POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ສະຫະພັນແມ່ຍິງກອງພັນໃຫຍ່ 605 ກໍແມ່ນພາກສ່ວນໜຶ່ງ ທີ່ນຳສິນຄ້າມາວາງຂາຍງານຕະຫຼາດນັດສະຫະພັນແມ່ຍິງກອງທັບ
ເວລາອອກຂ່າວ: 2025-02-18 08:55:18 | ຜູ້ຂຽນ : admin1 | ຈຳນວນຄົນເຂົ້າຊົມ: 1276 | ຄວາມນິຍົມ:

ສະຫາຍ ພັນຕີ ນາງ ທິບສົມບູນ ຊາມົນຕີ ໜ້າທີ່ຮັບຜິດຊອບແພດອົງການ ກອງພັນໃຫຍ່ 605 ໄດ້ໃຫ້ສຳພາດຕໍ່ນັກຂ່າວໜັງສືພິມກອງທັບວ່າ: ຫຼັງຈາກຫ້ອງການສະຫະພັນແມ່ຍິງກອງທັບ ມີແຈ້ງການໄປເຖິງບັນດາກົມກອງນຳສິນຄ້າທີ່ຜະລິດມາວາງຂາຍຢູ່ ງານຕະຫຼາດນັດສະຫະພັນແມ່ ຍິງກອງທັບ ທາງພວກເຮົາກໍມີ ຄວາມຮູ້ສຶກດີໃຈຫຼາຍ ເພາະ ໄດ້ເປັນສ່ວນໜຶ່ງໃນການເຂົ້າຮ່ວມງານຕະຫຼາດນັດ ໃນຄັ້ງນີ້ ດັ່ງນັ້ນ ສະຫະພັນແມ່ຍິງກອງພັນໃຫຍ່ ຈຶ່ງໄດ້ຈັດຕັັ້ງເອື້ອຍນ້ອງແມ່ຍິງມາຮ່ວມຂາຍສິນຄ້າໃນ ງານດັ່ງກ່າວຢ່າງເປັນຂະບວນ ຟົດຟື້ນ ໃນນີ້, ຮ້ານຂອງກອງພັນພວກເຮົາມີຫຼາຍຢ່າງທີ່ນຳມາວາງຂາຍ ເປັນຕົ້ນແມ່ນປະເພດຕຳເຊັ່ນ: ຕຳໝາກຫຸ່ງ, ຕຳເຂົ້າ ປຸ້ນ, ຕຳໝີ່ຕ່າງໆ, ເຂົ້າໜົມ ແລະ ເຄື່ອງດື່ມອື່ນໆ ພ້ອມນັ້ນ ກໍມີປະເພດເຂົ້າສານ, ໄຂ່ເປັດ, ໄຂ່ໄກ່, ພືດຜັກຕ່າງໆເປັນຕົ້ນ ເຮົາໃນນາມຕາງໜ້າໃຫ້ເອື້ອຍນ້ອງແມ່ຍິງກອງພັນໃຫຍ່ 605 ກໍເປັນຄອບຄົວໜຶ່ງທີ່ປະຕິບັດຕາມທິດຊີ້ນຳຂອງຂັ້ນເທິງ ໃນການເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມທິດນຳ 4 ປູກ 4 ລ້ຽງ ກົມໃຫຍ່ພະລາທິການກອງທັບ ວາງອອກ ໃຫ້ປະກົດຜົນເປັນຈິງ ໂດຍໃຊ້ເວລາຫວ່າງນອກໂມງການ, ວັນເສົາ ແລະ ວັນອາທິດ ພ້ອມກັບສະມາຊິກໃນຄອບຄົວຊ່ວຍກັນທຳການປູກຝັງ-ລ້ຽງສັດ ເປັນອາຊີບເສີມ ເພື່ອສ້າງລາຍຮັບໃຫ້ແກ່ຄອບຄົວ ເຊິ່ງໃນນັ້ນ ປະເພດສັດລ້ຽງມີ: ງົວ, ຄວາຍ, ໝູ, ເປັດ,ໄກ່ ສ່ວນພືດຜັກ ກໍແມ່ນປູກພືດຜັກຕາມລະດູການ ແລະ ປູກເຂົ້າ ຜ່ານຈາກການປູກພືດຜັກ-ລ້ຽງສັດປະເພດຕ່າງໆໄດ້ຂາຍເຂົ້າເຮືອນຄົວລວມ ແລະ ຂາຍອອກຕະຫຼາດ ສະເລ່ຍມີລາຍຮັບ 45.000.000 ກີບ ຫາ 50.000.000 ກີບ ຕໍ່ປີ ດັ່ງນັ້ນ ຈຶ່ງເຮັດໃຫ້ຊີວິດການເປັນຢູ່ຂອງຄອບຄົວດີຂຶ້ນ ຄອບຄົວມີຢູ່ມີກິນເປັນກ້າວໆ ເຊິ່ງຜົນງານດັ່ງ ກ່າວໄດ້ກາຍເປັນແບບຢ່າງທີ່ດີໃຫ້ແກ່ເອື້ອຍນ້ອງໃນກອງພັນ ແລະ ໄດ້ຮັບການຍ້ອງຍໍຈາກສູນກາງສະຫະພັນແມ່ຍິງລາວ ແລະ ຫ້ອງການສະຫະພັນແມ່ ຍິງກອງທັບຈຳນວນຫຼາຍໃບ. ສະຫາຍ ພັນຕີ ນາງ ທິບສົມບູນ ຊາມົນຕີ ຍັງກ່າວຕື່ມວ່າ: ໃນຕໍ່ ໜ້າຈະສູ້ຊົນ ແລະ ເອົາໃຈໃສ່ໃນການລ້ຽງສັດໃຫ້ຫຼາຍຂຶ້ນ ແລະ ສຸມໃສ່ການປູກພືດຜັກຕາມລະດູການ ເພື່ອສົ່ງຂາຍເຂົ້າເຮືອນຄົວລວມ ຮັບປະກັນການແກ້ໄຂຊີວິດການເປັນຢູ່ຂອງພະນັກງານ-ນັກ ຮົບໃຫ້ດີຂຶ້ນ. ໂດຍ: ສົມຄິດ

news to day and hot news