ວັນພຸດ, ວັນທີ 04 ທັນວາ 2024
ຣັດເຊຍ ພ້ອມມອບກຳມະສິດໃຫ້ອິນເດຍ ຜະລິດຍົນ ຊູ-35
ເວລາອອກຂ່າວ: 2024-11-11 09:16:50 | ຜູ້ຂຽນ : admin3 | ຈຳນວນຄົນເຂົ້າຊົມ: 100 | ຄວາມນິຍົມ: 
ບໍລິສັດສົ່ງອອກອາວຸດ Rosoboronexport ຂອງຣັດເຊຍ ປະກາດວ່າ: ຣັດເຊຍ ພ້ອມແລ້ວທີ່ຈະໂອນເຕັກໂນໂລຊີເຮືອ ບິນສູ້ຮົບ ຊູ-35 (Su-35) ໃຫ້ ອິນເດຍ. ນີ້ຖືເປັນຂໍ້ສະເໜີຢ່າງ ຕັ້ງໜ້າເພື່ອຮັດແໜ້ນການພົວ ພັນດ້ານການປ້ອງກັນຊາດຂອງ ສອງປະເທດໃນສະພາບທີ່ນິວເດລີ ພວມຕັ້ງໜ້າປະຕິບັດໂຄງການຈັດຊື້ເຮືອບິນຮົບ ຈຳນວນ 114 ລຳ.
ອີງຕາມຂ່າວການທະຫານຂອງບຸນກາຣີ (Bulgarian Military) ໃຫ້ຮູ້ວ່າ, ຄວາມຕ້ອງ ການຂອງອິນເດຍ ສຳລັບເຕັກໂນໂລຊີການທະຫານທີ່ກ້າວຫນ້າ ແລະ ຄູ່ຮ່ວມງານການຜະລິດການປ້ອງກັນທີ່ໜ້າເຊື່ອຖືນັ້ນແມ່ນ ຣັດເຊຍ.
ຂໍ້ສະເໜີຂອງຣັດເຊຍ ຈະເປັນທ່າແຮງຊ່ວຍໃຫ້ອິນເດຍ ເປັນເຈົ້າຂອງຍົນຮົບ ລຸ້ນໃໝ່ Su-30MKI, ຕາມທີ່ອິນເດຍ ໄດ້ສະເໜີ ຂໍຜະລິດ Su-30MKI ພາຍໃນປະເທດ. ຕາມກົດສາກົນແລ້ວ, ຖ້າໄດ້ຮັບອະນຸຍາດຈາກຣັດເຊຍ, ນິວເດລີ ຈຶ່ງຈະສາມາດດຳເນີນຂະບວນການຜະລິດ Su-35 ໄດ້ຢ່າງສົມບູນ, ຂະນະດຽວກັນ ອິນເດຍ ຈະຫຼຸດຕົ້ນທຶນລົງໄດ້ຢ່າງມະຫາສານ.
ນອກຈາກນັ້ນ, ຣັດເຊຍ ຍັງ ຮັບປະກັນໃນການສະໜອງເຕັກ ໂນໂລຊີເຮືອບິນຮົບ ເພື່ອຕອບ ສະໜອງຄວາມຕ້ອງການຜະລິດ Su-35 ພາຍໃນປະເທດອິນເດຍ ໃຫ້ໄດ້ຕາມແຜນການ, ເຊິ່ງຈະຊ່ວຍໃຫ້ການຜະລິດພາຍໃນຂະຫຍາຍຕົວຢ່າງວ່ອງໄວ ເພື່ອເສີມຂະຫຍາຍຄວາມສາມາດຂອງກອງທັບອາກາດອິນເດຍຍິ່ງຂຶ້ນ.
ຄຽງຄູ່ກັນນັ້ນ, ການຜະລິດພາຍໃນບໍ່ພຽງແຕ່ສະໜັບສະໜູນຂໍ້ລິເລີ່ມສ້າງໃນປະເທດອິນ (“Make in India”) ຂອງລັດຖະບານ ແລະ ຍັງຫຼຸດຜ່ອນການ
ເພິ່ງພາການນຳເຂົ້າຈາກຕ່າງປະເທດໄດ້. ເນື່ອງຈາກການຜະລິດພາຍໃນເປັນປັດໃຈສຳຄັນ ທີ່ຈະເຮັດໃຫ້ປະເທດນີ້ມຸ່ງໄປເຖິງຍຸດທະສາດທີ່ເປັນເອກະລາດດ້ານປ້ອງກັນຊາດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
