ວັນສຸກ, ວັນທີ 06 ທັນວາ 2024
ອາເມຣິກາ ແລະ ອີກ 10 ປະເທດ ວິຕົກກັງວົນເລື່ອງທີ່ ສປປ ເກົາຫຼີ ສົ່ງທະຫານໄປຣັດເຊຍ
ເວລາອອກຂ່າວ: 2024-11-11 09:08:41 | ຜູ້ຂຽນ : admin3 | ຈຳນວນຄົນເຂົ້າຊົມ: 87 | ຄວາມນິຍົມ: 
ວິທະຍຸກະຈາຍສຽງຫວຽດນາມ ລາຍງານໃຫ້ຮູ້ໃນວັນທີ 7 ພະຈິກ 2024 ນີ້ວ່າ: ວັນທີ 6 ພະຈິກ ຜ່ານມາ, ອາເມຣິກາ ພ້ອມກັບ 10 ປະເທດ ໄດ້ອອກຖະແຫຼງ ການຮ່ວມສະແດງຄວາມວິຕົກກັງວົນຢ່າງແຮງກ່ຽວກັບເລື່ອງທີ່ ສປປ ເກົາຫຼີ ສົ່ງທະຫານໄປຣັດເຊຍ ແລະ ຄາດວ່າບັນດາທະຫານດັ່ງກ່າວ ອາດຈະຖືກໝູນໃຊ້ເຂົ້າໃນການປະທະກັນຢູ່ ອູແກຼນ.
ຖະແຫຼງການຮ່ວມ ໄດ້ລົງນາມໂດຍລັດຖະມົນຕີກະຊວງການຕ່າງປະເທດຂອງ ອາເມຣິກາ, ອົດສະຕຼາລີ, ການາດາ, ຝຣັ່ງ, ເຢຍລະມັນ, ອີຕາລີ, ຍີ່ປຸ່ນ, ສ ເກົາ
ຫຼີ, ນູແວນເຊລັງ, ອັງກິດ ແລະ ຜູ້ຕາງໜ້າຂັ້ນສູງຂອງ ສະຫະພາບເອີຣົບ. ບັນດາປະເທດດັ່ງກ່າວ ໄດ້ໃຫ້ຮູ້ວ່າ: ທະຫານຂອງ ສປປ ເກົາຫຼີ ນັບພັນຄົນ ໄດ້ຖືກສົ່ງໄປຍັງ ຣັດເຊຍ ແລະ ການທີ່ ສປປ ເກົາຫຼີ ຊ່ວຍເຫຼືອ ຣັດເຊຍ ໃນການປະທະກັນຢູ່ ອູແກຼນ ຈະເຮັດໃຫ້ການປະທະກັນຂະຫຍາຍກ້ວາງອອກ ແລະ ສົ່ງຜົນຕາມມາຢ່າງຮ້າຍແຮງຕໍ່ຄວາມໝັ້ນຄົງ ແລະ ສັນຕິພາບຢູ່ເຂດ ເອີຣົບ ແລະ ມະຫາສະໝຸດອິນເດຍ-ປາຊີຟິກ. ນອກນີ້, ບັນດາປະເທດດັ່ງກ່າວ ຍັງໄດ້ສະແດງຄວາມວິຕົກກັງວົນວ່າ: ຣັດເຊຍ ອາດຈະຖ່າຍທອດເຕັກໂນໂລຊີລູກສອນໄຟນຳວິຖີ ຫຼື ນິວເຄລຍ ໃຫ້ແກ່ ສປປ ເກົາຫຼີ, ເຊິ່ງເປັນການລະເມີດບັນດາມະຕິທີ່ກ່ຽວຂ້ອງຂອງ ສະພາຄວາມໝັ້ນຄົງ ສປຊ ຖະແຫຼງການຮ່ວມຂອງບັນດາປະເທດດັ່ງກ່າວ ຍັງໄດ້ຢືນຢັນຄືນຄຳໝັ້ນສັນຍາ ທີ່ຈະສືບຕໍ່ໃຫ້ການຊ່ວຍເຫຼືອແກ່ ອູແກຼນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
