ວັນອັງຄານ, ວັນທີ 08 ກໍລະກົດ 2025
ຝຣັ່ງ ຈັດກອງປະຊຸມມະຫາສະໝຸດຂອງ ສປຊ ຄັ້ງທີ 3
ເວລາອອກຂ່າວ: 2025-06-12 09:09:47 | ຜູ້ຂຽນ : admin3 | ຈຳນວນຄົນເຂົ້າຊົມ: 185 | ຄວາມນິຍົມ: 
ສຳນັກຂ່າວ ຫວຽດນາມ ລາຍງານໃນວັນທີ 11 ມິຖຸນາ 2025 ວ່າ: ກອງປະຊຸມມະຫາສະໝຸດຂອງສະຫະປະຊາຊາດ (ສປຊ) ຄັ້ງທີ 3 ໄດ້ໄຂຂຶ້ນ ໃນວັນທີ 9 ມິຖຸນາ ຢູ່ ປະເທດ ຝຣັ່ງ ດ້ວຍຫົວຂໍ້ “ຍູ້ໄວການກະທຳ ແລະ ລະດົມບັນດາຝ່າຍຕ່າງໆເຂົ້າຮ່ວມການອະນຸລັກຮັກສາ ແລະ ນຳໃຊ້ ມະຫາສະໝຸດແບບຍືນ ຍົງ”, ເຊິ່ງແມ່ນຫົວຂໍ້ທີ່ກວ້າງຂວາງ ແລະ ມີຄວາມເປັນຫຼາກຫຼາຍຮູບແບບ ແລະ ລ້ວນແຕ່ແມ່ນບັນດາບັນຫາ ເຊິ່ງປະຊາຄົມ ສາກົນ ພວມປະເຊີນໜ້າ ແລະ ຕ້ອງຊຸກຍູ້ຮ່ວມມື.
ໃນນັ້ນ ບຸລິມະສິດ ແຖວໜ້າ ແມ່ນການຍູ້ໄວ ວິວັດການໃຫ້ສັດຕະຍາບັນ ສັນຍາກ່ຽວກັບການອະນຸລັກຮັກສາ ແລະ ນຳໃຊ້ ຊີວະນາໆພັນ ແບບຍືນຍົງ ຢູ່ ບໍລິເວນ ບໍ່ຂຶ້ນກັບ ສິດອຳນາດສານ ແຫ່ງຊາດ ຫຼືຍັງເອີ້ນວ່າ ສົນທິ ສັນຍາ ກ່ຽວກັບທະເລ. ກອງປະຊຸມຄັ້ງ ນີ້ ໄດ້ສຸມໃສ່ບັນຫາປົກປ້ອງ ສິ່ງມີຊີວິດຢູ່ທະເລ (Plankton). ສຳລັບບັນດາສິ່ງມີຊີວິດດັ່ງກ່າວ, ມະນຸດບໍ່ສາມາດເຫັນໄດ້ດ້ວຍ ຕາແບບທຳມະດາ, ແຕ່ພັດມີຄວາມຈຳເປັນໃຫ້ແກ່ຊີວິດ ຂອງສັດທະເລປະເພດຕ່າງໆ, ຮັບປະ ກັນລະບົບອາຫານໃຫ້ແກ່ມະນຸດ. ບັນດາສິ່ງມີຊີວິດດັ່ງກ່າວ ພວມປະເຊີນໜ້າກັບຄວາມສ່ຽງ ຖືກສູນພັນເມື່ອອຸນຫະພູມຂອງມະຫາສະໝຸດນັບມື້ນັບອຸນຂຶ້ນ.
ກອງປະຊຸມມະຫາສະໝຸດ ສະຫະປະຊາຊາດ ຄັ້ງທີ 3 ຈະແມ່ນໂອກາດເພື່ອໃຫ້ບັນດາການນຳໂລກ ປຶກສາຫາລື ແລະ ຊອກຫາມາດຕະການແກ້ໄຂ, ກໍຄື ໃຫ້ຄຳໝັ້ນສັນຍາ ຕໍ່ເລື່ອງອານຸລັກ ຮັກສາທະເລ ໃນຊຸມທົດສະວັດ ຈະມາເຖິງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
