POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 19 ພະຈິກ 2025

ປະກາດບ້ານສີບຸນເຮືອງ ເມືອງຮຸນ ແຂວງອຸດົມໄຊ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2019-07-24 09:20:13 | ຜູ້ຂຽນ : admin2 | ຈຳນວນຄົນເຂົ້າຊົມ: 1984 | ຄວາມນິຍົມ:

ວັນທີ 17 ກໍລະກົດ 2019 ນີ້, ກອງບັນຊາການທະຫານແຂວງ ອຸດົມໄຊ ໄດ້ຈັດພິທີປະກາດບ້ານ ປ້ອງກັນຊາດເຂັ້ມແຂງໃຫ້ບ້ານ ສີບຸນເຮືອງ ເມືອງຮຸນ ແຂວງ ອຸດົມໄຊ ຢູ່ທີ່ສະໂມສອນບ້ານດັ່ງ ກ່າວ, ໂດຍພາຍໃຕ້ການເປັນປະ ທານ ຂອງທ່ານ ບຸນຕຽມ ສຸພັນ ທອງ ກໍາມະການພັກແຂວງ ເລຂາພັກເມືອງ ເຈົ້າເມືອງໆຮຸນ ປະ ທານປ້ອງກັນຊາດ-ປ້ອງກັນ ຄວາມສະຫງົບເມືອງ, ເປັນກຽດ ເຂົ້າຮ່ວມໂດຍມີ ສະຫາຍ ພັນເອກ ບຸນຍົງ ໜໍ່ແກ້ວ ຫົວໜ້າຫ້ອງການ ເມືອງກອງບັນຊາການທະຫານ ແຂວງອຸດົມໄຊ, ມີເລຂາພັກບ້ານ ນາຍບ້ານໆສີບຸນເຮືອງ, ຄະນະ ພັກ-ຄະນະບັນຊາກອງບັນຊາ ການທະຫານເມືອງ, ອຳນາດການ ປົກຄອງບ້ານ ຕະຫຼອດຮອດເຖົ້າ ແກ່ແນວໂຮມ ແລະ ພໍ່ແມ່ປະຊາ ຊົນພາຍໃນບ້ານເຂົ້າຮ່ວມ. ສະຫາຍ ບຸນທັນ ທຳມະວົງ ເລຂາ ພັກບ້ານ ນາຍບ້ານໆສີບຸນເຮືອງ ໄດ້ຂຶ້ນສະຫຼຸບການຊີ້ນຳ-ນຳພາ ປະຊາຊົນສ້າງຄອບຄົວປ້ອງກັນ ຊາດ-ປ້ອງກັນຄວາມສະຫງົບ ເຂັ້ມແຂງຕາມແນວທາງນະໂຍ ບາຍຂອງພັກ, ວ່າດ້ວຍການຫັນ ໜ້າທີ່ ປກຊ-ປກສ ທົ່ວປວງຊົນ ຮອບດ້ານເປັນໜ້າທີ່ຂອງໝົດທຸກ ຄົນ ເຊິ່ງໃນຊຸມປີຜ່ານມາເຫັນວ່າ ມີຫຼາຍດ້ານທີ່ພົ້ນເດັ່ນ ແລະ ນັບມື້ ດີຂຶ້ນເປັນກ້າວໆ, ບ້ານສີບຸນ ເຮືອງມີ 745 ຫຼັງຄາເຮືອນ, ມີ 987 ຄອບຄົວ, ມີພົນລະເມືອງ 4.555 ກວ່າຄົນ, ມີ 3 ຊົນເຜົ່າ ໃຫຍ່ຄືເຜົ່າລາວລຸ່ມກວມເອົາ 32,5%, ເຜົ່າກຶມມຸ 49,5%, ເຜົ່າມົ້ງ 18% ແລະ ໄດ້ຮັບນາມະ ຍົດເປັນໜ່ວຍພັກ ເຂັ້ມແຂງ ປອດ ໃສ ໜັກແໜ້ນ 6 ສະໄໝ, ເປັນໜ່ວຍ ຊາວໜຸ່ມເຂັ້ມແຂງ 2 ສາມັກຄີ 3 ດີ 4 ພັດທະນາ ແລະ ໜ່ວຍແມ່ຍິງ 3 ດີ, ເປັນບ້ານສາທາລະນະສຸກ ແບບຢ່າງ, ບ້ານປອດຄະດີ, ປອດ ຢາເສບຕິດ, ບ້ານວັດທະນະທຳ ແລະ ບ້ານພັດທະນາຮອບດ້ານ, ຜ່ານການປະເມີນຕົວຈິງໃນຕາມ 6 ມາດຖານເງື່ອນໄຂສາມາດຢັ້ງ ຢືນເປັນຄອບຄົວ ແລະ ບ້ານປ້ອງ ກັນຊາດເຂັ້ມແຂງໄດ້ 90,6%. ໂອກາດດຽວກັນນີ້ ພັນເອກ ບຸນ ຍົງ ໜໍ່ແກ້ວ ຫົວໜ້າຫ້ອງການ ເມືອງກອງບັນຊາການທະຫານ ແຂວງອຸດົມໄຊ ກໍໄດ້ມອບໃບຢັ້ງ ຢືນໃຫ້ຄອບຄົວ, ບ້ານປ້ອງກັນ ຊາດເຂັ້ມແຂງໃຫ້ບ້ານດັ່ງກ່າວຢ່າງສົມກຽດ. ໃນຕອນທ້າຍຂອງພິທີ ສະຫາຍ ບຸນຕຽມ ສຸພັນທອງ ກໍາມະການ ພັກແຂວງ ເລຂາພັກເມືອງ ເຈົ້າ ເມືອງໆຮຸນປະທານປ້ອງກັນ ຊາດ-ປ້ອງກັນຄວາມສະຫງົບ ເມືອງ ໄດ້ມີຄຳເຫັນໂອ້ລົມກ່ອນ ອື່ນໄດ້ສະແດງຄວາມຍ້ອງຍໍຊົມ ເຊີຍຕໍ່ຜົນງານທີ່ຄະນະພັກ, ອຳ ນາດການປົກຄອງ ແລະ ປະຊາຊົນ ພາຍໃນບ້ານດັ່ງກ່າວທີ່ໄດ້ພ້ອມ ກັນສ້າງສາພັດທະນາຄອບຄົວ ຕົນເອງໃຫ້ດີຂຶ້ນເປັນກ້າວໆ ພ້ອມ ທັງໄດ້ຮຽກຮ້ອງໃຫ້ຄະນະພັກກໍຄື ອຳນາດການປົກຄອງບ້ານສືບຕໍ່ ປັບປຸງບັນດາອົງການຈັດຕັ້ງຂັ້ນ ບ້ານໃຫ້ນັບມື້ມີຄວາມເຂັ້ມແຂງ, ເປັນເຈົ້າການປະກອບສ່ວນເຮັດ ໜ້າທີ່ປ້ອງກັນຊາດ-ປ້ອງກັນ ຄວາມສະຫງົບໃຫ້ມີຄວາມໜັກ ແໜ້ນທາງດ້ານການເມືອງ ແລະ ເຂັ້ມແຂງດ້ານການຈັດຕັ້ງ, ເພີ່ມ ທະວີຄວາມສາມັກຄີພາຍໃນໃຫ້ ເປັນປຶກແຜ່ນແໜ້ນໜາ, ສືບຕໍ່ປັບ ປຸງ ແລະ ຮັກສາມູນເຊື້ອອັນດີງາມ ຂອງບ້ານໄວ້ໃຫ້ໝັ້ນຄົງຕະຫຼອດ ໄປ. ໂດຍ: ທະນູວັນ

news to day and hot news