POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ໂຮງໝໍບໍລິເວນ 107 ປາຖະກະຖາມູນເຊື້ອ ວັນມະຫາປະຕິວັດເດືອນຕຸລາຣັດເຊຍ ຄົບຮອບ 107 ປີ
ເວລາອອກຂ່າວ: 2024-11-13 09:06:04 | ຜູ້ຂຽນ : admin1 | ຈຳນວນຄົນເຂົ້າຊົມ: 668 | ຄວາມນິຍົມ:

ໃນວັນທີ 6 ພະຈິກ 2024, ໂຮງໝໍບໍລິເວນ 107 ໄດ້ປາຖະ ກະຖາມູນເຊື້ອວັນມະຫາປະຕິວັດເດືອນຕຸລາຣັດເຊຍ ຄົບຮອບ 107 ປີ (7 ພະຈິກ 1917-7 ພະຈິກ 2024) ໂດຍການເປັນປະທານ ແລະ ປາຖະກະຖາ ຂອງສະຫາຍ ພັນເອກ ຍຸຄອນ ຜາລີເພັງ ຫົວໜ້າການເມືອງ ໂຮງໝໍບໍລິເວນ 107, ມີຄະນະພັກ-ຄະ ນະບັນຊາ ຕະ ຫຼອດຮອດ ພະນັກ ງານ-ນັກຮົບ ເຂົ້າຮ່ວມ. ສະຫາຍ ພັນເອກ ຍຸຄອນ ຜາລີເພັງ ໄດ້ຫວນຄືນປະຫວັດການປະຕິວັດເດືອນຕຸລາຣັດເຊຍ ບໍ່ແມ່ນເຫດການທີ່ເກີດຂຶ້ນບັງເອີນ ແຕ່ແມ່ນກົດເກນທີ່ຕ້ອງເປັນໄປຂອງສັງຄົມມະນຸດ, ກ່ອນໜ້ານີ້ຫຼາຍສິບປີ ຄື ວັນທີ 7 ພະຈິກ 1917 ພາຍໃຕ້ການນຳພາຂອງພັກໂບກເຊວິກ ທີ່ມີທ່ານເລນິນເປັນຜູ້ນຳໜ້ານັ້ນ ຊົນຊັ້ນກຳມະກອນ ແລະ ຊາວຜູ້ອອກແຮງງານຣັດເຊຍ ໄດ້ລຸກຮືຂຶ້ນຍຶດອຳນາດ ແລະ ສ້າງຕັ້ງລັດຣັດເຊຍ-ໂຊວຽດ ເຊິ່ງເປັນລັດ ຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລັດທຳອິດຂອງມວນມະນຸດ. ນັບແຕ່ທ້າຍສະຕະວັດທີ XIX- ຕົ້ນສະຕະວັດທີ XX ເປັນຕົ້ນມາ ພວກລ່າເມືອງຂຶ້ນໄດ້ມາຮຸກຮານຍຶດຄອງ ອິນດູຈີນ ປະຊາຊົນລາວບັນດາ ເຜົ່າ ໄດ້ລຸກຮືຂຶ້ນຕໍ່ສູ້ຕ້ານລັດທິຈັກກະພັດຜູ້ຮຸກຮານຢ່າງອົງອາດກ້າຫານ ແຕ່ບໍ່ໄດ້ຮັບໄຊຊະນະຢ່າງຂາດຕົວ ອັນເນື່ອງມາຈາກຫຼາຍສາເຫດ ແຕ່ສາເຫດຕົ້ນຕໍ ຍ້ອນບໍ່ທັນມີລັດທິ ມາກ-ເລນິນ ເຍືອງທາງ, ບໍ່ທັນມີພັກແບບໃໝ່ຂອງຊົນຊັ້ນກຳມະກອນນຳພາ ແລະ ບໍ່ທັນມີແນວທາງທີ່ຖືກຕ້ອງ. ທ່ານປະທານ ໂຮ່ຈີມິນ ໄດ້ນຳເອົາລັດທິ ມາກ-ເລນິນ ເຂົ້າມາເຜີຍແຜ່ ແລະ ໄດ້ສ້າງຕັ້ງພັກຄອມມູນິດອິນດູຈີນຂຶ້ນ. ໃນຍຸກສະໄໝປັດຈຸບັນ ພວກເຮົາຄວນມີມູມມອງ ແລະ ວິໄສທັດທີ່ສອດຄ່ອງ ເຊິ່ງກ່ອນອື່ນໝົດຕ້ອງຮັບຮູ້ວ່າ ການກ້າວຂຶ້ນສູ່ສັງຄົມນິຍົມບໍ່ແມ່ນເສັ້ນທາງຊື່ຕົງ, ງ່າຍດາຍ ແລະ ເຮັດແບບຟ້າວຟັ່ງ, ແບບຄຳພີ, ແຂງກະດ້າງ ແຕ່ຫາກແມ່ນເສັ້ນທາງທີ່ຫຍຸ້ງຍາກສັບສົນ ແລະ ຍາວນານ. ປະເທດເຮົາ, ພາຍໃຕ້ການນຳພາຂອງພັກປະຊາຊົນປະຕິວັດລາວ ໃນພາລະກິດກ້າວໄປສູ່ສັງຄົມນິຍົມໄດ້ມີຄວາມສະດຸ້ງໄວ, ຮູ້ຈັກຈຸດດີທີ່ຖືກຕ້ອງ ແລະ ຮູ້ຈັກຈຸດອ່ອນທີ່ຄົງຄ້າງຂອງຕົນ. ແຕ່ພວກເຮົາກໍມີສິ່ງທ້າທາຍທົດສອບອັນໃໝ່ ແລະ ສັບສົນທີ່ສຸດໃນ "ໂລກາພິບັດ" ແລະ "ການເຊື່ອມໂຍງສາກົນ" ເຊິ່ງຮຽກຮ້ອງໃຫ້ພວກເຮົາຢຶດໝັ້ນຄວາມສາມັກຄີເປັນປຶກແຜ່ນ, ສືບຕໍ່ຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກໃຫ້ເກີດດອກອອກຜົນ. ພວກເຮົາເຫັນໄດ້ວ່າ ໄລຍະຫຼາຍສິບປີຜ່ານມານີ້, ລັດທິສັງຄົມນິຍົມມີທັງໄລຍະຮຸ່ງເຮືອງ ແລະ ໄລຍະໝົ່ນໝອງ ແຕ່ຄຸນຄ່າການປະຕິວັດ ເດືອນຕຸລາ ຍັງຄົງເປັນອຳມະຕະຍັງເປັນທ່າອ່ຽງສູ້ຊົນບຸກບືນຂອງມວນມະນຸດໃນໂລກ. ໂດຍ: ນ. ສຸລິຈັນ ພັດທະນາ

news to day and hot news