ວັນສຸກ, ວັນທີ 06 ທັນວາ 2024
ການາ ເປີດນຳໃຊ້ເຄືອຂ່າຍອິນເຕີເນັດ 5 ຈີ ຄັ້ງທຳອິດ
ເວລາອອກຂ່າວ: 2024-11-08 10:52:06 | ຜູ້ຂຽນ : admin3 | ຈຳນວນຄົນເຂົ້າຊົມ: 119 | ຄວາມນິຍົມ: 
ສຳນັກຂ່າວຊິນຮວາຂອງ ສປ ຈີນ ລາຍງານໃຫ້ຮູ້ໃນວັນທີ 5 ພະຈິກ 2024 ນີ້ວ່າ: ປະເທດ ການາ ໄດ້ເປີດນຳໃຊ້ເຄືອຂ່າຍອິນເຕີເນັດ 5 ຈີ ຄັ້ງທຳອິດ, ເພື່ອກະຕຸ້ນການຫັນເປັນດີຈິຕອນ ແລະ ການເຕີບໂຕທາງເສດຖະກິດຂອງປະເທດ. ເຄືອຂ່າຍອິນເຕີເນັດ 5 ຈີ ດັ່ງກ່າວ, ສ້າງຂຶ້ນໂດຍກຸ່ມບໍລິສັດເນັກຊ໌-ເຈນ ອິນຟຣາໂກ (Next-Gen InfraCo) ເຊິ່ງ ເປັນຜູ້ໃຫ້ບໍລິການດ້ານໂທລະຄົມມະນາຄົມ ທີ່ໄດ້ຮັບສິດ ທິພິເສດ ໃນການເປີດນຳໃຊ້ພື້ນ ຖານໂຄງລ່າງ 4 ຈີ ແລະ 5 ຈີ ທົ່ວປະເທດ ເປັນເວລາ 10 ປີ, ເພື່ອຂັບເຄື່ອນການຄວບຄຸມ ແລະ ສະຖຽນລະ ພາບຂອງເຄືອຂ່າຍໃນການາ.
ທ່ານ ນານາ ອັດໂດ ດັນກວາ ອາຄູໂຟ-ອັດໂດ ປາທານາທິບໍດີ ການາ ກ່າວໃນພິທີເປີດວ່າ: ການ ເຂົ້າມາຂອງເຄືອຂ່າຍອິນເຕີເນັດ 5 ຈີ ຖືເປັນໄລຍະເວລາອັນສຳຄັນ ໃນການສ້າງການຄວບຄຸມ ແລະ ການຫັນເປັນດີຈິຕອນຂອງປະເທດ. ເຕັກໂນໂລຊີຂັ້ນສູງດັ່ງກ່າວ ຈະສ້າງຄວາມກ້າວໜ້າ ໃນການເຊື່ອມຕໍ່ສົ່ງເສີມ ວິໄສທັດຂອງປະເທດ ໃນການເປັນສູນກາງທາງເສດຖະກິດດິຈິຕອນ ແລະ ຊ່ວຍສະໜັບສະໜູນ ແຜນການດິຈິຕອນ ປີ 2030 ຂອງ ການາ, ທັງເປັນການສອດຄອງກັບແຜນການປີ 2063 ຂອງສະຫະພາບ ອາຟຣິກາ. ເຕັກໂນໂລຊີໃໝ່ນີ້ ບໍ່ພຽງແຕ່ຈະເຮັດໃຫ້ອິນເຕີເນັດໄວຂຶ້ນ ແຕ່ຍັງມີຄວາມກ້າວໜ້າດ້ານການເຊື່ອມຕໍ່ທີ່ສອດຄອງກັບ ວິໄສທັດຂອງການາ ໃນການຂຶ້ນເປັນສູນກາງ ເສດຖະກິດດິຈິຕອນ, ສົ່ງເສີມການຂະຫຍາຍຕົວທາງດ້ານເສດຖະກິດ ແລະ ການປ່ຽນແປງໃນທຸກດ້ານອີກດ້ວຍ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
