POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 24 ມັງກອນ 2025

ກອງປະຊຸມໃຫຍ່ສະມາຊິກພັກ ຄັ້ງທີ VIຂອງຄະນະພັກຮາກຖານ ກອງພັນ 609
ເວລາອອກຂ່າວ: 2024-12-05 09:14:30 | ຜູ້ຂຽນ : admin1 | ຈຳນວນຄົນເຂົ້າຊົມ: 492 | ຄວາມນິຍົມ:

ກອງປະຊຸມໃຫຍ່ສະມາຊິກພັກ ຄັ້ງທີ VI ຂອງຄະນະພັກຮາກຖານ ກອງພັນ 609 ທະຫານແຂວງໄຊຍະບູລີ ໄດ້ໄຂຂຶ້ນ ແລະ ອັດລົງ ໃນວັນທີ 29 ພະຈິກ 2024 ນີ້, ໂດຍການເປັນປະທານຂອງສະຫາຍ ພັນໂທ ຄຳຕັນ ແພງສີດາ ຫົວໜ້າຫ້ອງການ-ບໍລິຫານ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະຊີ້ນຳກອງປະຊຸມ, ເລຂາໜ່ວຍພັກ, ແຂກຖືກເຊີນ ແລະ ສະມາຊິກພັກສົມບູນ ແລະ ສຳຮອງພາຍໃນກົມກອງ ເຂົ້າຮ່ວມ. ສະຫາຍ ພັນໂທ ບຸນຍົງ ສີປະເສີດ ເລຂາຄະນະພັກຮາກຖານ, ຫົວໜ້າການເມືອງ ກອງ ພັນ 609 ທະຫານແຂວງໄຊຍະບູລີ ໄດ້ຜ່ານບົດລາຍງານການເມືອງທັງສອງພາກ ໂດຍໄດ້ຍົກໃຫ້ເຫັນຜົນງານຫຼາຍດ້ານທີ່ຄະນະພັກຮາກຖານໄດ້ເອົາໃຈໃສ່ນຳພາ-ຊີ້ນຳໃນໄລຍະ 5 ປີຜ່ານມາ ມີຜົນສຳເລັດຫຼາຍດ້ານ ທີ່ປິ່ນອ້ອມຕາມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ. ພ້ອມນັ້ນ, ຄະນະພັກຍັງໄດ້ຖືສຳຄັນໃນການປັບປຸງກໍ່ສ້າງພັກຕາມ 5 ຫຼັກການ 3 ທິດນຳຂອງພັກ ໂດຍຖືເອົາການສຶກສາອົບຮົມ ການເມືອງ-ນຳພາແນວຄິດເປັນກົກ ວຽກງານວິຊາສະເພາະເປັນສຳຄັນ ເຮັດໃຫ້ພະນັກງານສະ ມາຊິກພັກທຸກສະຫາຍມີຄຸນ ສົມບັດສິນທຳປະຕິວັດ ເປັນເຈົ້າການປະຕິບັດໜ້າທີ່ວຽກງານວິຊາສະເພາະຂອງຕົນດ້ວຍຄວາມຮັບຜິດຊອບສູງ. ພ້ອມກັນນີ້, ກໍໄດ້ເອົາໃຈໃສ່ປັບປຸງກໍ່ສ້າງສະມາຊິກພັກໃຫ້ມີຄວາມເຂັ້ມແຂງ ໜັກແໜ້ນ ໄປພ້ອມກັບການກໍ່ສ້າງພັກ-ພະນັກງານທັງ 3 ຮຸ່ນຢ່າງຕໍ່ເນື່ອງ ເພື່ອສືບທອດປ່ຽນແທນ, ຄະນະພັກຮາກຖານກອງພັນ 609 ປະກອບມີ 4 ໜ່ວຍພັກຂຶ້ນກັບ, ມີສະມາຊິກພັກ 112 ສະຫາຍ, ຂະຫຍາຍສະມາຊິກພັກໃໝ່ 27 ສະຫາຍ, ສະມາຊິກພັກໄດ້ຮັບການຍ້ອງຍໍປະເພດຕ່າງໆ ຈາກຂັ້ນເທິງ 87 ສະຫາຍ. ນອກນັ້ນ, ຄະນະພັກຮາກຖານ ຍັງໄດ້ນຳພາ-ຊີ້ນຳພະນັກງານ-ນັກຮົບເອົາໃຈໃສ່ຕໍ່ວຽກງານເພີ່ມພູນຜະລິດຜົນ, ປູກຝັງ-ລ້ຽງສັດ ເພື່ອຮັບປະກັນໃນການສ້າງພະລາທິການກັບທີ່ເຮັດໃຫ້ກຳລັງ ກໍຄືກົມກອງມີຊີວິດການເປັນຢູ່ທີ່ດີຂຶ້ນ ດ້ວຍການປູກຜັກໄດ້ 28.000 ກວ່າໂຕນ, ປູກພືດເປັນສິນຄ້າໄດ້ 250 ໂຕນ, ປູກກ້ວຍ ແລະ ປູກໄມ້ໃຫ້ໝາກໄດ້ 320 ຂຸມ ແລະ ລ້ຽງສັດປີກປະເພດຕ່າງໆໄດ້ຕາມແຜນການ. ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ເພື່ອສືບຕໍ່ນຳພາ-ຊີ້ນຳຕໍ່ໄປ. ສະຫາຍ ພັນໂທ ຄຳຕັນແພງສີດາ ໄດ້ເນັ້ນໜັກໃຫ້ຄະ ນະພັກຊຸດໃໝ່ ຈົງສືບຕໍ່ປະຕິບັດໜ້າທີ່ການເມືອງຂອງຕົນທີ່ໄດ້ຮັບການມອບໝາຍ, ພ້ອມກັນນຳພາ-ຊີ້ນຳໜ່ວຍພັກ, ສະມາຊິກພັກພາຍໃນກົມກອງປະຕິບັດໜ້າທີ່ວິຊາສະເພາະຂອງຕົນໃຫ້ດີ ແລະ ມີຜົນສຳເລັດ, ເຮັດວຽກມີແບບແຜນ, ລວມສູນ ປະຊາທິປະໄຕ, ເປັນໝູ່ຄະນະແບ່ງຄວາມຮັບຜິດຊອບໃຫ້ບຸກຄົນ, ເອົາໃຈໃສ່ສຶກສາອົບການເມືອງ-ນຳ ພາແນວຄິດໃຫ້ພະນັກງານ-ນັກ ຮົບໃນກົມກອງໃຫ້ເປັນປົກກະຕິ, ເຕົ້າໂຮມຄວາມສາມັກຄີພາຍໃນໃຫ້ໜັກແໜ້ນພາຍນອກໃຫ້ກວ້າງຂວາງ ຄຽງຄູ່ກັນນັ້ນ, ກໍຕ້ອງສ້າງພະລາທິການກັບທີ່ຕາມທິດ ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ໂດຍ: ໄຊຍະສັກ

news to day and hot news