
ຄະນະກອງບັນຊາການທະຫານແຂວງ ສາລະວັນ ຢ້ຽມຢາມ ແລະ ອວຍພອນ ອະດີດການນຳ
ເວລາອອກຂ່າວ: 2025-01-23 08:42:32 | ຜູ້ຂຽນ : admin1 | ຈຳນວນຄົນເຂົ້າຊົມ: 250 | ຄວາມນິຍົມ:
ໃນວັນທີ 14 ມັງກອນ 2025, ຄະນະກອງບັນຊາການທະຫານແຂວງສາລະວັນ ນຳໂດຍ ສະຫາຍ ພັນເອກ ວິໄລ ພິມມະວົງ ຫົວໜ້າຫ້ອງການ ກອງບັນຊາການທະ ຫານແຂວງສາລະວັນ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ອວຍພອນ ອະດີດການນຳ ກອງບັນຊາການທະຫານແຂວງສາລະວັນ ເຊັ່ນ: ສະຫາຍ ພັນເອກ ອ໋ອດ ໄຊຍະວົງ ອະດີດຫົວໜ້າການທະຫານ ກອງບັນຊາການທະຫານແຂວງສາລະວັນ ແລະ ສະຫາຍ ພັນໂທ ສຸນີ ແກ້ວລາວົງ ອະດີດຫົວໜ້າຫ້ອງພາລາທິການ ກອງບັນຊາການທະຫານແຂວງສາລະວັນ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ (20 ມັງກອນ 1949-20 ມັງກອນ 2025).
ໃນໂອກາດດັ່ງກ່າວນີ້, ຄະນະກອງບັນຊາການທະຫານແຂວງສາລະວັນ ໄດ້ສະແດງຄວາມຮູ້ບຸນຄຸນ ມາຍັງອະດີດການນຳ ແລະ ຄອບຄົວອະດີດການນຳ ຂອງກອງບັນຊາການທະຫານແຂວງສາລະວັນ ທີ່ໄດ້ສຸມທຸກສະຕິປັນຍາ ແລະ ເຫື່ອແຮງ ເຂົ້າໃນພາລະກິດຕໍ່ສູ້ປົດປ່ອຍຊາດ ກໍຄື ປົກປັກຮັກສາ ແລະ ສ້າງສາພັດທະນາປະເທດຊາດ ກໍຄື ກອງບັນຊາການທະຫານແຂວງສາລະວັນ ເຊິ່ງໄດ້ກາຍເປັນແບບຢ່າງທີ່ດີ ໃຫ້ພະນັກງານຮຸ່ນສືບທອດຕະຫຼອດມາ, ພ້ອມທັງອວຍພອນໄຊອັນປະເສີດ ຕໍ່ບັນດາສະຫາຍ ຈົ່ງມີສຸຂະພາບເຂັ້ມແຂງ, ມີພາ ລະນາໄມສົມບູນ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ເປັນຮົ່ມໂພ ຮົ່ມໄຊ ໃຫ້ລູກຫຼານຮຸ່ນສືບທອດຕໍ່ໆໄປ.
ໂດຍ: ສຸຂາວພອນ ສອນນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ