິການກອງທັບ, ມີຜູ້ຕາງໜ້າບັນດາກົມ, ຄະນະພັກ - ຄະນະອໍານວຍການ ວິທະຍາຄານ, ໂຮງຮຽນ ແລະ ພວກສ່ວນທີ່ກ່ຽວເຂົ້າຮ່ວມ.
ສະຫາຍ ພັນເອກ ຫຼ້າສຸລິຍາ ເພັງຄູນ ຮອງຫົວໜ້າກົມໂຮງຮຽນ ກົມໃຫຍ່ເສນາທິການກອງທັບ ໄດ້ ຜ່ານບົດສະຫຼຸບການຈັດຕັ້ງປະຕິບັດ ການຮຽນ - ການສອນ ສົກຮຽນ 2023 – 2024 ແລະ ທິດທາງປັບປຸງການຮຽນ - ການສອນ ປະຈໍາສົກຮຽນ 2024 – 2025, ເຊິ່ງໄລຍະຜ່ານມາ ໄດ້ເອົາໃຈໃສ່ໃນການຈັດຕັ້ງປະຕິບັດຕາມ 04 ໜ້າທີ່ໃຫຍ່ 26 ແຜນງານ ຂອງຄະນະພັກກະຊວງປ້ອງກັນປະເທດ ໂດຍສະເພາະແມ່ນການຈັດຕັ້ງບັນດານະໂນບາຍ, ຍຸດທະສາດ, ຄາດໝາຍ ແລະ ວຽກງານຈຸດສຸມທີ່ກໍານົດໃນແຜນຍຸດທະສາດ ພັດທະນາວຽກງານໂຮງຮຽນ ຂອງກອງປະຊຸມ ວຽກງານໂຮງຮຽນທົ່ວກອງທັບ ຄັ້ງທີ III, ໂດຍສະເພາະແມ່ນ ແຜນການປັບປຸງຄຸນນະພາບການຮຽນ-ການສອນ, ແຜນປັບປຸງລະບົບ ວິທະຍາຄານ, ໂຮງຮຽນ ແລະ ສູນເຝິກໃຫ້ສູ່ລະບົບ ພ້ອມທັງຮັບປະກັນໃຫ້ຜົນການຮຽນຂອງນັກຮຽນ-ນັກສຶກສາ ໄດ້ຮັບການປັບປຸງດີຂຶ້ນ, ຍົກສູງຄຸນນະພາບຂອງການຮຽນ-ການສອນໃນຂັ້ນພື້ນຖານທາງດ້ານການທະຫານ, ການເມືອງ ແລະ ວິຊາສະເພາະໃຫ້ດີຂຶ້ນ ໂດຍເນັ້ນໃສ່ການກໍ່ສ້າງຜູ້ບັນຊາ, ກໍ່ສ້າງນາຍສິບ, ເພື່ອໃຫ້ສາມາດຕອບສະໜອງໄດ້ຕາມຄວາມຕ້ອງການຂອງກອງທັບ, ສ້າງຄວາມເຂັ້ມແຂງໃຫ້ແກ່ການກໍ່ສ້າງກໍາລັງໃນສະເພາະໜ້າ ແລະ ຍາວນານ ໃຫ້ນັບມື້ນັບດີຂຶ້ນ, ພ້ອມກັນນີ້ຫຼາຍພາກສ່ວນກໍຍັງໄດ້ຂຶ້ນປະກອບຄໍາຄິດເຫັນໃສບົດສະຫຼຸບຕື່ມອີກ.
ສະຫາຍ ສະຫາຍ ພົນຕີ ພັນແສງ ບຸນພັນ ກໍໄດ້ມີຄໍາເຫັນໂອ້ລົມ ພ້ອມທັງຮຽກຮ້ອງໃຫ້ບັນດາສະຫາຍທຸກພາກສ່ວນ ຍົກສູງບົດບາດໜ້າທີ່ຂອງຕົນໃຫ້ດີຂຶ້ນ ພ້ອມກັນນໍາເອົາຜົນຂອງກອງປະຊຸມໃນຄັ້ງນີ້ໄປຈັດຕັ້ງປະຕິບັດ ດ້ວຍຄວາມເປັນເອກະພາບ ຕາມຫຼັກການ ແລະ ຂໍ້ກໍານົດກົດລະບຽບທີ່ວາງໄວເພີ່ມທະວີ ກໍາແໜ້ນບັນດາເນື້ອໃນໃຫ້ຈະແຈ້ງ ເພື່ອເຮັດໃຫ້ການຈັດຕັ້ງປະຕິບັດ ມີຄວາມໜັກແໜ້ນເຂັ້ມແຂງ ແລະ ມີຜົນສໍາເລັດສູງ.
ໂດຍ:ເຂັມພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
