ວັນສຸກ, ວັນທີ 13 ທັນວາ 2024
ຫ້ອງເສນາທິການ ກອງບັນຊາການ ທະຫານແຂວງໄຊຍະບູລີ ເປີດອົບຮົມ-ຫັດແອບ
ເວລາອອກຂ່າວ: 2024-11-12 09:05:22 | ຜູ້ຂຽນ : admin1 | ຈຳນວນຄົນເຂົ້າຊົມ: 756 | ຄວາມນິຍົມ: 
ໃນທ້າຍເດືອນຕຸລາ 2024 ນີ້, ຫ້ອງເສນາທິການ ກອງບັນ ຊາການທະຫານແຂວງໄຊຍະບູລີ ໄດ້ເປີດອົບຮົມ-ຫັດແອບວິຊາລະບຽບງົດງາມ ແລະ ສິລະປະ ຍຸດ ປືນທະຫານຮາບໃຫ້ພະນັກ ງານ-ນັກຮົບ ປະຈຳປີ 2024, ໂດຍການເປັນປະທານຂອງສະຫາຍ ພັນໂທ ເສິກ ໄຊຍະພອນ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງໄຊຍະບູລີ, ມີຄະນະຫ້ອງ, ແຂກ ຖືກເຊີນ ຕະຫຼອດຮອດພະນັກ ງານ-ນັກຮົບ ທົ່ວຫ້ອງເສນາທິການ ເຂົ້າຮ່ວມ.
ສະຫາຍ ພັນໂທ ໄພວັນ ວິໄລຈິດ ຫົວໜ້າພະແນກບໍລິ ຫານ ຫ້ອງເສນາທິການ ກອງ ບັນຊາການທະຫານແຂວງໄຊ ຍະບູລີ ໄດ້ຜ່ານແຜນການອົບ ຮົມ-ຫັດແອບ ວິຊາລະບຽບງົດ ງາມ ແລະ ສິລະປະຍຸດ ປືນທະ ຫານຮາບ ປະຈຳປີ 2024 ໃນນີ້, ອົບຮົມວິຊາລະບຽບງົດງາມ 5 ວັນ, ອົບຮົມສິລະປະຍຸດ ປືນທະຫານຮາບ 2 ວັນ. ທັງນີ້,ເພື່ອເປັນການຍົກລະດັບຄວາມຮູ້ຄວາມສາມາດທາງດ້ານວິຊາລະ ບຽບງົດງາມ ແລະ ສິລະປະຍຸດປືນທະຫານຮາບ ໃຫ້ພະນັກງານຂັ້ນຫົວໜ້າ, ຮອງຫົວໜ້າພະແນກ, ພະນັກງານ-ນັກຮົບ, ກຳແໜ້ນທາງດ້ານລະບຽບວິໄນໃຫ້ມີຄວາມເຂັ້ມແຂງ, ຍົກສູງສິລະປະຍຸດ ເພື່ອໝູນໃຊ້ເຂົ້າໃນການປະຕິບັດໜ້າທີ່ຕົວຈິງ ທັງເປັນການເອກະພາບຄືນບາງທິດສະດີ ຫຼັກການ ດ້ານລະບຽບງົດງາມ, ລະບຽບການຂໍ້ກຳນົດຕ່າງໆ ແລະ ສິລະປະຍຸດ ປືນທະຫານຮາບ ໃຫ້ມີຄວາມເປັນເອກະພາບ, ເຂັ້ມແຂງ ພ້ອມກັນນັ້ນ, ກໍເພື່ອເປັນການຊຸກຍູ້ພະນັກງານ-ນັກຮົບ ໃນການຈັດຕັ້ງປະຕິບັດຂໍ້ກຳນົດຂອງກອງທັບ ໃຫ້ເຂັ້ມງວດ ແລະ ສ້າງໃຫ້ກົມກອງມີ ລະບຽບແບບແຜນທັນສະໄໝ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
