ວັນພະຫັດ, ວັນທີ 12 ທັນວາ 2024
ກົມວິທະຍາສາດ-ປະຫວັດສາດການທະຫານ ເປິດຂະບວນການແຂ່ງຂັນກິລາມວນຊົນ
ເວລາອອກຂ່າວ: 2024-11-13 11:49:11 | ຜູ້ຂຽນ : admin2 | ຈຳນວນຄົນເຂົ້າຊົມ: 964 | ຄວາມນິຍົມ: 
ວັນທີ 12 ພະຈິກ 2024 ນີ້, ກົມວິທະຍາສາດ-ປະຫວັດສາດການທະຫານ ໄດ້ເປີດຂະບວນການແຂ່ງຂັນກິລາມວນຊົນ ປະຈຳປີ 2024 ຂຶ້ນ.ໂດຍການເປັນປະທານ ຂອງສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດ-ປະຫວັດສາດການທະຫານ, ມີຄະນະພັກ-ຄະນະບັນຊາ, ຄະນະຫ້ອງ, ພະແນກການ, ຕະຫຼອດຮອດພະນັກງານ-ນັກຮົບ ແລະ ນັກກິລາເຂົ້າຮ່ວມ.
ສະຫາຍ ພັນໂທ ໄຊຍະເພັດ ພົມຜາສຸກ ຮອງຫົວໜ້າພະແນກການເມືອງ ຂຶ້ນຜ່ານແຜນການແຂ່ງຂັນກິລາ ແລະ ຂໍ້ຕົກລົງຂອງກົມແຕ່ງຕັ້ງຄະນະຮັບຜິດຊອບແຕ່ລະວຽກງານເພື່ອເຮັດໃຫ້ຂະບວນການແຂ່ງຂັນກິລາຄັ້ງນີ້ເຕັມໄປດ້ວຍເນື້ອໃນທີ່ມີຄວາມໝາຍຄວາມສຳຄັນເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ແລະ ວັນຊາດທີ 2 ທັນວາ ຄົບຮອບ 50 ປີ, ວັນເກີດປະທານ ໄກສອນ ພົມວິຫານ ແລະ ຂະບວນການຕ້ອນຮັບກອງປະຊຸມໃຫຍ່ຄະນະພັກຮາກຖານຄັ້ງທີ 5 ຂອງກົມ.
ການແຂ່ງຂັນກິລາຄັ້ງນີ້ປະກອບມີ: ກິລາບານສົ່ງປະສົມຍິງຊາຍ, ກິລາເປຕັງປະສົມຍິິງຊາຍ, ກິລາກະຕໍ້ຫວາຍ, ກິລາດຶງເຊືອກແລະແລ່ນເປົ໋າປ່ານ,ຮູບແບບຂອງການແຂ່ງຂັນໄດ້ແບ່ງອອກເປັນສອງສາຍມີສາຍ ກ ແລະ ສາຍ ຂ, ເຊິ່ງສາຍ ກ ກິລາບານສົ່ງປະກອບມີ ຫ້ອງການ, ຫ້ອງຍຸດທະສາດ, ຫ້ອງປະຫວັດສາດ, ພະແນກບໍລິຫານ, ສາຍ ຂ ປະກອບມີ ຫ້ອງວິທະຍາສາດ, ຫ້ອງຂໍ້ມູນ-ຂ່າວສານ, ພະແນກການເມືອງ-ການເງິນ, ກິລາເປຕັງປະກອບມີ: 10 ທີມມີສອງສາຍຄືສາຍ ກ ປະກອບມີ ຄະນະກົມ, ພະແນກບໍລິຫານ, ຫ້ອງການ, ຫ້ອງຍຸດທະສາດ, ຫ້ອງປະຫວັດສາດ, ສາຍ ຂ ມີຫ້ອງວິທະຍາສາດ, ຫ້ອງຂໍ້ມູນ-ຂ່າວສານ, ພະແນກການເມືອງ,ພະແນກການເງິນ, ສະຫະພັນແມ່ຍິງ, ກິລາກະຕໍ້ຫວາຍປະກອບມີ 7 ທີມເຂົ້າແຂ່ງຂັນສາຍ ກ ປະກອບມີ ຫ້ອງການ, ຫ້ອງຍຸດທະສາດ, ຫ້ອງປະຫວັດສາດ ແລະ ພະແນກບໍລິຫານ, ສາຍ ຂ ປະກອບມີຫ້ອງວິທະຍາສາດ, ຫ້ອງຂໍ້ມູນ-ຂ່າວສານ, ພະແນກການເມືອງ. ນອກນີ້ຍັງມີກິລາແລ່ນເປົ໋າປ່ານແລະກິລາດຶງເຊືອກຕື່ມອີກຄາດວ່າການແຂ່ງຂັນຈະດຳເນີນໄປຮອດກາງເດືອນທັນວາຈິ່ງຈະສຳເລັດ.
ຂ່າວ: ສອນໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
