POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ກົມໃຫຍ່ເສນາທິການກອງທັບ ສະຫຼຸບວຽກງານຮອບດ້ານ ປະຈຳປີ 2024
ເວລາອອກຂ່າວ: 2025-02-18 15:27:02 | ຜູ້ຂຽນ : admin2 | ຈຳນວນຄົນເຂົ້າຊົມ: 814 | ຄວາມນິຍົມ:

ກອງປະຊຸມສະຫຼຸບວຽກງານຮອບດ້ານ ປະຈໍາປີ 2024 ແລະ ວາງທິດທາງແຜນການ ປະຈຳປີ 2025 ຂອງກົມໃຫຍ່ເສນາທິການກອງທັບ ໄດ້ຈັດຂຶ້ນໃນວັນທີ 18 ກຸມພາ 2025 ນີ້, ໂດຍການເປັນປະທານ ຂອງສະຫາຍ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາບັນດາກົມ, ຫ້ອງການ, ກົມກອງຮາກຖານ ທົ່ວກົມໃຫຍ່ເສນາທິການກອງທັບ ເຂົ້າຮ່ວມ. ສະຫາຍ ພັນເອກ ສຸລິໄຊ ພິຈິດ ຫົວໜ້າຫ້ອງການ ກົມໃຫຍ່ເສນາທິການກອງທັບ ໄດ້ຜ່ານບົດລາຍງານການເມືອງ ທັງສອງພາກ ໃນໄລຍະ 1 ປີຜ່ານມາ, ຄະນະນໍາກົມໃຫຍ່ເສນາທິການກອງທັບ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ກຳແໜ້ນແນວທາງນະໂຍບາຍ ຂອງພັກ-ລັດ,ຂໍ້ກຳນົດ, ກົດລະບຽບ ຂອງກອງທັບຢ່າງທົ່ວເຖິງ ໃນນີ້, ໄດ້ສຸມໃສ່ຈັດຕັ້ງກໍາລັງລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ຢູ່ບັນດາແຂວງ, ຈຸດລໍ່ແຫຼມ ຕາມ 4 ເນື້ອໃນ 4 ຄາດໝາຍ, ຕິດພັນກັບວຽກງານ 3 ສ້າງ ຕິດແໜ້ນກັບການປັບປຸງ-ກໍ່ສ້າງພັກ-ພະນັກງານ, ເສີມຂະຫຍາຍບົດບາດການນໍາພາ ຂອງພັກ, ປະຕິບັດຕາມ 5 ຫຼັກ 3 ທິດນໍາ ຂອງພັກ, ສາມາດຕີລາຄາແບ່ງຄຸນນະພາບໜ່ວຍພັກປອດໃສ ເຂັ້ມແຂງ ໜັກແໜ້ນ ໃນປີ 2024 ໄດ້ 140 ໜ່ວຍພັກ, ສໍາເລັດກອງປະຊຸມໃຫຍ່ຂັ້ນຮາກຖານພັກ ຈໍານວນ 109 ຮາກຖານພັກ, ຄົ້ນຄວ້າມະຫາຊົນກ້າວໜ້າເຂົ້າພັກ 254 ສະຫາຍ, ຍິງ 21 ສະຫາຍ, ເລື່ອນສະມາຊິກພັກສຳຮອງຂຶ້ນສົມບູນ 268 ສະຫາຍ, ຍິງ 37 ສະຫາຍ, ນາຍ ແລະ ພົນທະຫານໄປຮຽນກໍ່ສ້າງ-ບຳລຸງ ຢູ່ພາຍໃນ ແລະ ຕ່າງປະເທດ 82 ສະຫາຍ, ໄດ້ຊີ້ນໍາ-ຊຸກຍູ້ອົງການຈັດຕັ້ງມະຫາຊົນຊາວໜຸ່ມ, ແມ່ຍິງ, ກຳມະບານ ເຄື່ອນໄຫວຕາມພາລະບົດບາດ, ຕາມຄໍາຂວັນ 4 ບຸກ, 3 ດີ ແລະ ຂໍ້ແຂ່ງຂັນ 5 ເປັນເຈົ້າ ຢ່າງເປັນຂະບວນຟົດຟື້ນ, ໄດ້ຮັບຮອງກອງປອດໃສ ປອດໄພ ປອດຄະດີ ປະເພດ I ມີ 47 ກົມກອງ, ປະເພດ II ມີ 6 ກົມກອງ, ທັງຊີ້ນໍາກົມກອງກຳລັງຫຼວງ-ກໍາລັງທ້ອງຖິ່ນຈັດຕັ້ງອົບຮົມ-ຫັດແອບ ປະຈໍາປີ 2024 ສໍາເລັດຕາມແຜນການ, ໄດ້ຈັດຕັ້ງຊ້ອມຮົບຍິງສະແດງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ແຂ່ງຂັນກິລາການທະຫານ, ກິລາມວນຊົນທົ່ວກອງທັບ ຄັ້ງທີ III, ໄດ້ຈັດຕັ້ງຊ້ອມຮົບຮ່ວມກອງທັບລາວ-ຈີນ “ໂລ້ກຳບັງ ມິດຕະພາບ 2024", ເຂົ້າຮ່ວມຊ້ອມຮົບລາໂຣດ ລາວ-ຣັດເຊຍ ປີ 2024, ຈັດຕັ້ງເຝິກອົບຮົມກໍາລັງຕີພິເສດຮ່ວມກັບ ສ ຣັດເຊຍ, ເຂົ້າຮ່ວມແຂ່ງຂັນຍິງປືນຍຸດທະວິທີກອງທັບບົກອາຊຽນ ຄັ້ງທີ 32 ທີ່ ປະເທດຟີລິບປິນ ເປັນເຈົ້າພາບ ແລະ ສໍາເລັດການເຂົ້າຮ່ວມເຝິກຊ້ອມໄພພິບັດ 3 ຝ່າຍ (ລາວ, ຫວຽດນາມ,ກຳປູເຈຍ) ພ້ອມນັ້ນ, ກໍໄດ້ປັບປຸງວຽກງານໂຄງການຫຼັກສູດການຮຽນ-ການສອນ ແລະ ລະບຽບການຕ່າງໆ ກ່ຽວກັບການຮຽນ-ການສອນ ຂອງບັນດາວິທະຍາຄານ, ໂຮງຮຽນ ພ້ອມທັງ ໄດ້ຊີ້ນໍາບັນດາກົມກອງເອົາໃຈໃສ່ວຽກງານເພີ່ມພູນຜະລິດດ້ວຍການປູກຝັງ-ລ້ຽງສັດ, ຕາມເງື່ອນໄຂທ່າແຮງຂອງກົມກອງທີ່ມີເພື່ອຜະລິດເປັນສິນຄ້າ, ຫາລາຍໄດ້ເຂົ້າກົມກອງ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບ, ມີງົວ 410 ໂຕ, ແບ້ 259 ໂຕ, ໝູ 185 ໂຕ, ສັດປີກໄດ້ 31 ພັນກວ່າໂຕ, ລ້ຽງປາ 62.000 ພັນກວ່າໂຕ, ປູກພືດອຸດສາຫະກຳ 1.840 ຕົ້ນ, ປູກໄມ້ກິນໝາກ 5 ພັນກວ່າ ຕົ້ນ, ປູກພືດລົ້ມລຸກໄດ້ 99 ພັນກວ່າ ກິໂລກຣາມ ນອກນີ້, ຍັງໄດ້ຊີ້ນໍາການຄຸ້ມຄອງປົກປັກຮັກສາ, ບົວລະບັດຜັດເຊັດ, ນໍາໃຊ້ພາຫະນະເຕັກນິກ, ອາວຸດ-ກະສຸນ ແລະ ວັດຖຸເຕັກນິກທີ່ໄດ້ປະກອບຖືກຕ້ອງຕາມລະບຽບຫຼັກການ ແລະ ປະຕິບັດນະໂຍບາຍຕໍ່ພະນັກງານ-ນັກຮົບ, ພະນັກງານບຳນານ ເວລາເຈັບເປັນ ຖືກຕ້ອງຕາມລະບຽບຫຼັກການຂອງພັກ, ໄດ້ຮັບການຍ້ອງຍໍຜົນງານ 5 ປີ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ຂອງບັນດາອົງການ, ກົມກອງຂຶ້ນກັບ ໃນນັ້ນ, ໄດ້ຮັບຫຼຽນໄຊພິລະອາດຫານ ຊັ້ນ I ຈຳນວນ 4 ສະຫາຍ, ຫຼຽນໄຊພິລະອາດຫານ ຊັ້ນ II ຈໍານວນ 698 ສະຫາຍ, ຫຼຽນໄຊພິລະອາດຫານ ຊັ້ນ III ຈຳນວນ 1.205 ສະຫາຍ, ໃບຍ້ອງຍໍກະຊວງປ້ອງກັນປະເທດ 247 ສະຫາຍ ແລະ ໃບຍ້ອງຍໍກົມໃຫຍ່ການເມືອງກອງທັບ ຈໍານວນ 128 ສະຫາຍ ຄຽງຄູ່ກັນນັ້ນ, ກໍໄດ້ຈັດຕັ້ງປະຕິບັດແນວທາງການຕ່າງປະເທດຂອງພັກຢ່າງຖືກຕ້ອງ, ເພີ່ມທະວີຮ່ວມມືກັບບັນດາປະເທດເພື່ອນມິດຍຸດທະສາດ ແລະ ສາກົນ. ຈາກນັ້ນ, ຜູ້ຕາງໜ້າກົມ,ຫ້ອງການ, ກົມກອງ ຍັງໄດ້ພ້ອມກັນປະກອບຄໍາຄິດເຫັນດ້ານວຽກງານທີ່ຕົນຮັບຜິດຊອບຢ່າງມີເນື້ອໃນສົມບູນຄົບຖ້ວນ. ໂອກາດນີ້, ສະຫາຍ ປະທານກອງປະຊຸມ ໄດ້ໂອ້ລົມ ພ້ອມທັງຊີ້ທິດເຍືອງທາງໃນການປັບປຸງພັດທະນາກົມກອງໃຫ້ມີການພັດທະນາກ້າວຂຶ້ນ ແລະ ເຕີບໃຫຍ່ເຂັ້ມແຂງ ກາຍເປັນກອງທັບທີ່ມີແບບແຜນທັນສະໄໝໃນຕໍ່ໜ້າ. ໂດຍ: ສົມຄິດ ພູມມີຈິດ

news to day and hot news