ວັນສຸກ, ວັນທີ 06 ທັນວາ 2024
ອານເຊຣີ ຊື້ລະບົບຣາດາຕ້ານປືນໃຫຍ່ ຈາກ ຣັດເຊຍ
ເວລາອອກຂ່າວ: 2024-11-08 10:57:40 | ຜູ້ຂຽນ : admin3 | ຈຳນວນຄົນເຂົ້າຊົມ: 150 | ຄວາມນິຍົມ: 
ກອງທັບອານເຊຣີ ໄດ້ນຳສະເໜີລະບົບ ຣາດາ ຕ້ານປືນໃຫຍ່ ລຸ້ນ 1L260 Zoopark-1M ທີ່ຊື້ໃໝ່ຈາກ ຣັດເຊຍ ແລະ ນຳມາວາງສະແດງໃຫ້ມວນຊົນທົ່ວໄປ
ໄດ້ຮັບຊົມ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບຂອງອານເຊຣິີ ຄົບຮອບ 70 ປີ.
ລະບົບ ຣາດາ ລຸ້ນ 1L260 Zoopark-1M ແມ່ນລະບົບຣາດາ ທີ່ມີຄວາມທັນສະໄໝ ທີ່ອອກແບບ ແລະ ຜະລິດໂດຍຣັດເຊຍ ເພື່ອເສີມຂະຫຍາຍການສະໜອງຂໍ້ມູນ, ການເຕືອນໄພໃນສະໜາມຮົບເຮັດໃຫ້ສາມາດກວດກາ, ຄົ້ນຫາ ແລະ ຕິດຕາມຕຳແໜ່ງປືນໃຫຍ່ຂອງສັດຕູຢູ່ໃນໄລຍະໄກປະມານ 35 ກິໂລແມັດ, ສະຫນອງຂໍ້ມູນທີ່ສຳຄັນ ສຳລັບການປະຕິບັດການປະສານງານໄດ້ຢ່າງວ່ອງໄວ ແລະ ມີປະສິດທິພາບ.
ເນື່ອງຈາກຣາດາດັ່ງກ່າວ, ເປັນລະບົບທີ່ມີຄວາມທັນສະ ໄໝ ແລະ ສາມາດປະຕິບັດງານຢູ່ໃນສະພາບສົງຄາມທາງອີເລັກໂຕຣນິກທີ່ສັບສົນໄດ້ເປັນຢ່າງດີ, ເຮັດໃຫ້ລະບົບຣາດາ 1L260Zoopark-1M ສາມາດກຳນົດເປົ້າໝາຍໄດ້ຫຼາຍຈຸດໃນເວລາດຽວກັນ, ສ້າງຄວາມໄດ້ປຽບທີ່ດີ ເພື່ອຮັບມືກັບໄພຂົ່ມຂູ່ດ້ວຍລູກສອນໄຟ.
ການໄດ້ຄອບຄອງລະບົບຣາດາ Zoopark-1M ຂອງກອງທັບອານເຊຣີ ສະແດງໃຫ້ເຫັນເຖິງຄວາມພະຍາຍາມຂອງ ອານເຊຣີ ໃນການເສີມຂະຫຍາຍຄວາມສາມາດຂອງຕົນໃນການຕ້ານໄພຂົ່ມຂູ່ຂອງປືນໃຫຍ່ທີ່ທັນສະໄໝ ແລະ ເສີມຂະຫຍາຍຄວາມປອດໄພຕາມເຂດຊາຍແດນຂອງປະເທດໃຫ້ໄດ້ດີຂຶ້ນກວ່າເກົ່າ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
