ວັນສຸກ, ວັນທີ 13 ທັນວາ 2024
ກອງບັນຊາການທະຫານແຂວງຫຼວງນ້ຳທາ ປາຖະກະຖາວັນມະຫາປະຕິວັດເດືອນຕຸລາຣັດເຊຍ
ເວລາອອກຂ່າວ: 2024-11-11 09:00:07 | ຜູ້ຂຽນ : admin1 | ຈຳນວນຄົນເຂົ້າຊົມ: 666 | ຄວາມນິຍົມ: 
ວັນທີ 5 ພະຈິກ 2024 ນີ້, ກອງບັນຊາການທະຫານແຂວງຫຼວງນ້ຳທາ ໄດ້ປາຖະກະຖາວັນມະຫາປະຕິວັດເດືອນຕຸລາຣັດເຊຍ ຄົບຮອບ 107 ປີ ຄື ( 7 ພະຈິກ 1917-7 ພະຈິກ 2024) ໂດຍການເປັນປະທານ ແລະ ປາຖະ
ກະຖາ ຂອງສະຫາຍ ພັນເອກ ຄຳເຫຼັກ ສາຍຄຳພວນ ຫົວໜ້າຫ້ອງການເມືອງ, ມີຄະນະພັກ-ຄະນະບັນຊາ, ພະນັກງານ-ນັກຮົບ ອົງການ 5 ຫ້ອງ, ກົມກອງອ້ອມຂ້າງ ເຂົ້າຮ່ວມ.
ສະຫາຍ ພັນເອກ ຄຳເຫຼັກ ສາຍຄຳພວນ ໄດ້ຍົກໃຫ້ເຫັນ ການກຳເນີດ, ຄວາມໝາຍ ຄວາມສຳຄັນ, ການຊ່ວຍເຫຼືອ ແລະ ຄວາມຮູ້ທີ່ຖືກຕ້ອງ ຕໍ່ການປະ
ຕິວັດເດືອນຕຸລາຣັດເຊຍ ໃນເງື່ອນໄຂໃໝ່ ເຊິ່ງການປະຕິວັດເດືອນຕຸລາຣັດເຊຍ ມີຄວາມໝາຍອັນຍິ່ງໃຫຍ່ໃນປະຫວັດສາດ: ເປັນການໄຂສັງກາດໃໝ່ໃຫ້ແກ່ມວນມະນຸດໃນການຂ້າມຜ່ານໄປສູ່ລະບອບໃໝ່, ລະບອບສັງຄົມນິຍົມ, ເຮັດໃຫ້ໂລກທີ່ປົກຄຸມດ້ວຍລະບອບທຶນນິຍົມ ຖືກແຕກອອກເປັນປ່ຽງ ກາຍເປັນລະບົບສັງຄົມນິຍົມໃນຂອບເຂດທົ່ວໂລກ. ໂລກໄດ້ມີ 2 ລະບອບສັງຄົມທີ່ຕໍ່ສູ້ກັນ, ທັງແຂ່ງຂັນ ແລະ ທັງຮ່ວມມືກັນ, ການປະຕິວັດເດືອນຕຸລາສຳເລັດຜົນ ໄດ້ເກີດມີລັດຂອງຊົນຊັ້ນກຳມະກອນ ແລະ ຊາວນາ ເປັນຄັ້ງທຳອິດໃນໂລກ, ແມ່ນລັດຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ. ລະບອບຄົນກົດຂີ່ຂູດຮີດຄົນ ໄດ້ຖືກລົບລ້າງຢ່າງເປັນທາງການ, ປະຊາຊົນທຸກຊົນຊັ້ນໄດ້ມີສິດເສລີພາບ ປະຊາທິປະໄຕ ຢ່າງເຕັມປ່ຽມ, ປະຊາຊົນໄດ້ມີສ່ວນຮ່ວມເປັນເຈົ້າການ ໃນການສ້າງສາພັດທະນາປະເທດຊາດຂອງຕົນ, ການປະຕິວັດເດືອນຕຸລາໄດ້ຮັບໄຊຊະນະ, ແມ່ນໄຊຊະນະຂອງລັດທິ ມາກ-ເລນິນ ຈາກທິດສະດີໄດ້ກາຍເປັນພຶດຕິກຳຕົວຈິງ, ພັກກອມມູນິດໄດ້ກາຍເປັນພັກກຳອຳນາດ ນຳພາທົ່ວປະເທດຄັ້ງທຳອິດ. ພັກໄດ້ກາຍເປັນແກນນຳໝົດລະບົບການເມືອງ ຂອງລະບອບສັງຄົມນິຍົມ, ເປັນຫຼັກແຫຼັງໃນການຮັດແຫນ້ນຄວາມສາມັກຄີເປັນປຶກແຜ່ນພາຍໃນ, ສຶກສາອົມຮົມ ແລະ ປຸກລະດົມປະຊາຊົນຕໍ່ສູ້ປົກປັກຮັກສາ ແລະ ສ້າງສາປະເທດຊາດ.
ພ້ອມດຽວກັນນີ້, ໄດ້ເຜີຍແຜ່ເຊື່ອມຊຶມ ເອກະສານກ່ຽວກັບອາຊຽນ, ການກະກຽມ ແລະ ການເປັນເຈົ້າພາບເປັນປະທານກອງປະຊຸມລັດຖະມົນຕີປ້ອງກັນປະເທດອາຊຽນ ຂອງກອງທັບປະຊາຊົນລາວ ຕື່ມອີກ.
ໂດຍ: ແສງທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
