POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ສະຫາຍ ບຸນທອງ ຈິດມະນີ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງໜອງບົກ ແຂວງຄຳມ່ວນ
ເວລາອອກຂ່າວ: 2019-07-12 09:21:51 | ຜູ້ຂຽນ : admin3 | ຈຳນວນຄົນເຂົ້າຊົມ: 474 | ຄວາມນິຍົມ:

ໃນໂອກາດ ສະຫາຍ ບຸນທອງ ຈິດມະນີ ກໍາມະການກົມການ ເມືອງສູນກາງພັກ, ເລຂາທິການ ສູນກາງພັກ, ຮອງນາຍົກລັດຖະ ມົນຕີ, ປະທານຄະນະກວດກາ ສູນກາງພັກ, ປະທານອົງການ ກວດກາລັດຖະບານ ແລະ ຫົວ ໜ້າອົງການຕ້ານການສໍ້ລາດບັງ ຫຼວງຂັ້ນສູນກາງ ພ້ອມດ້ວຍຄະ ນະ ແລະ ການນໍາຂັ້ນສູງຂອງ ແຂວງຄໍາມ່ວນ ໄດ້ລົງເຄື່ອນ ໄຫວຢ້ຽມຢາມ ແລະ ເຮັດວຽກ ຢູ່ເມືອງໜອງບົກ, ໂດຍໄດ້ຮັບ ການຕ້ອນຮັບຢ່າງອົບອຸ່ນຈາກ ພະນັກງານຫຼັກແຫຼ່ງຂອງເມືອງ ດັ່ງກ່າວ. ໂອກາດດຽວກັນໄດ້ຮັບຟັງ ການລາຍງານສະພາບການພັດ ທະນາທາງດ້ານເສດຖະກິດ-ສັງ ຄົມຂອງເມືອງຈາກ ທ່ານ ສິນ ທະສອນ ມະຫາໂຄດ ກໍາມະການ ພັກແຂວງ, ເລຂາພັກເມືອງ, ເຈົ້າ ເມືອງໜອງບົກ ກ່າວວ່າ: ເມືອງ ໜອງບົກ ມີເນື້ອທີ່ທັງໝົດ 313 ກິໂລຕາແມັດ, ເນື່ອງຈາກເປັນ ເມືອງທົ່ງພຽງຕໍ່າທ່າແຮງຂອງ ເມືອງ ຖືເອົາການຜະລິດກະສິກໍາ ປູກຝັງ-ລ້ຽງສັດເປັນຕົ້ນຕໍ, ຕິດ ພັນກັບອຸດສາຫະກໍາປຸງແຕ່ງເປັນ ຍຸດທະສາດໃນການພັດທະນາ ແລະ ມີແຮ່ທາດເກືອກາລີ, ມີ ພື້ນຖານໂຄງລ່າງຖະໜົນຫົນ ທາງສະດວກສະບາຍ ແລະ ໄຟ ຟ້າໄປເຖິງທົ່ວທຸກບ້ານ. ທົ່ວເມືອງມີ 55 ບ້ານ, ມີ 8.997 ຄອບຄົວ, ມີພົນລະເມືອງ 52.165 ຄົນ, ຍິງ 26.602 ຄົນ, ມີ 03 ຊົນ ເຜົ່າໃຫຍ່ຄື: ເຜົ່າລາວ 74,57%, ເຜົ່າຜູ້ໄທ 22,3% ແລະ ເຜົ່າມະ ກອງ 3,13% ເນື່ອງຈາກວ່າປະ ຊາຊົນມີອາຊີບເຮັດນາ, ປູກພືດ ຜັກ ແລະ ລ້ຽງສັດ ກວມເຖິງ 95% ລາຍຮັບສະເລ່ຍຕໍ່ຫົວຄົນຕໍ່ປີ 12.962.000 ກີບ. ດ້ານເສດຖະ ກິດເມືອງໄດ້ເອົາໃຈໃສ່ຄຸ້ມຄອງ ໂຄງການທີ່ເມືອງຮັບຜິດຊອບມູນ ຄ່າ 05 ຕື້ກີບລົງມາ, ໂດຍໄດ້ ແຕ່ງຕັ້ງຄະນະຮັບຜິດຊອບຄຸ້ມ ຄອງ ໂຄງການຂັ້ນເມືອງ, ພ້ອມ ນັ້ນເມືອງມີໂຄງການລົງທຶນຂອງ ລັດ ທັງໝົດ 30 ໂຄງການ ໃນນັ້ນ ແຂວງເປັນເຈົ້າຂອງໂຄງການ 21 ໂຄງການ, ເມືອງເປັນເຈົ້າ ຂອງໂຄງການ 09 ໂຄງການ ມູນຄ່າ 16 ຕື້ກວ່າກີບ ແລະ ໂຄງການລົງທຶນຂອງເອກະຊົນ ພາຍໃນ ແລະ ຕ່າງປະເທດ ຈໍານວນ 13 ໂຄງການ ມູນຄ່າ 4 ຕື້ກວ່າກີບ, ທຶນຈົດທະບຽນ 566.345 ລ້ານກີບ, ສ່ວນໃຫຍ່ ແມ່ນລົງທຶນໃສ່ການສໍາປະທານ ຂຸດຄົ້ນແຮ່ທາດ (ແຮ່-ຊາຍ, ເກືອ ກາລີ) ສໍາລັບໂຄງການລົງທຶນ ໄພພິບັດທັງໝົດແມ່ນພະແນກ ສາຍຕັ້ງເປັນຜູ້ຄຸ້ມຄອງ. ທົ່ວເມືອງ ມີເນື້ອທີ່ຜະລິດເຂົ້ານາປີ 15.671 ເຮັກຕາ, ຖ້ວມເສຍຫາຍ 2/3 ຂອງເນື້ອທີ່ທັງໝົດ, ການຜະລິດ ນາແຊງໃນເນື້ອທີ່ 2.961,34 ເຮັກຕາ ເທົ່າກັບ 118,4 %, ຜົນ ຜະລິດ 54.670 ໂຕນ ສະເລ່ຍ ໄດ້ 1.032 ກິໂລຕໍ່ຄົນຕໍ່ປີ ສາມາດ ກຸ້ມກິນທາງດ້ານສະບຽງອາ ຫານ, ການແກ້ໄຂຄວາມທຸກ ຍາກສ້າງຊີວິດການເປັນຢູ່ຂອງ ປະຊາຊົນນັບມື້ນັບດີຂຶ້ນດ້ວຍ ຮູບແບບການຈັດຕັ້ງເປັນກຸ່ມ ການຜະລິດກໍເລີ່ມມີໜໍ່ແໜງ ເກີດຂຶ້ນ ແລະ ມີທ່າຂະຫຍາຍຕົວ ດີ ເປັນຕົ້ນແມ່ນກຸ່ມໂຮງສີເຂົ້າ, ກຸ່ມຂະຫຍາຍແນວພັນເຂົ້າ, ກຸ່ມ ຜະລິດເຂົ້າ, ກຸ່ມປູກພືດຜັກ, ກຸ່ມ ປັ້ນໝໍ້ຫຼໍ່ໄຫ, ກຸ່ມຜະລິດເຂົ້າໜົມ ປ່ານ ແລະ ກຸ່ມອື່ນໆ ອັນພົ້ນເດັ່ນ ປະຊາຊົນໄດ້ນໍາໃຊ້ລົດໄຖນາ ໃຫຍ່ 112 ຄັນ, ລົດກ່ຽວເຂົ້າ ເກືອບ 20 ຄັນ, ກວມ 60% ປະ ຊາຊົນນໍາໃຊ້ເຕັກນິກທີ່ທັນສະໄໝ ເຂົ້າໃສ່ການຜະລິດເຂົ້າດ້ວຍການ ເຮັດນາຝາຍ, ນາຫວ່ານ ມີຫຼາຍ ຄອບຄົວມີລາຍໄດ້ສູງຈາກການ ເຮັດນາ, ປູກພືດຕ່າງໆ ແລະ ກຸ່ມ ຂະຫຍາຍແນວພັນເຂົ້າໄດ້ຮັບ ຫຼຽນຊາວນາອາຊຽນດີເດັ່ນຄົນ ທໍາອິດຂອງປະເທດ, ສາມາດ ສ້າງບ້ານແບບຢ່າງດ້ານກະສິກໍາ ແລະ ປ່າໄມ້ໄດ້ 9 ບ້ານເທົ່າກັບ 16,36%. ດ້ານວຽກງານການເງິນໃນປີ 2018 ຜ່ານມາເມືອງໜອງບົກ ໄດ້ຖືກມອບໝາຍໃນການຈັດ ເກັບລາຍຮັບເຂົ້າງົບປະມານ ຕາມແຜນ 4 ຕື້ກວ່າກີບ, ປະຕິ ບັດໄດ້ 3 ຕື້ກວ່າກີບເທົ່າກັບ 80,17% ເບິ່ງແລ້ວເຫັນວ່າ ເມືອງບໍ່ສາມາດກຸ້ມຕົນເອງທາງ ດ້ານງົບປະມານຈຶ່ງຕ້ອງໄດ້ອາ ໄສແຂວງດຸ່ນດ່ຽງໃຫ້ເພາະລາຍ ຈ່າຍມີເຖິງ 27 ຕື້ກວ່າກີບ, ສໍາ ລັບວຽກງານໂຍທາທິການ ແລະ ຂົນສົ່ງເສັ້ນທາງຄົມມະນາຄົມ ເຂົ້າເຖິງໃນທຸກບ້ານໄດ້ປຸກລະ ດົມພໍ່ແມ່ປະຊາຊົນປະກອບສ່ວນ ສ້ອມແປງເສັ້ນທາງບ້ານຕໍ່ບ້ານ ຈໍານວນ 51 ເສັ້ນ ມູນຄ່າ 1.404.496.300 ກີບ, ປັດຈຸ ບັນແມ່ນໄດ້ທຶນສ້ອມແປງທາງ ສຸກເສີນຈໍານວນ 20 ໂຄງການ ໃນນັ້ນສ້ອມແປງທາງຫຼວງ 8 ໂຄງການ, ທາງຊົນນະບົດ 12 ໂຄງການມູນຄ່າ 10.597.040.000 ກີບ, ມາ ຮອດປັດຈຸບັນໄດ້ຈັດຕັ້ງປະຕິບັດ ແລ້ວຈໍານວນໜຶ່ງ. ນອກຈາກນັ້ນ ປະຊາຊົນຍັງນໍາໃຊ້ທຶນຮອນຂອງ ຕົນກໍ່ສ້າງທາງເບຕົງຈໍານວນ 5 ບ້ານຄື: ດົງຍາງ, ດົງກະສິນ, ດົງບູນ, ສອງເໝືອງໃຕ້ ແລະ ໜອງບົກ ໄປພ້ອມໆກັນນີ້ກໍຍັງ ໄດ້ຄຸ້ມຄອງການກໍ່ສ້າງ ແລະ ຂຸດຄົ້ນແຮ່-ຊາຍຕ່າງໆໄດ້ເປັນ ຢ່າງດີ. ໄດ້ເອົາໃຈໃສ່ຂຶ້ນສໍາມະ ໂນຕອນດິນທຸກບ້ານພາຍໃນ ເມືອງ, ອອກໃບແຈ້ງເສຍພາສີ ທີ່ດິນໄດ້ 28.458 ຕອນ, ເນື້ອ ທີ່ 19.252 ເຮັກຕາ, ຕິດຕາມ ກວດກາ, ຄຸ້ມຄອງສິ່ງເສດເຫຼືອ ໂຄງການຂຸດຄົ້ນແຮ່ທາດຕ່າງໆ ພາຍໃນເມືອງໄດ້ເປັນຢ່າງດີ, ລະບົບໂທລະຄົມມະນາຄົມໄດ້ ຂະຫຍາຍ ແລະ ບໍລິການໂທລະ ສັບທົ່ວເຖິງທຸກໆບ້ານ, ໄດ້ລົງ ກວດກາ ແລະ ສະກັດກັ້ນການຈໍາ ໜ່າຍສິນຄ້າປອມແປງ, ສິນຄ້າ ເສຍຄຸນນະພາບຢ່າງເປັນປົກກະ ຕິ. ຂ່າວ: ແສງສະຫວັດ

news to day and hot news