POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງປະຊຸມປຶກສາຫາລືດ້ານການເມືອງ ລະຫວ່າງ ກະຊວງການຕ່າງປະເທດ ລາວ - ຫວຽດນາມ ປະຈຳປີ 2019
ເວລາອອກຂ່າວ: 2019-07-18 09:46:27 | ຜູ້ຂຽນ : admin3 | ຈຳນວນຄົນເຂົ້າຊົມ: 139583790 | ຄວາມນິຍົມ:

ໃນລະຫວ່າງວັນທີ 16-18 ກໍລະກົດ 2019 ນີ້, ສະຫາຍ ຫງວຽນ ກ໋ວກ ຢຸ້ງ ຮອງລັດຖະ ມົນຕີກະຊວງການຕ່າງປະເທດ ພ້ອມດ້ວຍຄະນະຜູ້ແທນກະຊວງ ການຕ່າງປະເທດ ແຫ່ງ ສສ ຫວຽດນາມ ໄດ້ເດີນທາງຢ້ຽມ ຢາມ ແລະ ເຂົ້າຮ່ວມກອງປະຊຸມ ປຶກສາຫາລືດ້ານການເມືອງຂັ້ນ ຮອງລັດຖະມົນຕີ ລະຫວ່າງ ກະ ຊວງການຕ່າງປະເທດ ລາວ ແລະ ຫວຽດນາມ ປະຈຳປີ 2019. ກອງປະຊຸມດັ່ງກ່າວໄດ້ຈັດ ຂຶ້ນໃນວັນທີ 16 ກໍລະກົດ 2019 ນີ້, ທີ່ກະຊວງການຕ່າງປະເທດ ສປປ ລາວ, ໂດຍການເປັນປະ ທານຮ່ວມຂອງ ສະຫາຍ ນາງ ຄຳເພົາ ເອີນທະວັນ ຮອງລັດຖະ ມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ສະຫາຍ ຫງວຽນ ກ໋ວກ ຢຸ້ງ ຮອງລັດຖະ ມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ພ້ອມດ້ວຍ ພະນັກງານທີ່ກ່ຽວຂ້ອງຂອງ ສອງຝ່າຍເຂົ້າຮ່ວມ. ກອງປະຊຸມປຶກສາຫາລືດ້ານ ການເມືອງຂັ້ນຮອງລັດຖະມົນ ຕີແມ່ນໜຶ່ງໃນກົນໄກຮ່ວມມືລະ ຫວ່າງສອງກະຊວງການຕ່າງປະ ເທດ ລາວ-ຫວຽດນາມ ທີ່ໄດ້ເລີ່ມ ຈັດຕັ້ງປະຕິບັດມາແຕ່ປີ 2015. ໃນກອງປະຊຸມຄັ້ງນີ້, ສອງ ຝ່າຍໄດ້ແລກປ່ຽນຄຳຄິດຄຳເຫັນ ແລະ ຖອດຖອນບົດຮຽນຮ່ວມກັນ ແບບກົງໄປກົງມາໃນຫຼາຍບັນຫາ ເປັນຕົ້ນແມ່ນແລກປ່ຽນກ່ຽວກັບ ສະພາບການພາກພື້ນ ແລະ ສາ ກົນທີ່ສອງຝ່າຍມີຄວາມສົນໃຈ, ທົບທວນຄືນການຮ່ວມມືສອງ ຝ່າຍທາງດ້ານການຮ່ວມມືດ້ານ ການເມືອງ ກໍຄືການຮ່ວມມືລະ ຫວ່າງສອງກະຊວງການຕ່າງປະ ເທດ ແນໃສ່ຍົກສູງກົນໄກການ ຮ່ວມມືລະຫວ່າງສອງກະຊວງ ການຕ່າງປະເທດໃນການເປັນໃຈ ກາງຊຸກຍູ້ຕິດຕາມການຈັດຕັ້ງປະ ຕິບັດບັນດາຂໍ້ຕົກລົງສອງຝ່າຍທີ່ ໄດ້ລົງນາມຮ່ວມກັນ, ຍົກສູງບົດ ບາດຂອງກະຊວງການຕ່າງປະ ເທດໃນການເປັນເສນາທິການໃນ ວຽກງານການຕ່າງປະເທດ ແລະ ເປັນໃຈກາງປະສານສົມທົບ ກັບ ບັນດາກະຊວງ ແລະ ຂະແໜງ ການທີ່ກ່ຽວຂ້ອງຂອງທັງສອງ ປະເທດທັງສູນກາງ ແລະ ທ້ອງ ຖິ່ນເພື່ອຊຸກຍູ້ສົ່ງເສີມການພົວພັນ ສອງຝ່າຍ ລາວ-ຫວຽດນາມ, ຫວຽດນາມ-ລາວ ໃຫ້ມີປະສິດທິ ຜົນຍິ່ງໆຂຶ້ນ. ພ້ອມນີ້, ທີ່ກອງປະຊຸມຍັງໄດ້ ຕີລາຄາສູງຕໍ່ຜົນສຳເລັດການ ເຄື່ອນໄຫວວຽກງານການຕ່າງ ປະເທດຂອງສອງຝ່າຍ, ພິເສດ ຊົມເຊີຍຕໍ່ຜົນສຳເລັດຂອງ ສສ ຫວຽດນາມ ທີ່ໄດ້ຮັບການຄັດ ເລືອກເຂົ້າເປັນສະມາຊິກບໍ່ຖາ ວອນຂອງສະພາຄວາມໝັ້ນຄົງ ຂອງອົງການສະຫະປະຊາຊາດ ດ້ວຍຄະແນນສຽງທີ່ສູງສຸດເປັນ ຄັ້ງປະຫວັດສາດ, ເຊິ່ງສະແດງໃຫ້ ເຫັນເຖິງອິດທິພົນ ແລະ ຖານະ ບົດບາດຂອງ ສສ ຫວຽດນາມ ນັບມື້ນັບສູງເດັ່ນຂຶ້ນໃນເວທີພາກ ພື້ນ ແລະ ສາກົນ. ໃນຕອນທ້າຍ, ກອງປະຊຸມໄດ້ ສະຫຼຸບ ແລະ ຕີລາຄາສູງຕໍ່ການ ແລກປ່ຽນຄຳຄິດຄຳເຫັນ ແລະ ຖອດຖອນບົດຮຽນຮ່ວມກັນໃນ ຫຼາຍບັນຫາ ໂດຍສະເພາະແມ່ນ ຕໍ່ໜ້າສະພາບການພາກພື້ນ ແລະ ສາກົນ ທີ່ຜັນແປໄປຢ່າງໄວວາ ສັບສົນ ຍາກທີ່ຈະຄາດຄະເນໄດ້ ໃນປັດຈຸບັນ ແລະ ເຫັນໄດ້ວ່າກົນ ໄກປຶກສາຫາລືດ້ານການເມືອງນີ້ ຈະສືບຕໍ່ປະກອບສ່ວນສຳຄັນເຂົ້າ ໃນການສ້າງຄວາມເຂົ້າໃຈເຊິ່ງ ກັນ ແລະ ກັນ, ພ້ອມທັງຊຸກຍູ້ສົ່ງ ເສີມການພົວພັນຮ່ວມມືສອງຝ່າຍ ລະຫວ່າງສອງປະເທດ ໂດຍສະ ເພາະລະຫວ່າງສອງກະຊວງ ການຕ່າງປະເທດໃຫ້ມີປະສິດທິ ຜົນກວ່າເກົ່າໃນຊຸມປີຕໍ່ໆໄປ.

news to day and hot news