ວັນອັງຄານ, ວັນທີ 03 ທັນວາ 2024
6 ເດືອນຕົ້ນປີນີ້ ກົມກົດລັບເຄື່ອນໄຫວວຽກງານວິຊາສະເພາະ ມີຄວາມຮັບປະກັນຄວາມປອດໄພ, ວ່ອງໄວ, ປິດລັບ, ຊັດເຈນ
ເວລາອອກຂ່າວ: 2019-07-07 13:47:29 | ຜູ້ຂຽນ : admin2 | ຈຳນວນຄົນເຂົ້າຊົມ: 363 | ຄວາມນິຍົມ: 
ອີງຕາມບົດສະຫຼຸບວຽກ ງານຮອບດ້ານ ປະຈຳ 6 ເດືອນ ຕົ້ນປີ 2019 ທີ່ສະຫາຍ ພັນເອກ ອຳພອນ ທະວີໄຊ ຮອງຫົວໜ້າ ກົມກົດລັບ ທີ່ຜ່ານຕໍ່ກອງປະຊຸມ ສະຫຼຸບວຽກງານຮອບດ້ານປະ ຈຳ 6 ເດືອນ ຕົ້ນປີ 2019 ຂອງ ກົມກົດລັບໃຫ້ຮູ້ວ່າ: ບົນພື້ນຖານ ຄະນະພັກ-ຄະນະບັນຊາຂອງກົມແມ່ນໄດ້ເຮັດສໍາເລັດໜ້າທີ່ການ ເມືອງຂອງຕົນໃນການຊີ້ນໍາ-ນໍາ ພາເຮັດວຽກງານວິຊາສະເພາະ ກົດລັບຮັບປະກັນໃຫ້ມີຄວາມ ປອດໄພ, ວ່ອງໄວ, ປິດລັບ, ຊັດ
ເຈນ, ເຊິ່ງໃນ 6 ເດືອນຜ່ານ
ມາໄດ້ຮັບ-ສົ່ງຄໍາສັ່ງຂອງຂັ້ນ
ເທິງໄດ້ 10.707 ສະບັບ, ຈັດ
ພິມເອກະສານວິຊາສະເພາະໄດ້ 2.885 ຫົວ, ຜະລິດກະແຈລະ
ຫັດ 25 ເບີ, ຮຽບຮຽງສ່ວນແຈ້ງ
ກົດບັນຊາ 30 ແບບ, ເບີກຈ່າຍ
ເອກະສານວິຊາສະເພາະໃຫ້ບັນ
ດາກົມກອງຮາກຖານຈໍານວນ 935 ຫົວ, ກວດເຊັກ-ສ້ອມແປງ
ຈັກລະຫັດໃຫ້ບັນດາກົມກອງໄດ້ 6 ຊຸດ, ປ່ຽນຖ່າຍຈັກລະຫັດ 10
ຊຸດ, ປະກອບ ແລະ ຕິດຕັ້ງຈັກ ລະຫັດໃຫ້ 9 ກົມກອງ ແລະ ຂົງເຂດວຽກງານວິຊາສະເພາະ ອື່ນໆ ກໍມີການຮັບປະກັນດີ, ນອກຈາກນີ້ຄະນະພັກ-ຄະນະ ບັນຊາຂອງກົມຍັງໄດ້ເອົາໃຈໃສ່ ຊີ້ນໍາຈັດຕັ້ງກຳລັງປະຈໍາການ ກຽມພ້ອມສູ້ຮົບ, ປະຈໍາການວິ ຊາສະເພາະເພື່ອຮັບປະກັນວຽກ ງານເຂົ້າ-ແກ້ລະຫັດ, ຮັບ-ສົ່ງ ຄໍາສັ່ງໂທລະເລກໄດ້ເປັນປົກກະ ຕິ, ຈັດຕັ້ງກຳລັງປ້ອງກັນເວນ ຍາມສໍານັກງານ-ອົງການມີ ຄວາມສະຫງົບປອດໄພດີ, ສຸມ ໃສ່ອົບຮົມ-ຫັດແອບການເມືອງ, ການທະຫານ, ວິຊາສະເພາະກົດ ລັບໃຫ້ມີຄວາມເຂັ້ມແຂງ ເພື່ອ ກຽມພ້ອມເຮັດສໍາເລັດໜ້າທີ່ການ ເມືອງຂອງກົມກອງຕາມທີ່ການ ຈັດຕັ້ງຂັ້ນເທິງມອບໝາຍໃຫ້ ດ້ວຍໝາກຜົນສູງ.
ກອງປະຊຸມສະຫຼຸບການເຄື່ອນ ໄຫວວຽກງານຮອບດ້ານໄລຍະ 6 ເດືອນຕົ້ນປີ ແລະ ຜ່ານທິດ ທາງແຜນການ 6 ເດືອນທ້າຍປີ 2019, ຂອງກົມກົດລັບໄດ້ຈັດ ຂຶ້ນໃນວັນທີ 5 ກໍລະກົດ 2019 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ພອນໃຈ ພັນທະວົງ ຫົວໜ້າກົມກົດລັບ,
ມີຄະນະພັກ-ຄະນະບັນຊາກົມ ກອງທີ່ຂຶ້ນກັບ ແລະ ພາກສ່ວນ ກ່ຽວຂ້ອງເຂົ້າຮ່ວມ.
ໃນກອງປະຊຸມຜູ້ເຂົ້າຮ່ວມຍັງ ໄດ້ພ້ອມກັນປະກອບຄໍາຄິດເຫັນ ໃສ່ບົດສະຫຼຸບ ແລະ ທິດທາງ ແຜນການ ເພື່ອຖອດຖອນບົດ ຮຽນດ້ານຕັ້ງໜ້າ ແລະ ຊອກວິທີ ການປັບປຸງແກ້ໄຂບັນຫາທີ່ຍັງ ອ່ອນຄົງຄ້າງໃຫ້ດີຂຶ້ນ ເຮັດໃຫ້ ການເຄື່ອນໄຫວວຽກງານໃນຕໍ່ໜ້າ ໄດ້ຮັບຜົນສໍາເລັດສູງກວ່າເກົ່າ.
+ ໂດຍ: ນ.ຍ້ອມເພັດ ວິໄລພັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
