POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 22 ມັງກອນ 2025

ພະແນກສະຫະພັນແມ່ຍິງ ວິທະຍາຄານ ພະລາທິການກອງທັບ ສ້າງໄດ້ຜົນງານຫຼາຍດ້ານ
ເວລາອອກຂ່າວ: 2024-12-06 09:26:16 | ຜູ້ຂຽນ : admin1 | ຈຳນວນຄົນເຂົ້າຊົມ: 710 | ຄວາມນິຍົມ:

ອີງໃສ່ບົດລາຍງານການເມືອງທັງສອງພາກຕໍ່ກອງປະ ຊຸມຜູ້ແທນແມ່ຍິງ ຄັ້ງທີ IV ທີ່ສະເໜີໂດຍ ສະຫາຍ ພັນໂທ ນາງ ຄຳຫຼ້າ ກົມທິສອນ ຫົວໜ້າພະແນກສະຫະພັນແມ່ຍິງ ວິທະ ຍາຄານພະລາທິການກອງທັບ ໃຫ້ຮູ້ວ່າ: ໃນໄລຍະ 5 ປີ ຜ່ານມາ, ພະແນກສະຫະພັນແມ່ຍິງ ໄດ້ຖືເອົາວຽກງານສຶກສາອົບ ຮົມການເມືອງ-ນຳພາແນວຄິດເປັນບັນຫາສຳຄັນດ້ວຍຫຼາຍຮູບການ ແລະ ຫຼາຍຮູບແບບ ເປັນຕົ້ນແມ່ນປຸກລະດົມສະມາ ຊິກສະຫະພັນແມ່ຍິງເຂົ້າຮ່ວມ ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ແລະ ນິຕິກຳຕ່າງໆຂອງພັກ, ຂອງກອງທັບ; ກໍຄື ນິຕິກຳຂອງສູນກາງສະຫະພັນແມ່ຍິງລາວ ແລະ ຫ້ອງການສະຫະພັນແມ່ຍິງກອງທັບວາງອອກ ເຊິ່ງຄະນະພັກ-ຄະນະອຳນວຍການ ແລະ ຄະນະບັນຊາທຸກຂັ້ນໄດ້ອຳນວຍຄວາມສະດວກໃກ້ຊິດຕິດແທດ ພ້ອມທັງມອບໝາຍໜ້າທີ່ໃຫ້ສະ ມາຊິກສະຫະພັນແມ່ຍິງເຄື່ອນໄຫວຕາມພາລະບົດບາດຂອງຕົນ ໃນການປະຕິບັດໜ້າທີ່ວິຊາສະເພາະ ຄຽງຄູ່ກັບເພດຊາຍ, ຍົກສູງ ແລະ ເຊີດຊູບົດບາດສິດສະເໝີພາບລະຫວ່າງ ຍິງ-ຊາຍ ທາງດ້ານໜ້າທີ່ວຽກງານວິຊາສະເພາະ, ໄດ້ຮັບການເອົາໃຈໃສ່ຈາກການຈັດຕັ້ງທຸກຂັ້ນ, ມີສະ ມາຊິກແມ່ຍິງບາງສະຫາຍໄດ້ ຮັບການແຕ່ງຕັ້ງມອບໝາຍໜ້າ ທີ່ຢູ່ໃນຂັ້ນບັນຊາ-ນຳພາຢູ່ໃນຂະແໜງການຕ່າງໆ. ນອກນັ້ນ, ຍັງໄດ້ຊຸກຍສະ ມາຊິກແມ່ຍິງເຂົ້າຮ່ວມຂະບວນການຕ່າງໆ ທີ່ຂັ້ນເທິງ ແລະ ກົມກອງຈັດຂຶ້ນ ເປັນຕົ້ນແມ່ນຂະບວນການແຂ່ງຂັນຮັກຊາດ ແລະ ພັດທະນາ, ການຖາມ-ຕອບຄວາມຮູ້ຮອບຕົວ, ການ ແຂ່ງຂັນກິລາ, ສິລະປະ-ວັນ ນະຄະດີ, ອອກແຮງງານແດງ ແລະ ຂະບວນການອື່ນໆ ເຫັນ ວ່າສະມາຊິກແມ່ຍິງໄດ້ປະກອບສວນຢ່າງແຂງແຮງເທົ່າທຽມກັບເພດຊາຍ ໄປຄຽງ ຄູ່ກັນນັ້ນ, ຍັງໄດ້ເອົາໃຈໃສ່ນຳພາ-ຊີ້ນຳຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຂອງສູນກາງສະຫະພັນແມ່ຍິງລາວວາງອອກ ຕິດພັນກັບ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ. ປັດຈຸບັນທົ່ວວິທະຍາຄານພະລາທິການກອງທັບ ມີສະມາຊິກແມ່ຍິງ 270 ສະຫາຍ; ຜ່ານການຈັດຕັ້ງປະຕິບັດວຽກງານຕ່າງໆທີ່ປິ່ນອ້ອມໜ້າທີ່ການເມືອງ ແລະ ວິຊາສະເພາະຂອງກົມກອງໃນໄລຍະຜ່ານມາ ສາມາດຄັດເລືອກຜົນງານໄດ້ດັ່ງນີ້: ໄດ້ຮັບການຍ້ອງ ຍໍຫຼຽນໄຊພິລະອາດຫານ ຊັ້ນ III ຈຳນວນ 11 ສະຫາຍ, ຫຼຽນ ໄຊແຮງງານ ຊັ້ນ III ມີ 12 ສະ ຫາຍ, ຫຼຽນກາແຮງງານ 80 ສະຫາຍ, ໃບຍ້ອງຍໍລັດຖະບານ 60 ສະຫາຍ, ໃບຍ້ອງຍໍກະຊວງປ້ອງກັນປະເທດ 37 ສະຫາຍ, ໃບຍ້ອງຍໍກົມໃຫຍ່ການເມືອງກອງທັບ 37 ສະຫາຍ, ໃບຍ້ອງ ຍໍຄູສອນດີ-ສອນເດັ່ນ ແລະ ນັກຮຽນ-ນັກສຶກສາດີເດັ່ນ 66 ສະຫາຍ, ໄດ້ຮັບການເລື່ອນຊັ້ນ ແລະ ເລື່ອນຂັ້ນ 212 ສະຫາຍ, ພົນລະເມືອງດີ 222 ສະຫາຍ, ພັດທະນາດີ 216 ສະຫາຍ, ສ້າງຄອບຄົວດີ 185 ສະຫາຍ, ແມ່ຍິງ 3 ດີ ປະເພດ I ມີ 164 ສະຫາຍ, ປະເພດ II ມີ 58 ສະ ຫາຍ ອັນພົ້ນເດັ່ນແມ່ນມີກອງ ທຶນພັດທະນາສະຫະພັນແມ່ ຍິງ ແລະ ມີສະມາຊິກກອງທຶນ 1.240 ຄົນ, ມີເງິນກອງທຶນ 5.250.663.000 ກີບ. ສະຫາຍ ພັນໂທ ນາງ ຄຳຫຼ້າ ກົມທິສອນ ຍັງກ່າວຕື່ມອີກວ່າ: ໃນຕໍ່ໜ້າຈະໄດ້ເພີ່ມທະວີວຽກງານສຶກສາອົບຮົມການເມືອງ-ນຳພາແນວຄິດ, ສືບຕໍ່ປຸກລະດົມສະມາຊິກແມ່ຍິງ ພ້ອມກັນເຂົ້າຮ່ວມຂະບວນການຕ່າງໆ ໃຫ້ເປັນຂະບວນການຟົດຟື້ນ, ເປັນເຈົ້າການປະຕິບັດພາລະບົດບາດໃນການປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ, ເອົາໃຈໃສ່ປັບປຸງການຈັດຕັ້ງສະ ຫະພັນແມ່ຍິງໃຫ້ມີຄວາມໜັກແໜ້ນເຂັ້ມແຂງ, ມີແບບແຜນວິທີເຮັດວຽກທີ່ສອດຄ່ອງ ບົນພື້ນ ຖານຫຼັກການລວມສູນປະຊາ ທິປະໄຕ ເຮັດວຽກເປັນໝູ່ຄະນະ, ສືບຕໍ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ແລະ ປະຕິບັດຂໍ້ກຳນົດ, ກົດລະບຽບຂອງກອງ ທັບ ກໍຄືກົມກອງວາງອອກຢ່າງເຂັ້ມງວດ.

news to day and hot news