POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 13 ພະຈິກ 2025

ກ້ອນເຫຼົ່າຮົບປືນໃຫຍ່ໜ້າດິນ ຕັ້ງໜ້າຫັດແອບ ສວນສະໜາມຢ່າງເປັນຂະບວນຟົດຟື້ນ
ເວລາອອກຂ່າວ: 2025-10-09 10:05:44 | ຜູ້ຂຽນ : admin3 | ຈຳນວນຄົນເຂົ້າຊົມ: 350 | ຄວາມນິຍົມ:

ກອງພັນໃຫຍ່ 605 ເປັນກົມກອງໜຶ່ງ ໄດ້ຮັບມອບໝາຍໜ້າທີ່ ເປັນກ້ອນເຫຼົ່າຮົບປືນໃຫຍ່ໜ້າດິນເຂົ້າຮ່ວມເດີນຂະບວນສວນສະໜາມຂອງກຳລັງປ້ອງກັນຊາດ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ, ພາຍຫຼັງໄດ້ຮັບຄຳສັ່ງຈາກກະຊວງປ້ອງກັນປະເທດ ກໍຄື ກົມປືນໃຫຍ່ໜ້າດິນກົມກອງຈຶ່ງໄດ້ຈັດຕັ້ງກຳລັງສຸມໃສ່ການຫັດແອບສວນສະໜາມຢ່າງຕັ້ງ ໜ້າ ແລະ ເປັນຂະບວນຟົດຟື້ນຕໍ່ ເນື່ອງ ເພື່ອຮັບປະກັນໃຫ້ມີຄວາມເປັນເອກະພາບທາງດ້ານຈັງ ຫວະ, ບາດກ້າວການເຄື່ອນເໜັງ ແລະ ມີຄວາມເຂັ້ມແຂງທາງດ້ານພາລະກຳລັງ. ສະຫາຍ ພັນໂທ ວົງເດືອນ ແກ້ວມະນີ ຫົວໜ້າການທະຫານ ກອງພັນໃຫຍ່ 605, ຄະນະຮັບຜິດຊອບຊີ້ນຳກ້ອນສວນສະໜາມ ເຫຼົ່າຮົບປືນໃຫຍ່ໜ້າດິນ ໄດ້ໃຫ້ສຳພາດວ່າ: ກ້ອນເຫຼົ່າຮົບປືນໃຫຍ່ໜ້າດິນມີຈຳນວນພົນເຂົ້າຮ່ວມຫັດແອບສວນສະໜາມຕົວຈິງ 122 ສະຫາຍ, ສຳຮອງ 13 ສະຫາຍ, ພາກສ່ວນຮັບໃຊ້ຮັບປະກັນ 13 ສະຫາຍ, ຄູເຝິກ 5 ສະຫາຍ, ຄະນະຊີ້ນຳລວມ 2 ສະຫາຍ, ລວມທັງໝົດ 155 ສະຫາຍ, ຜ່ານການຫັດແອບມາ ໄດ້ໄລຍະໜຶ່ງ ເຫັນວ່າມີຄວາມ ພ້ອມທາງດ້ານພາຫະນະ, ສະ ຖານທີ່ເຝິກຊ້ອມ ແລະ ພັກເຊົາ, ສຳລັບການເຝິກຊ້ອມເບື້ອງຕົ້ນ ໄດ້ເອົາໃຈໃສ່ຈັດຕັ້ງຫັດແອບ ທາງດ້ານຈັງຫວະບຸກຄົນ, ລະ ບຽບວິໄນ, ໂດຍໃຊ້ເຊືອກຟາງ ຫັດແອບບຸກຄົນຄົງທີ່ ແລະ ເຄື່ອນທີ່ ຕາມຕາຕະລາງທີ່ກົມໃຫຍ່ເສ ນາທິການກອງທັບວາງອອກ, ສ່ວນໄລຍະຕໍ່ໄປ ແມ່ນຈະໄດ້ຈັດຕັ້ງຫັດແອບການເຄື່ອນທີ່ປະສານກ້ອນລວມໝູ່ ຢູ່ວິທະຍາຄານ ນາຍທະຫານບົກ ກົມມະດຳ ແລະ ຢູ່ເດີ່ນສະໜາມຫຼວງ ເພື່ອຮັບປະກັນໃຫ້ມີຄວາມເປັນລະ ບຽບຮຽບຮ້ອຍ, ຈົບງາມ, ມາຮອດປັດຈຸບັນສາມາດຮັບປະກັນໄດ້ 70-80%. ສະຫາຍ ຮ້ອຍເອກ ອານຸພົນ ດວງພະຈັນ ຫົວໜ້າກ້ອນເຫຼົ່າຮົບປືນໃຫຍ່ໜ້າດິນໄດ້ໃຫ້ຮູ້ວ່າ: ພາຍຫຼັງທີ່ຄະນະພັກ-ຄະນະບັນຊາໄດ້ແຕ່ງຕັ້ງ ແລະ ມອບໝາຍ ໜ້າທີ່ແລ້ວ ໄດ້ຈັດຕັ້ງກຳລັງເລີ່ມຫັດແອບຕາມລະບຽບຫຼັກການຕ່າງໆ ເລີ່ມແຕ່ວັນຈັນເຖິງວັນອາທິດ, ຫັດແອບທັງເຊົ້າ ແລະ ແລງ ພ້ອມນີ້, ຍັງຮຽກຮ້ອງໃຫ້ພະນັກງານ-ນັກຮົບ ກ້ອນເຫຼົ່າຮົບປືນໃຫຍ່ໜ້າດິນ ຈົ່ງພ້ອມກັນ ຍົກສູງຄວາມຮັບຜິດຊອບໜ້າ ທີ່ການເມືອງຂອງຕົນ ເຂົ້າໃນການຈັດຕັ້ງປະຕິບັດແຜນການເຝິກຊ້ອມ, ເອົາໃຈໃສ່ກຳແໜ້ນດ້ານຫຼັກການ, ການເຄື່ອນເໜັງ ເຕັກນິກຈັງຫວະຕ່າງໆ ໃຫ້ຖືກຕ້ອງ ແລະ ຄົບຖ້ວນ ທັງຮັບປະກັນໄດ້ຄວາມປອດໄພ ແລະ ຄວາມເປັນລະບຽບຈົບງາມ. ສະຫາຍ ຮ້ອຍເອກ ສົມປອງ ໄຊຍະເວດ ພະນັກງານເຂົ້າຮ່ວມສວນສະໜາມກ້ອນເຫຼົ່າຮົບປືນໃຫຍ່ໜ້າດິນ ໄດ້ຕາງໜ້າໃຫ້ພະ ນັກງານ-ນັກຮົບສະແດງຄວາມ ຮູ້ສຶກພາກພູມໃຈ ທີ່ໄດ້ເຂົ້າຮ່ວມ ເດີນສວນສະໜາມສະເຫຼີມສະ ຫຼອງ ວັນສະຖາປະນາ ສປປ ລາວ ຄົບຮອບ 50 ປີ, ພາຍຫຼັງໄດ້ຮັບການຄັດເລືອກໄດ້ກຽມພ້ອມທາງດ້ານສຸຂະພາບ, ລະບຽບວິໄນ, ການເຂົ້າສູນເຝິກຊ້ອມ, ເຊິ່ງປັດຈຸບັນພະນັກງານ-ນັກຮົບ ກ້ອນກຳລັງເຫຼົ່າຮົບປືນໃຫຍ່ໜ້າດິນມີຄວາມສາມັກຄີ, ມີຄວາມຫ້າວຫັນໃນການເຝິກຊ້ອມເປັນຢ່າງດີ, ພ້ອມໃຫ້ຄຳໝັ້ນສັນ ຍາວ່າ ໃນໄລຍະເຂົ້າເດີນກ້ອນ ສວນສະໜາມ ໃນມື້ສຳຄັນດັ່ງກ່າວ ຈະຮັບປະກັນໄດ້ຄວາມພ້ອມ ທາງດ້ານຈັງຫວະທ່າທາງສີໜ້າ ໃຫ້ມີຄວາມເປັນລະບຽບຈົບ ງາມ. ສະຫາຍ ພັນໂທ ວົງເດືອນ ແກ້ວມະນີ ຍັງໄດ້ຮຽກຮ້ອງມາຍັງຄະນະຮັບຜິດຊອບ ຕະຫຼອດຮອດກ້ອນກຳລັງທຸກສະຫາຍ ຈົ່ງພ້ອມກັນຍົກສູງຄວາມຮັບ ຜິດຊອບຂອງຕົນ ເຂົ້າໃນການຈັດຕັ້ງປະຕິບັດແຜນການຫັດແອບ, ເອົາໃຈໃສ່ກຳແໜ້ນດ້ານຫຼັກການ, ການເຄື່ອນເໜັງເຕັກນິກ, ຈັງຫວະຕ່າງໆໃຫ້ຖືກຕ້ອງ ແລະ ຄົບຖ້ວນ ທັງຮັບປະກັນໄດ້ຄວາມປອດໄພ ແລະ ຄວາມເປັນລະບຽບຈົບງາມ ເພື່ອເຮັດ ໃຫ້ການເດີນຂະບວນສວນສະໜາມ ສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ ມີບັນຍາກາດຟົດຟື້ນ, ກວ້າງຂວາງ ແລະ ມີຄວາມໝາຍຄວາມສຳຄັນ. ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 50 ປີທີຈະມາເຖິງນີ້, ຕາງໜ້າໃຫ້ຄະນະພັກ-ຄະນະບັນຊາ, ພະນັກງານ-ນັກຮົບທຸກ ສະຫາຍ ຂໍອວຍພອນໄຊອັນປະ ເສີດໃຫ້ການນຳພັກ-ລັດ, ຄະນະນຳກະຊວງປ້ອງກັນປະເທດ ຈົ່ງມີສຸຂະພາບເຂັ້ມແຂງ, ສືບຕໍ່ຊີ້ ນຳ-ນຳພາປະເທດຊາດໃຫ້ຈະ ເລີນຮຸ່ງເຮືອງ ແລະ ຊີ້ນຳ-ນຳພາກອງທັບ ໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ. ໂດຍ: ແສງເດືອນ

news to day and hot news