POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 13 ທັນວາ 2024

ປະກາດປັບປຸງການຈັດຕັ້ງ ຢູ່ກອງພັນໃຫຍ່ປ້ອງກັນອາກາດ 642
ເວລາອອກຂ່າວ: 2024-11-11 13:38:03 | ຜູ້ຂຽນ : admin2 | ຈຳນວນຄົນເຂົ້າຊົມ: 803 | ຄວາມນິຍົມ:

ໃນຕົ້ນເດືອນ ພະຈິກ 2024 ຜ່ານມານີ້, ໄດ້ມີການປະກາດປັບປຸງການຈັດຕັ້ງ ຢູ່ກອງພັນໃຫຍ່ປ້ອງກັນອາກາດ 642. ໂດຍການເປັນປະທານຂອງ ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຮອງຫົວໜ້າກົມໃຫຍ່ພະລາທິການກອງທັບ, ມີສະຫາຍ ພັນໂທ ສີນວນ ສັກຕິເດດ ຮັກສາການຫົວໜ້າການເມືອງ ກອງພັນໃຫຍ່ 642, ມີບັນດາສະຫາຍຕາງໜ້າຈາກກົມໃຫຍ່ເຕັກນິກ, ກົມປ້ອງກັນອາກາດ, ພະແນກການ, ຄະນະພັກ-ຄະນະບັນຊາ ກົມກອງ ແລະ ຜູ້ທີ່ໄດ້ໜ້າທີ່ໃໝ່ເຂົ້າຮ່ວມ. ສະຫາຍ ພັນໂທ ວຽງແກ້ວ ວົງວຽງຄໍາ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮອງຫົວໜ້າກອງພັນໃຫຍ່ຮັບຜິດຊອບວຽກງານພະລາທິການ ກອງພັນໃຫຍ່ປ້ອງກັນອາກາດ 642, ແຕ່ງຕັ້ງຮອງຫົວໜ້າພະແນກພະລາທິການ ແລະ ຮອງຫົວໜ້າກອງພັນນ້ອຍຮັບຜິດຊອບວຽກງານພະລາທິການຢູ່ກົມກອງທີ່ຂຶ້ນກັບກອງພັນໃຫຍ່. ໃນນັ້ນ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ບຸນລັບ ທໍາມະວົງ ເປັນຮອງຫົວໜ້າກອງພັນໃຫຍ່ ຮັບຜິດຊອບວຽກງານພະລາທິການ ທັງເປັນຫົວໜ້າພະແນກພະລາທິການ ກອງພັນໃຫຍ່ປ້ອງກັນອາກາດ 642, ແຕ່ງຕັ້ງ ສະຫາຍ ພັນໂທ ສອນທະວີ ພູມມາລາວົງ ເປັນຮອງຫົວໜ້າພະແນກພະລາທິການ, ແຕ່ງຕັ້ງ ສະຫາຍ ພັນຕີ ທອງເພັດ ດວງພະຈັນ ເປັນຮອງຫົວໜ້າກອງພັນນ້ອຍ ຮັບຜິດຊອບວຽກງານພະລາທິການ ກອງພັນນ້ອຍ 291 ແລະ ສະຫາຍ ພັນຕີ ຊາຍສະຫວັນ ວົງວິໄລ ເປັນຮອງຮັບຜິດຊອບວຽກງານພະລາທິການ ກອງພັນນ້ອຍ 603. ສະຫາຍ ພັນຕີ ຂັນທະພອນ ເທບໄກສອນ ຕາງໜ້າກົມເສນາເຕັກນິກ ກົມໃຫຍ່ເຕັກນິກກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮອງຫົວໜ້າກອງພັນໃຫຍ່ຮັບຜິດຊອບວຽກງານເຕັກນິກກອງພັນໃຫຍ່ປ້ອງກັນອາກາດ 642, ຂັ້ນຮອງພະແນກເຕັກນິກ ແລະ ຮອງຫົວໜ້າກອງພັນນ້ອຍ ຮັບຜິດຊອບວຽກງານເຕັກນິກກອງພັນນ້ອຍ 290 ໃນນັ້ນ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ສຸກສະໄຫວ ສຸກກະເສີມ ເປັນຮອງຫົວໜ້າກອງພັນໃຫຍ່ ຮັບຜິດຊອບວຽກງານເຕັກນິກ ທັງເປັນຫົວໜ້າພະແນກເຕັກນິກ, ສະຫາຍ ພັນໂທ ວັນໄຊ ພຸດທະວົງ ເປັນຮອງຫົວໜ້າພະແນກເຕັກນິກ, ສະຫາຍ ພັນຕີ ເພັດທະລີ ສິງທະສຸກ ເປັນຮອງຫົວໜ້າກອງພັນນ້ອຍ ຮັຍຜິດຊອບວຽກງານເຕັກນິກ ກອງພັນນ້ອຍ 290. ຈາກນັ້ນ ສະຫາຍ ພັນໂທ ຄໍາພີ ບຸນມີໄຊ ຫົວໜ້າພະແນກຈັດຕັ້ງ ກົມປ້ອງກັນອາກາດ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮອງຫົວໜ້າການເມືອງ ກອງພັນໃຫຍ່ປ້ອງກັນອາກາດ 642 ໃນນັ້ນ, ກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນໂທ ຄໍາປິ່ງ ຄູນສົມເຮື່ອງ ເປັນຮອງຫົວໜ້າການເມືອງກອງພັນໃຫຍ່ ທັງເປັນຫົວໜ້າພະແນກການເມືອງ, ສະຫາຍ ພັນໂທ ບຸນປັນ ແກ້ວອຸດອນ ເປັນຫົວໜ້າພະແນກບໍລິຫານ-ສັງລວມ, ສະຫາຍ ພັນໂທ ສໍສີນໄຊ ຈັນທະແສງ ເປັນຮອງຫົວໜ້າພະແນກການເມືອງ, ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຄະນະບັນຊາກອງພັນນ້ອຍທີ່ຂຶ້ນກັບກອງພັນໃຫຍ່ປ້ອງກັນອາກາດ 642 ໃນນັ້ນ, ກົມໃຫຍ່ການເມືອງກອງທັບຕົກລົງ ແຕ່ງຕັ້ງ ສະຫາຍ ພັນໂທ ພວງແສງ ອິນທະວົງ ເປັນຫົວໜ້າການເມືອງ ກອງພັນນ້ອຍ 603, ສະຫາຍ ພັນຕີ ຄອນສະຫວັນ ເພັດປະທຸມມາ ເປັນຮອງຫົວໜ້າການເມືອງ ກອງພັນນ້ອຍ 603 ແລະ ສະຫາຍ ພັນຕີ ທອງສົມ ເຮືອງສຸພັນ ເປັນຮອງຫົວໜ້າການເມືອງ ກອງພັນນ້ອຍ 291 ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຂັ້ນຂະແໜງການ, ອົງການຊ່ວຍວຽກຢູ່ກອງພັນໃຫຍ່ປ້ອງກັນອາກາດ 642 ອີກ ຈໍານວນ 53 ສະຫາຍ. ໃນພິທີຍັງໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການອະນຸມັດໃຫ້ນາຍທະຫານຢູ່ກອງພັນໃຫຍ່ປ້ອງກັນອາກາດ 642 ພັກການ ເພື່ອກຽມຮັບບໍານານ ຈໍານວນ 7 ສະຫາຍ ໂດຍ: ແຟນຕ່າ ໄຊຍະວົງ

news to day and hot news