POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ກົມມາດຕະຖານມອບອຸປະກອນເຕັກນິກໃຫ້ກອງພົນທີ 1
ເວລາອອກຂ່າວ: 2024-11-11 15:47:55 | ຜູ້ຂຽນ : admin2 | ຈຳນວນຄົນເຂົ້າຊົມ: 916 | ຄວາມນິຍົມ:

ໃນວັນທີ 08 ພະຈິກ 2024 ນີ້, ສະຫາຍ ພົນຈັດຕະວາ ອໍາພາວັນ ມະນີວົງ ຫົວໜ້າກົມມາດຕະຖານວັດແທກຄຸນນະພາບພາຫະນະ ອາວຸດ-ຍຸດໂທປະກອນເຕັກນິກ ກົມໃຫຍ່ເຕັກນິກກອງທັບ, ພ້ອມດ້ວຍຄະນະ ໄດ້ເຄື່ອນໄຫວມອບເຄື່ອງວັດແທກປືນປ້ອງກັນອາກາດ ແລະ ເຄື່ອງກວດໝໍ້ໄຟ ໃຫ້ກອງພົນທີ 1 ເຊິ່ງໃຫ້ການຕ້ອນຮັບຂອງ ສະຫາຍ ພັນເອກ ບຸນຖະໜອມ ອິນທະວົງ ຮອງຫົວໜ້າກອງພົນ ຫົວໜ້າຫ້ອງເຕັກນິກ ກອງພົນທີ 1 ພ້ອມດ້ວຍຄະນະ. ອີງຕາມ ທິດຊີ້ນໍາຂອງຄະນະກົມໃຫຍ່ເຕັກນິກກອງທັບ ໃນການຮັບປະກັນສະໜອງອຸປະກອນເຕັກນິກໃຫ້ ກອງພັນ 162 ກອງພົນທີ 1 ເພື່ອເຮັດໜ້າທີ່ວິຊາສະເພາະຂອງຕົນ; ດັ່ງນັ້ນເພື່ອເຮັດໃຫ້ກົມກອງມີຄວາມຮັບປະກັນກຽມພ້ອມເຮັດສໍາເລັດໜ້າທີ່ວິຊາສະເພາະຂອງຕົນ ເມື່ອມີຄໍາສັ່ງຈາກຂັ້ນເທິງ; ກົມມາດຕະຖານວັດແທກຄຸນນະພາບພາຫະນະ ອາວຸດ-ຍຸດໂທປະກອນເຕັກນິກ ກົມໃຫຍ່ເຕັກນິກກອງທັບ ຈຶ່ງໄດ້ສະໜອງເຄື່ອງວັດແທກປືນປ້ອງກັນອາກາດ 23ມມ 01 ເຄື່ອງ ແລະ ເຄື່ອງກວດໝໍ້ໄຟ 6-12V 01 ເຄື່ອງ ໃຫ້ກອງພົນທີ 1, ລວມມູນຄ່າທັງໝົດ 16.000.000 ກີບ (ສິບຫົກລ້ານກີບ); ເພື່ອມອບໃຫ້ກົມກອງເປັນຜູ້ປົກປັກຮັກສາ ແລະ ນໍາໃຊ້ເຂົ້າໃນວຽກງານຮັບປະກັນເຕັກນິກເພື່ອກຽມພ້ອມເຮັດສໍາເລັດໜ້າທີ່; ໂອກາດສໍາຄັນນີ້ຈຶ່ງໄດ້ມີພີທີມອບ-ຮັບຢ່າງເປັນທາງການ, ເຊິ່ງຕາງໜ້າເຊັນມອບໂດຍ ສະຫາຍ ພົນຈັດຕະວາ ອໍາພາວັນ ມະນີວົງ ຫົວໜ້າກົມມາດຕະຖານວັດແທກຄຸນນະພາບພາຫະນະອາວຸດ-ຍຸດໂທປະກອນເຕັກນິກ ກົມໃຫຍ່ເຕັກນິກກອງທັບ ແລະ ເຊັນຮັບໂດຍ ສະຫາຍ ພັນເອກ ບຸນຖະໜອມ ອິນທະວົງ ຮອງຫົວໜ້າກອງພົນ ຫົວໜ້າຫ້ອງເຕັກນິກ ກອງພົນທີ1, ໂດຍເປັນສັກຂີພິຍານຂອງຄະນະທັງສອງຝ່າຍ. ເພື່ອສະແດງຄວາມຮູ້ບຸນຄຸນ, ສະຫາຍ ພັນເອກ ບຸນຖະໜອມ ອິນທະວົງ ຕາງໜ້າໃຫ້ຄະນະພັກ-ຄະນະບັນຊາ, ພະນັກງານ-ນັກຮົບທົ່ວກົມກອງ ໄດ້ກ່າວສະແດງຄວາມຂອບໃຈຢ່າງສູງຕໍ່ກົມມາດຕະຖານວັດແທກຄຸນນະພາບພາຫະນະອາວຸດ-ຍຸດໂທປະກອນເຕັກນິກ ກົມໃຫຍ່ເຕັກນິກກອງທັບ ທີ່ເຫັນໄດ້ເຖິງຄວາມໝາຍຄວາມຍສໍາຄັນ ແລະ ຄວາມຈໍາເປັນຂອງໜ້າທີ່ວຽກງານເຕັກນິກກໍ່ຄືວຽກງານກຽມພ້ອມສູ້ຮົບ ເຊິ່ງໄດ້ມອບອຸປະກອນທີ່ຈໍາເປັນໃຫ້ກອງພົນທີ 1 ນໍາໃຊ້ເຂົ້າໃນໜ້າທີ່ວຽກງານ ເພື່ອຮັບປະກັນໃຫ້ແກ່ກົມກອງໃນການກຽມພ້ອມສູ້ຮົບ ແລະ ເຄື່ອນໄຫວປະຕິບັດໜ້າທີ່ສູ້ຮົບຕົວຈິງໃນທຸກກໍລະນີທີ່ຈະເກີດຂຶ້ນ ໃຫ້ມີຄວາມວ່ອງໄວທັນເວລາ ແລະ ມີປະສິດທິພາບສູງ. ຂຽນໂດຍ: ໂກຮັງ ພັນທະວົງ.

news to day and hot news