POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

5 ປີຜ່ານມາ ພະແນກສະຫະພັນແມ່ຍິງ ກມທ ສ້າງໄດ້ຜົນງານພົ້ນເດັ່ນຫຼາຍດ້ານ
ເວລາອອກຂ່າວ: 2024-11-12 09:06:25 | ຜູ້ຂຽນ : admin1 | ຈຳນວນຄົນເຂົ້າຊົມ: 584 | ຄວາມນິຍົມ:

ສະຫາຍ ພັນຕີ ນາງ ມະໂນລັກ ປັນຍາທອງ ຫົວໜ້າ ພະແນກສະຫະພັນແມ່ຍິງ ກົມໃຫຍ່ ການເມືອງກອງທັບ (ກມທ) ລາຍງານໃນໂອກາດດໍາເນີນ ກອງປະຊຸມຜູ້ແທນສະຫະພັນແມ່ ຍິງ ທົ່ວ ກມທ ຄັ້ງທີ VII ໃຫ້ຮູ້ວ່າ: ໃນໄລ ຍະ 5 ປີຜ່ານມາ, ພະແນກສະ ຫະພັນແມ່ຍິງ ຍາມໃດກໍໄດ້ເອົາ ໃຈໃສ່ປະຕິບັດພາລະບົດບາດ ຂອງຕົນ ໃນການເປັນເສນາທິ ການໃຫ້ແກ່ຄະນະພັກ ກມທ, ຫ້ອງການເມືອງ ແລະ ຫ້ອງ ການສະຫະພັນແມ່ຍິງກອງທັບ ຈັດຕັ້ງຜັນຂະຫຍາຍມະຕິ, ຄໍາ ສັ່ງຂອງຂັ້ນເທິງ ພ້ອມທັງຈັດ ຕັ້ງຜັນຂະຫຍາຍແຜນພັດທະ ນາແມ່ຍິງໃນຂອບເຂດຄວາມ ຮັບຜິດຊອບຂອງຕົນ, ໄດ້ປະ ສານສົມທົບກັບຄະນະພັກ-ຄະນະບັນຊາ ເອົາໃຈໃສ່ສຶກ ສາອົບຮົມການເມືອງ-ນໍາພາ ແນວຄິດໃຫ້ສະມາຊິກແມ່ຍິງ ດ້ວຍຫຼາຍຮູບ, ຫຼາຍວິທີການ ທີ່ສອດຄ່ອງ ແລະ ແທດເໝາະ ກັບເງື່ອນໄຂຕົວຈິງຂອງແຕ່ລະ ກົມກອງ, ປຸກລະດົມສະມາຊິກ ແມ່ຍິງເຂົ້າຮ່ວມເຊື່ອມຊຶມແນວ ທາງນະໂຍບາຍ, ມະຕິ, ຄໍາສັ່ງ ຕ່າງໆ ຂອງພັກລັດ ຈໍານວນ 49 ຄັ້ງ, ເຂົ້າຮ່ວມຮັບຟັງປາຖະ ກະຖາວັນປະຫວັດສາດສໍາຄັນ ຂອງຊາດ, ຂອງພັກ, ຂອງກອງ ທັບ ທັງໝົດ 55 ຄັ້ງ, ນໍາພາ ສະມາຊິກແມ່ຍິງເຂົ້າຢ້ຽມຊົມຫໍພິ ພິທະພັນ ແລະ ຫໍມູນເຊື້ອຕ່າງໆ 11 ຄັ້ງ, ເຂົ້າຮ່ວມຈັດກິດຈະກໍາ ຖາມ-ຕອບຄວາມຮູ້ຮອບຕົວຮ່ວມ ກັບຊາວໜຸ່ມ 31 ຄັ້ງ, ຈັດຕັ້ງເຜີຍ ແຜ່ເຊື່ອມຊຶມມະຕິ, ກົດລະບຽບ ຂອງສູນກາງສະຫະພັນແມ່ຍິງ ລາວ ສະໄໝທີ VIII ແລະ ແນະ ນໍາຄູ່ມືການຈັດຕັ້ງປະຕິບັດຂໍ້ ແຂ່ງຂັນ 3 ດີ ສົກ 2021-2024 ໃຫ້ຄະນະນໍາແມ່ຍິງບັນດາຮາກ ຖານ, ໜ່ວຍ ລວມ 45 ຄັ້ງ, ຈັດ ຕັ້ງສະເຫຼີມສະຫຼອງວັນແມ່ຍິງ ສາກົນ ແລະ ວັນສ້າງຕັ້ງສະຫະ ພັນແມ່ຍິງລາວ 8 ຄັ້ງ, ໄດ້ເອົາ ໃຈໃສ່ປັບປຸງການຈັດຕັ້ງສະຫະ ພັນແມ່ຍິງແຕ່ລະຂັ້ນມີຄວາມ ເຂັ້ມແຂງໜັກແໜ້ນ, ຈັດຕັ້ງ ເປັນລະບົບຄົບຊຸດຕາມຄວາມ ເໝາະສົມ ແລະ ເງື່ອນໄຂຕົວ ຈິງຂອງກົມກອງ, ປະຕິບັດລະ ບອບສ່ອງແສງລາຍງານ, ດໍາ ເນີນຊີວິດການເມືອງຂັ້ນຈຸ, ຂັ້ນ ໜ່ວຍເປັນປົກກະຕິ ແລະ ສະຫຼຸບ ຖອດຖອນບົດຮຽນແຕ່ລະໄລ ຍະ ເຊິ່ງເຮັດໃຫ້ອົງການຈັດ ຕັ້ງສະຫະພັນແມ່ຍິງ ກມທ ໄດ້ຮັບການປັບປຸງດີຂຶ້ນທາງ ປະລິມານ ແລະ ຄຸນນະພາບ. ປັດຈຸບັນ, ອົງການຈັດຕັ້ງສະຫະ ພັນແມ່ຍິງ ກມທ ປະກອບມີ 1 ພະແນກ, ມີ 4 ຮາກຖານ, ມີ 15 ໜ່ວຍຂຶ້ນກັບຮາກຖານ, ມີ 22 ໜ່ວຍເອກະລາດ, ມີສະ ມາຊິກສະຫະພັນແມ່ຍິງ ທັງໝົດ 954 ສະຫາຍ, ເປັນສະມາຊິກ ພັກສຳຮອງ 61 ສະຫາຍ ແລະ ສະມາຊິກພັກສົມບູນ 558 ສະ ຫາຍ, ຄະນະສະຫະພັນແມ່ຍິງ ແຕ່ລະຂັ້ນໄດ້ສົມທົບກັບຄະນະ ພັກ-ຄະນະບັນຊາສ້າງເງື່ອນໄຂ ອໍານວຍຄວາມສະດວກໃຫ້ສະ ມາຊິກແມ່ຍິງທີ່ມີເງື່ອນໄຂໄປຍົກ ລະດັບຄວາມຮູ້ທາງດ້ານທິດສະດີການເມືອງ, ວຽກງານແມ່ຍິງ, ວຽກງານວິຊາສະເພາະ, ວິຊາ ການດ້ານຕ່າງໆ ຢູ່ພາຍໃນ ແລະ ຕ່າງປະເທດ ດ້ວຍທຶນຂອງຕົນ ເອງ ແລະ ທຶນຂອງລັດ ທັງລະ ບົບກໍ່ສ້າງບຳລຸງ, ໄລຍະສັ້ນ ແລະ ໄລຍະຍາວ ຈໍານວນ 514 ສະຫາຍ ແລະ ເຂົ້າຮ່ວມເຝິກອົບ ຮົມວຽກງານວິຊາການຕ່າງໆ ນໍາກົມກອງ 484 ສະຫາຍ, ສະມາຊິກແມ່ຍິງໄດ້ຮັບການຂະ ຫຍາຍເຂົ້າເປັນສະມາຊິກພັກ ສຳຮອງ 232 ສະຫາຍ ແລະ ສົມບູນ 198 ສະຫາຍ. ໄດ້ຖືສໍາ ຄັນວຽກງານນະໂຍບາຍຍ້ອງ ຍໍຕໍ່ສະມາຊິກແມ່ຍິງ ເປັນຕົ້ນ ແມ່ນປະຕິບັດນະໂຍບາຍໃນເວ ລາເຈັບເປັນນອນໂຮງໝໍ, ເກີດ ລູກໃໝ່, ເສຍຊີວິດ ຫຼື ພົບຄວາມ ຫຍຸ້ງຍາກອື່ນໆ ໄດ້ຈັດຕັ້ງກັນ ໄປຢ້ຽມຢາມເບິ່ງແຍງ, ໄປຄົບ ງັນ, ຊ່ວຍເຫຼືອເຊິ່ງກັນ ແລະ ກັນ ທາງດ້ານວັດຖຸ ແລະ ຈິດໃຈ ຕາມເງື່ອນໄຂຄວາມສາມາດ ຕົວຈິງ, ສະມາຊິກແມ່ຍິງທີ່ມີຜົນ ງານດີເດັ່ນ ແລະ ເຮັດສຳເລັດ ໜ້າທີ່ວຽກງານໄດ້ຮັບການຍ້ອງ ຍໍສັນລະເສີນຈາກຂັ້ນເທິງເຊັ່ນ: ໄດ້ຮັບການເລື່ອນຊັ້ນເລື່ອນ- ເລື່ອນທຽບຊັ້ນ ທັງໝົດ 699 ສະ ຫາຍ, ໄດ້ຮັບການເລື່ອນຕຳແໜ່ງ 85 ສະຫາຍ, ສະມາຊິກແມ່ຍິງ ຢູ່ໃນຕຳແໜ່ງບໍລິຫານ ມີ 161 ຄົນ, ຕຳແໜ່ງພັກ 20 ສະຫາຍ. ພ້ອມກັນນີ້, ຍັງໄດ້ເອົາໃຈໃສ່ປະ ຕິບັດພາລະບົດບາດໜ້າທີ່ ເປັນ ຕົວແທນໃນການປົກປ້ອງສິດຜົນ ປະໂຫຍດຂອງແມ່ຍິງ-ເດັກນ້ອຍ, ດ້ວຍການໂຄສະນາເຜີຍແຜ່ ແລະ ປຸກລະດົມສະມາຊິກແມ່ຍິງ ເຂົ້າ ຮ່ວມເຊື່ອມຊຶມກົດໝາຍ ວ່າ ດ້ວຍການຕ້ານ ແລະ ສະກັດກັ້ນ ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ລວມທັງສົນທິ ສັນຍາ, ນິຕິກຳ ແລະ ກົດໝາຍ ອື່ນໆ ທີ່ກ່ຽວຂ້ອງເຖິງສິດ, ຜົນ ປະໂຫຍດອັນຊອບທຳຂອງແມ່ ຍິງ ແລະ ເດັກນ້ອຍ, ໄດ້ຈັດຕັ້ງ ສະເຫຼີມສະຫຼອງລະນຶກວັນສາກົນ ເພື່ອຢຸດຕິຄວາມຮຸນແຮງຕໍ່ແມ່ ຍິງ 8 ຄັ້ງ, ຢູ່ກົມກອງຮາກຖານ ໄດ້ຈັດຕັ້ງສະເຫຼີມສະຫຼອງວັນ ເດັກນ້ອຍສາກົນໃນທຸກໆປີ, ກົມ ກອງທີ່ມີເງື່ອນໄຂ ໄດ້ນໍາພາ ຈັດກິດຈະກຳປູກຕົ້ນໄມ້ ແລະ ພາເດັກນ້ອຍໄປທ່ຽວຕາມຄວາມ ສາມາດຂອງກົມກອງ ພ້ອມນີ້, ກໍໄດ້ເອົາໃຈໃສ່ສົ່ງເສີມບົດບາດ ຍິງ-ຊາຍ ເຂົ້າໃນຂົງເຂດວຽກ ງານຕ່າງໆ ໃຫ້ທົ່ວເຖິງ, ເສີມຂະ ຫຍາຍການຈັດຕັ້ງປະຕິບັດສິດ ສະເໝີພາບລະຫວ່າງຍິງ-ຊາຍ ເຊັ່ນ: ການບັນຈຸສັບຊ້ອນເຂົ້າ ໃນຕໍາແໜ່ງງານຕ່າງໆ, ເຂົ້າ ຮ່ວມຕັດສິນບັນຫາທີ່ກ່ຽວພັນ ເຖິງການປົກປ້ອງສິດ ແລະ ຜົນ ປະໂຫຍດອັນຊອບທໍາຂອງແມ່ ຍິງ, ວຽກງານພັດທະນາຊີວິດ ການເປັນຢູ່ ເພື່ອແກ້ໄຂຄວາມ ທຸກຍາກໃຫ້ແກ່ແມ່ຍິງ ແລະ ຄອບຄົວ ຄະນະສະຫະພັນແມ່ ຍິງແຕ່ລະຂັ້ນໄດ້ເອົາໃຈໃສ່ຊຸກຍູ້ ສົ່ງເສີມສະມາຊິກແມ່ຍິງໃນ ການສ້າງເສດຖະກິດຄອບຄົວ, ສູ້ຊົນແກ້ໄຂຄວາມທຸກຍາກ, ຊອກເງື່ອນໄຂໃນການສ້າງລາຍ ຮັບເຂົ້າຄອບຄົວຕາມຄວາມ ເໝາະສົມ, ເພື່ອພັດທະນາຊີວິດ ການເປັນຢູ່ໃຫ້ດີຂຶ້ນ ໂດຍເລັ່ງ ໃສ່ການປູກຝັງ, ລ້ຽງສັດ, ຫຍິບ ປັກທັກແສ່ວ, ຕໍ່າຫູກທໍ່ໄໝ, ເຮັດ ທຸລະກິດຂະໜາດນ້ອຍ ແລະ ຂະໜາດກາງ, ຄ້າຂາຍຖືກກົດ ໝາຍ ແລະ ອື່ນໆ ບາງຄອບຄົວ ສາມາດສ້າງລາຍຮັບໄດ້ 10-100 ລ້ານກີບຕໍ່ປີ ເຊິ່ງເຮັດໃຫ້ ຊີວິດການເປັນຢູ່ຂອງສະມາຊິກ ແມ່ຍິງດີຂຶ້ນເທື່ອລະກ້າວ. ນອກຈາກນີ້, ຍັງເອົາໃຈໃສ່່ນຳພາຈັດຕັ້ງປະຕິບັດຂໍ້ແຂ່ງຂັນ 3 ດີ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະ ນາ ເຊິ່ງເປັນຄາດໝາຍສູ້ຊົນທີ່ສຳຄັນໃນການພັດທະນາອົງການຈັດຕັ້ງແມ່ຍິງ ຜ່ານການກວດກາປະເມີນຜົນການຈັດຕັ້ງປະຕິບັດຂະບວນການຂໍ້ແຂ່ງຂັນ 3 ດີ ຂອງສະຫະພັນແມ່ຍິງທົ່ວກມທ ໃນໄລຍະ 5 ປີຜ່ານມາ ສາມາດຕີລາຄາຜົນໄດ້ຮັບ ຄື: ພົນລະເມືອງດີ 893 ສະຫາຍ, ພັດທະນາດີ 867 ສະຫາຍ, ຄອບຄົວດີ 635 ສະຫາຍ, ບຸກຄົນ 3 ດີ ປະເພດ I ມີ 720 ສະຫາຍ, ປະເພດ II ມີ 143 ສະຫາຍ, ຄອບຄົວຕົວແບບ 7 ຄອບຄົວ, ບຸກຄົນຕົວແບບ 4 ສະຫາຍ, ພະແນກ, ຮາກຖານ, ໜ່ວຍ 3 ດີ ມີ 39 ຫົວໜ່ວຍ ແລະ ກົມກອງນຳພາ-ຊີ້ນໍາດີເດັ່ນມີ 35 ຫົວໜ່ວຍກົມກອງ. ໂດຍສັງລວມແລ້ວ ຕະຫຼອດໄລຍະ 5 ປີຜ່ານມາ ເຫັນວ່າ: ສະມາຊິກແມ່ຍິງທຸກສະຫາຍ ມີຄວາມຮັບຮູ້ເຊື່ອມຊຶມຕໍ່ແນວທາງປ່ຽນແປງໃໝ່ຂອງພັກ, ປະຕິບັດກົດໝາຍຂອງລັດ, ຂໍ້ກຳນົດ, ກົດ ລະບຽບຂອງກອງທັບ ກໍຄືຂອງ ສະຫະພັນແມ່ຍິງລາວ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ເປັນເຈົ້າການເຂົ້າຮ່ວມ ແລະ ປະຕິບັດທຸກມະຕິ, ຄຳສັ່ງຂອງຂັ້ນເທິງ, ມີສະຕິຕໍ່ການຈັດຕັ້ງ, ປະຕິບັດພາລະບົດບາດ ແລະ ໜ້າທີ່ວິຊາ ສະເພາະຂອງຕົນດ້ວຍຄວາມ ຮັບຜິດຊອບສູງ, ມີຄວາມສາ ມັກຄີເປັນປຶກແຜ່ນແໜ້ນໜາ, ການຈັດຕັ້ງປະຕິບັດຂະບວນການ, ຂໍ້ແຂ່ງ 3 ດີໄດ້ເປັນຂະບວນຟົດຟື້ນ, ມີເນື້ອໃນ ແລະ ມີບັນຍາກາດ ສະແດງອອກຢູ່ບັນ ດາຮາກຖານ ແລະ ໜ່ວຍສະຫະ ພັນແມ່ຍິງມີບຸກຄົນ 3 ດີເພີ່ມຂຶ້ນຫຼາຍກວ່າເກົ່າ. ໂດຍ: ນາງ ຍ້ອມເພັດ ວິໄລພັນ

news to day and hot news