ວັນເສົາ, ວັນທີ 07 ທັນວາ 2024
ສະຫາຍຫົວໜ້າກົມໃຫຍ່ເສນາທິການກອງທັບ ພົບປະໂອ້ລົມຄະນະພັກ - ຄະນະບັນຊາກອງພັນໃຫຍ່ 584
ເວລາອອກຂ່າວ: 2019-08-21 10:04:25 | ຜູ້ຂຽນ : admin2 | ຈຳນວນຄົນເຂົ້າຊົມ: 777 | ຄວາມນິຍົມ: 
ວັນທີ 14 ສິງຫານີ້, ສະ ຫາຍ ພົນໂທ ສຸວອນ ເລືອງບຸນມີ ກຳມະການສູນກາງພັກ, ຮອງ ລັດຖະມົນຕີກະຊວງປ້ອງກັນ ປະເທດ, ຫົວໜ້າກົມໃຫຍ່ເສນາ ທິການກອງທັບໄດ້ພົບປະໂອ້ ລົມຄະນະພັກ-ຄະນະບັນຊາ ກອງພັນໃຫຍ່ 584 ໃນໂອກາດ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ກົມກອງດັ່ງກ່າວ.
ໂອກາດນີ້ ສະຫາຍ ພົນໂທ ສຸວອນ ເລືອງບຸນມີ ກໍໄດ້ເນັ້ນ ໜັກ ແລະ ຮຽກຮ້ອງໃຫ້ຄະນະ ພັກ-ຄະນະບັນຊາກອງພັນໃຫຍ່ 584 ຈົ່ງຍົກສູງບົດບາດການນຳພາ ຂອງພັກ ກົດໝາຍຂອງລັດ ກົດລະບຽບຂອງກອງທັບວາງ ອອກຢ່າງເຂັ້ມງວດ ໂດຍສະ ເພາະປະຕິບັດຕາມ 4 ໜ້າທີ່ ໃຫຍ່ 26 ແຜນງານຂອງກະ ຊວງປ້ອງກັນປະເທດວາງອອກ ເພື່ອພ້ອມກັນເຮັດສຳເລັດໜ້າ ທີ່ໆການຈັດຕັ້ງຂັ້ນເທິງມອບ ໝາຍໃຫ້ເປັນຢ່າງດີ, ຄະນະພັກ- ຄະນະບັນຊາຕ້ອງກຳແໜ້ນຕໍ່ສະ ພາບການຂອງສາກົນ ແລະ ພາກ ພື້ນ, ເອົາໃຈໃສ່ສຶກສາອົບຮົມ ການເມືອງນຳພາແນວຄິດໃຫ້ ພະນັກງານ-ນັກຮົບພາຍໃນກົມ ກອງໄດ້ຮັບຮູ້ເຊື່ອມຊຶມກຳແໜ້ນ ກົດລະບຽບວິໄນຂອງກອງທັບ ວາງອອກຢ່າງເຂັ້ມງວດ ໂດຍ ສະເພາະ 7 ລະບອບ 18 ວຽກ ຮັບປະກັນໃຫ້ພະນັກງານ-ນັກ
ຮົບມີຄວາມຮູ້ຄວາມສາມາດໃນ ການຈັດຕັ້ງປະຕິບັດໜ້າທີ່ວິຊາ ສະເພາະໃຫ້ມີຄວາມສຳເລັດ ໂດຍພື້ນຖານ, ໃນຂົງເຂດວຽກ ງານວິຊາສະເພາະຂອງເຫຼົ່າ ຮົບຊ່າງແສງແມ່ນຮັບປະກັນ ໄດ້ 100%, ສຸມໃສ່ວຽກງານ ແກ້ໄຂຊີວິດການເປັນຢູ່ຂອງ ພະນັກງານ-ນັກຮົບພາຍໃນກົມ ກອງໃຫ້ດີຂຶ້ນເທື່ອລະກ້າວ, ປະ ສານສົມທົບກັບກຳລັງປ້ອງກັນ ຄວາມສະຫງົບພາຍໃນເມືອງ ເພື່ອຕິດຕາມສະພາບການ ຕ່າງໆ ໂດຍສະເພາະທາງດ້ານ ປະກົດການຫຍໍ້ທໍ້ທີ່ຈະເກີດຂຶ້ນ ພາຍໃນເມືອງ ຮັບປະກັນໃຫ້ມີ ຄວາມສະຫງົບ ແລະ ປອດໄພ, ສືບຕໍ່ຊີ້ນຳການຫັນລົງກໍ່ສ້າງ ຮາກຖານການເມືອງຕາມ 4
ເນື້ອໃນ 4 ຄາດໝາຍ ຕິດພັນ
ກັບວຽກງານ 3 ສ້າງ, ເອົາໃຈ
ໃສ່ຈັດຕັ້ງເຄື່ອນໄຫວປ້ອງກັນ ເວນຍາມໃນຂອບເຂດທີ່ກົມກອງ ຮັບຜິດຊອບໃຫ້ມີຄວາມສະຫງົບ 100%.
ໂອກາດດັ່ງກ່າວ ສະຫາຍ ພົນ ໂທ ສຸວອນ ເລືອງບຸນມີ ຫົວໜ້າ ກົມໃຫຍ່ເສນາທິການກອງທັບ ພ້ອມດ້ວຍຄະນະກໍໄດ້ລົງເຄື່ອນ ໄຫວພົບປະ ແລະ ໂອ້ລົມພະ ນັກງານກໍ່ສ້າງຮາກຖານການ ເມືອງຢູ່ຈຸດສຸມພັດທະນາບ້ານ ໜອງພູນໄຊເມືອງລ້ອງແຈ້ງ ແຂວງໄຊສົມບູນ, ໂດຍໄດ້ ຮັບຟັງການລາຍງານໂດຍຫຍໍ້ ໃນການຈັດຕັ້ງປະຕິບັດເຄື່ອນ ໄຫວເຮັດໜ້າກໍ່ສ້າງຮາກຖານ ການເມືອງພັດທະນາຢູ່ຈຸດສຸມ ບ້ານໜອງພູນໄຊໃນໄລຍະທີ່ ຜ່ານມາມີທັງຂໍ້ສະດວກ ແລະ ຂໍ້ຫຍຸ້ງຍາກ, ເປັນຕົ້ນເອົາໃຈໃສ່ ສຶກສາອົບຮົມການເມືອງນຳພາ ແນວຄິດໃຫ້ພໍ່ແມ່ປະຊາຊົນບັນ ດາເຜົ່າເຂົ້າໃຈແຈ້ງຕໍ່ແນວທາງ ນະໂຍບາຍຂອງພັກ-ລັດ, ຮູ້ຈັກ
ກົດລະບຽບກົດໝາຍບ້ານເມືອງ, ມີສະຕິລະວັງຕົວສູງ ປະກອບ
ສ່ວນວຽກງານປ້ອງກັນຊາດ-
ປ້ອງກັນຄວາມສະຫງົບເຮັດໃຫ້ ປະຊາຊົນມີແນວຄິດອຸ່ນອຽນ ທຸ່ນທ່ຽງເຊື່ອໝັ້ນຕໍ່ການນຳພາ ຂອງພັກ-ລັດ, ມີຄວາມສາມັກ ຄີຊ່ວຍເຫຼືອເຊິ່ງກັນ ແລະ ກັນ ມີຄວາມຈົງຮັກພັກດີ, ຮັກບ້ານ ເກີດເມືອງນອນຂອງຕົນ.
ໂດຍ: ແສງສຸລີ ພົມມະຈັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
