ວັນພະຫັດ, ວັນທີ 12 ທັນວາ 2024
ພະແນກເຕັກນິກ ກອງພົນທີ 3 ກວດກາຄຸນນະພາບປືນ ແລະ ມອບເຄື່ອງອຸປະກອນ ໃຫ້ກອງພັນໃຫຍ່ 301
ເວລາອອກຂ່າວ: 2024-11-13 09:03:03 | ຜູ້ຂຽນ : admin1 | ຈຳນວນຄົນເຂົ້າຊົມ: 686 | ຄວາມນິຍົມ: 
ໃນວັນທີ 11 ພະຈິກ 2024, ພະແນກເຕັກນິກ ກອງພົນທີ 3 ໄດ້ເຄື່ອນໄຫວກວດກາຄຸນນະພາບປືນ ພ້ອມທັງນຳເອົາເຄື່ອງອຸປະກອນຮັບໃຊ້ຈຳນວນໜຶ່ງມາມອບໃຫ້ໝວດຫຸ້ມເກາະທີ່ຂຶ້ນກັບ ກອງພັນໃຫຍ່ 301 ກອງພົນທີ 3.
ເຄື່ອງອຸປະກອນຮັບໃຊ້ທີ່ນຳມາມອບໃນຄັ້ງນີ້ ປະກອບມີ ປ້ຳລົມ ຂະໜາດ 150 ລິດ ຈຳນວນ 1 ຊຸດ, ຕູ້ສາກໄຟ 1 ເຄື່ອງ, ເຫຼັກສະແຫຼ່ງ 1 ອັນ, ຊຸດງັດຢາງ 1 ຊຸດ, ເຄື່ອງໂປ່ມກະແລ໋ດ 1 ຊຸດ ແລະ ຊຸດກຸນແຈສ້ອມແປງ 1 ຊຸດ, ໂດຍການກ່າວມອບຂອງ ສະຫາຍພັນຕີ ພອນວິໄລ ທຳມະຈັນ ຮອງຫົວໜ້າພະແນກແຜນການເຕັກ ນິກ ກອງພົນທີ 3, ກ່າວຮັບຂອງ ສະຫາຍ ພັນເອກ ແສງທອງ ເພັງຄຳພັນ ຫົວໜ້າການທະຫານ ກອງພັນໃຫຍ່ 301 ພ້ອມດ້ວຍຄະນະ.
ສະຫາຍ ພັນເອກ ແສງທອງ ເພັງຄຳພັນ ໄດ້ສະແດງຄວາມຂອບໃຈມາຍັງຂັ້ນເທິງ ແລະ ພະ ແນກການທີ່ກ່ຽວຂ້ອງ ທີ່ເຫັນໄດ້ເຖິງຄວາມສຳຄັນ ຂອງໜ້າທີ່ວຽກງານວິຊາສະເພາະໃນຕໍ່ໜ້າ ແລະ ຍາວນານ. ທັງນີ້, ເພື່ອເຮັດໃຫ້ການປະຕິບັດໜ້າທີ່ວຽກງານວິຊາສະເພາະສະດວກວ່ອງໄວຍິ່ງຂຶ້ນ ແລະ ທ່ວງທັນກັບທຸກສະ ພາບການ, ທຸກກໍລະນີ ເພື່ອເຮັດໃຫ້ສຳເລັດໜ້າທີ່ຕາມການຈັດຕັ້ງຂັ້ນເທິງມອບໝາຍໃຫ້.
ໂດຍ: ອຸ່ນເຮືອນ ດວງດາລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
