ວັນອັງຄານ, ວັນທີ 24 ມິຖຸນາ 2025
ຫົວໜ້າການເມືອງ ທະຫານເເຂວງອັດຕະປື ເຄື່ອນໄຫວຊຸກຍູ້ ແລະ ມອບເຄື່ອງໃຫ້ພະນັກງານ-ນັກຮົບ ຢູ່ ເມືອງສະໜາມໄຊ
ເວລາອອກຂ່າວ: 2025-05-16 09:22:04 | ຜູ້ຂຽນ : admin1 | ຈຳນວນຄົນເຂົ້າຊົມ: 2521 | ຄວາມນິຍົມ: 
ວັນທີ 11 ພຶດສະພາ 2025, ສະຫາຍ ພັນເອກ ສີສົມໃຈ ມະໂນລາ ຫົວໜ້າການເມືອງ ກອງບັນຊາການທະຫານແຂວງອັດຕະປື ພ້ອມດ້ວຍຄະນະນຳຂອງເເຂວງ ແລະ ບັນດາຫົວໜ່ວຍທຸລະກິດ ໄດ້ລົງເຄື່ອນໄຫວ ຢ້ຽມ ຢາມຊຸກຍູ້ ແລະ ມອບເຄື່ອງ ອຸປະ ໂພກ-ບໍລິໂພກ, ອຸປະກອນກິລາ ຈຳນວນໜຶ່ງ ໃຫ້ກອງພັນ 21, ກອງຮ້ອຍທີ 2 ແລະ ກອງຮ້ອຍທະຫານຊາຍເເດນ 543, ໂດຍໄດ້ຮັບການຕ້ອນຮັບ ຈາກ ຄະນະກອງພັນ, ຄະນະກອງຮ້ອຍທະ ຫານຊາຍເເດນ ພ້ອມດ້ວຍ ພະ ນັກງານ-ນັກຮົບ ເຂົ້າຮ່ວມ.
ຄະນະພັກ-ຄະນະບັນຊາແຕ່ລະກົມກອງ ໄດ້ຜັດປ່ຽນກັນລາຍງານກ່ຽວກັບ ການຈັດຕັ້ງປະຕິບັດໜ້າທີ່ໃນໄລຍະຜ່ານມາ, ສະພາບການທີ່ເກີດຂຶ້ນ, ພາ
ລະບົດບາດ, ທີ່ຕັ້ງກົມກອງຂອງຕົນ. ໂອກາດດຽວກັນນີ້, ຄະນະດັ່ງກ່າວຍັງໄດ້ມອບເຄື່ອງ ອຸປະ ໂພກ-ບໍລິໂພກ, ເຂົ້າສານອາຫານເເຫ້ງ, ບານເຕະ, ບານສົ່ງ, ກະຕໍ້ ຈຳນວນໜຶ່ງ; ໃນນັ້ນ, ຍັງໄດ້ມອບເງິນສົດໃຫ້ກອງພັນ 21 ຈຳນວນ 2.000.000 ກີບ ແລະ ກອງຮ້ອຍທະຫານຊາຍເເດນ 543 ຈຳນວນ 5.000.000 ກີບ.
ສະຫາຍ ພັນເອກ ສີສົມໃຈ ມະໂນລາ ໄດ້ສະແດງຄວາມຍ້ອງ ຍໍຊົມເຊີຍຕໍ່ພະນັກງານ-ນັກຮົບ ທຸກສະຫາຍທີ່ໄດ້ເອົາໃຈໃສ່ເຄື່ອນໄຫວເຮັດໜ້າທີ່ຂອງຕົນຕາມການມອບໝາຍຂອງຂັ້ນເທິງ, ເຖິງແມ່ນວ່າຈະມີອຸປະສັກຫຍຸ້ງຍາກປານໃດກໍຕາມ ແຕ່ທຸກສະຫາຍກໍຍັງມີແນວຄິດອຸ່ນອຽນ, ທຸ່ນທ່ຽງຕໍ່ໜ້າທີ່ຂອງຕົນ ເພື່ອປະກອບ ສ່ວນເຂົ້າໃນວຽກງານລວມຂອງຊາດ ໂດຍສະເພາະແມ່ນການປ້ອງກັນຊາຍເເດນ, ດ້ວຍຄວາມຮັບຜິດຊອບສູງ. ພ້ອມທັງ ໄດ້ເນັ້ນໜັກໃຫ້ ຄະນະພັກ-ຄະນະບັນຊາ ກົມກອງ ຈັດຕັ້ງກຳລັງອອກເຄື່ອນໄຫວກວດກາ ສາລະເວນ ຕິດຕາມເກັບກຳສະພາບຂອງສັດຕູ, ມີສະຕິລະວັງຕົວສູງ ເພື່ອບໍ່ໃຫ້ພວກກຸ່ມຄົນບໍ່ດີ ເຂົ້າມາກໍ່ຄວາມບໍ່ສະຫງົບໃນຂອບເຂດຮັບຜິດຊອບຂອງຕົນ, ເອົາໃຈໃສ່ສະກັດກັ້ນປະກົດການຫຍໍ້ທໍ້ຕ່າງໆທີ່ເກີດຈະຂຶ້ນຕາມຂອບເຂດຊາຍເເດນ ເພື່ອເຮັດໃຫ້ສະພາບກົມກອງຂອງຕົນມີຄວາມສະຫງົບໂດຍພື້ນຖານ.
ໂດຍ: ສຸກສະໄໝ ນວນມະລິນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
