ວັນພະຫັດ, ວັນທີ 12 ທັນວາ 2024
ມອບເຄື່ອງອຸປະກອນກິລາ ໃຫ້ຫ້ອງການເມືອງ ກອງພົນທີ 1
ເວລາອອກຂ່າວ: 2024-11-13 09:04:37 | ຜູ້ຂຽນ : admin1 | ຈຳນວນຄົນເຂົ້າຊົມ: 847 | ຄວາມນິຍົມ: 
ໃນວັນທີ 8 ພະຈິກ 2024, ສະຫາຍ ສົມຄິດ ຈິດດາພອນ ປະທານ ບໍລິສັດ SK ຈຳກັດຜູ້ດຽວ ພ້ອມດ້ວຍຄະນະ ໄດ້ນຳເອົາເຄື່ອງອຸປະກອນກິລາ ປະ ກອບມີ ເຄື່ອງກິລາ ຈຳນວນ 55 ຊຸດ, ບານເຕະ 2 ໜ່ວຍ, ບານ
ສົ່ງ 2 ໜ່ວຍ, ກະຕໍ້ 2 ໜ່ວຍ ລວມມູນຄ່າທັງໝົດ 10.500.000 ກີບ
ແລະ ສະຫາຍ ຄຳຫຼ້າ ທຳມະສອນ ເຈົ້າຂອງຮ້ານຂາຍເຄື່ອງ A10 Sports ວັງວຽງ ພ້ອມດ້ວຍຄະນະ ໄດ້ນຳເອົາເຄື່ອງກິລາ 21 ຊຸດ ມາມອບໃຫ້ ຫ້ອງການເມືອງ ກອງພົນທີ 1, ໂດຍການກ່າວຮັບຂອງ ສະຫາຍ ພັນເອກ ບຸນຂຸ້ມ ສີຄຳໄຊ ຫົວໜ້າຫ້ອງການເມືອງ ກອງພົນທີ 1 ພ້ອມດ້ວຍຄະນະ.
ສະຫາຍ ພັນເອກ ບຸນຂຸ້ມ ສີຄຳໄຊ ຕາງໜ້າໃຫ້ ຄະນະພັກ-ຄະນະບັນຊາ, ພະນັກງານ-ນັກຮົບທົ່ວກົມກອງ ໄດ້ສະແດງຄວາມຂອບໃຈ ຕໍ່ ບໍລິສັດ SK ແລະ ຮ້ານ A10 Sports ທີ່ມີຄວາມເປັນຫ່ວງ, ເປັນໃຍ, ມີຄວາມກະຕືລືລົ້ນໄດ້ນຳອຸປະ ກອນກິລາ ມາມອບໃຫ້ຫ້ອງການເມືອງ ກອງພົນທີ 1 ໃນຄັ້ງນີ້, ພ້ອມທັງ ໃຫ້ຄຳໝັ້ນສັນຍາວ່າ ຈະນຳເອົາເຄື່ອງອຸປະກອນກິລາດັ່ງກ່າວ ໄປແຈກຢາຍໃຫ້ພະນັກງານ-ນັກຮົບ ເພື່ອສ້າງຂະບວນການແຂ່ງຂັນກິລາ ຢູ່ກົມກອງໃຫ້ທົ່ວເຖິງກັນ.
ທັງນີ້, ເພື່ອເປັນການຊຸກຍູ້ຂະບວນການແຂ່ງຂັນກິລາ ສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ VII ຂອງອົງຄະນະພັກ ກອງພົນທີ 1 ແລະ ກະກຽມສະເຫຼີມສະຫຼອງວັນສ້າງຕັ້ງກອງພົນທີ 1 ຄົບຮອບ 40 ປີ ໃຫ້ມີບັນຍາກາດຟົດຟື້ນເບີກບານມ່ວນຊື່ນຢ່າງຕໍ່ເນື່ອງ.
ໂດຍ: ໂກຮັງ ພັນທະວົງ
ພາບ: ຊັນໂດ້ ລາດຊະພູມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
