ວັນພະຫັດ, ວັນທີ 11 ທັນວາ 2025
ພະແນກຊາວໜຸ່ມ ທະຫານແຂວງຫຼວງພະບາງ ໄດ້ຮັບທຸງໄຊນຳໜ້າ ຂະບວນການແຂ່ງຂັນ 4 ບຸກ
ເວລາອອກຂ່າວ: 2025-11-18 08:56:20 | ຜູ້ຂຽນ : admin1 | ຈຳນວນຄົນເຂົ້າຊົມ: 437 | ຄວາມນິຍົມ: 
ພິທີມອບ-ຮັບ ທຸງໄຊນຳໜ້າ ຂະບວນການແຂ່ງຂັນ 4 ບຸກ ປະຈຳປີ 2022-2024 ຄັ້ງທີ I ໃຫ້ພະແນກຊາວໜຸ່ມ ກອງບັນຊາການທະຫານແຂວງຫຼວງພະບາງ ໄດ້ຈັດຂຶ້ນໃນຕອນເຊົ້າວັນທີ 13 ພະຈິກ 2025 ນີ້, ໂດຍການເປັນປະທານຂອງ ສະຫາຍ ປອ ສົມໃຈ ຢ່າທໍ່ຕູ້ ຮອງເລຂາຄະນະບໍລິຫານງານຊາວໜຸ່ມແຂວງ, ມີ ສະຫາຍ ພັນຕີ ສົມນຶກ ວິໄຊ ຫົວໜ້າພະແນກຊາວໜຸ່ມທະ ຫານແຂວງ, ມີຄະນະພັກ-ຄະນະບັນຊາອົງການ 5 ຫ້ອງ, ມີຄະນະບໍລິຫານງານຊາວໜຸ່ມແຂວງ, ເລຂາຮາກຖານຊາວໜຸ່ມອ້ອມຂ້າງກອງບັນຊາການເຂົ້າຮ່ວມ.
ສະຫາຍ ພັນຕີ ສົມນຶກ ວິໄຊ ໄດ້ຜ່ານບົດສະຫຼຸບຫຍໍ້ການຈັດ ຕັ້ງປະຕິບັດຂະບວນການແຂ່ງ ຂັນ 4 ບຸກ ໄລຍະ 3 ປີຜ່ານມາໄດ້ໃຫ້ຮູ້ວ່າ: ພະແນກຊາວໜຸ່ມ ທະຫານແຂວງຫຼວງພະບາງ ປະກອບມີ 24 ໜ່ວຍ, ມີຄະນະ ບໍລິຫານງານຊາວໜຸ່ມ 3 ກອງ ພັນນ້ອຍ, 1 ໂຮງຮຽນການ ທະຫານທ້ອງຖິ່ນ, ໃນນີ້ມີຄະ ນະບໍລິຫານງານຊາວໜຸ່ມ 26 ສະຫາຍ, ມີຄະນະໜ່ວຍ 60 ສະຫາຍ, ຍິງ 4 ສະຫາຍ, ມີສະມາ ຊິກທັງໝົດ 1.347 ສະຫາຍ, ຍິງ 165 ສະຫາຍ. ພະແນກຊາວໜຸ່ມຫ້ອງການເມືອງ ທະຫານແຂວງຫຼວງພະບາງ ໄດ້ຢຶດໝັ້ນທັດສະນະຂອງພັກ, ຖືເອົາການສຶກສາອົບຮົມການເມືອງ-ແນວຄິດເປັນສຳຄັນ, ໂດຍສອດຫ້ອຍເຂົ້າທຸກຂົງເຂດວຽກງານ ຕິດພັນກັບການລົງຊຸກຍູ້, ປຸກລະດົມ ແລະ ສ້າງເງື່ອນໄຂໃຫ້ສະມາຊິກຊາວໜຸ່ມ, ເຍົາວະຊົນໄດ້ຮໍ່າຮຽນແນວທາງນະໂຍບາຍຂອງພັກ, ມະຕິ, ຄຳສັ່ງ, ລະບຽບກົດໝາຍ ແລະ ນິຕິກຳຕ່າງໆ ດ້ວຍຫຼາຍຮູບການ, ເປັນຕົ້ນແມ່ນ: ເຜີຍແຜ່ເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມຢ່າງທົ່ວເຖິງ ເຮັດໃຫ້ສະມາຊິກຊາວໜຸ່ມມີຄວາມເຂົ້າ ໃຈຕໍ່ແນວທາງຂອງພັກ, ເຄົາລົບກົດໝາຍຂອງລັດ ແລະ ລະບຽບວິໄນຂອງກອງທັບຢ່າງເຂັ້ມງວດ ພ້ອມກັນຈັດຕັ້ງປະຕິບັດຕໍ່ຂໍ້ແຂ່ງຂັນຂອງຕົນຢ່າງເປັນຂະບວນການຟົດຟື້ນ, ສາມາດຕີລາຄາການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໄດ້ເຖິງ 95%.
ໂອກາດດຽວກັນນີ້ ສະຫາຍ ສຸບັນຄິດ ເພັດພົງພັນ ຄະນະບໍ ລິຫານງານຊາວໜຸ່ມແຂວງ ກໍໄດ້ຜ່ານຂໍ້ຕົກລົງຂອງຄະນະບໍ ລິຫານງານຊາວໜຸ່ມ ປະຊາຊົນ ປະຕິວັດລາວ ແຂວງຫຼວງພະບາງ ວ່າດ້ວຍການອະນຸມັດທຸງ ໄຊນຳໜ້າຂະບວນການແຂ່ງຂັນ 4 ບຸກ ໃຫ້ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານ ພະແນກຊາວໜຸ່ມກອງບັນຊາການທະຫານ ແຂວງຫຼວງພະບາງ ແລະ ຜ່ານຂໍ້ຕົກລົງ ວ່າດ້ວຍການມອບໃບຍ້ອງຍໍໃຫ້ບຸກຄົນທີ່ມີຜົນງານດີເດັ່ນ ຈຳນວນ 1.364 ໃບ, ໃນພິທີຍັງໄດ້ ມອບ-ຮັບ ທຸງໄຊ ແລະ ມອບໃບຍ້ອງຍໍຢ່າງສົມກຽດ.
ຂ່າວ: ບຸນເພັງ ວົງແກ້ວມະນີ
ພາບ: ທອງລິດ ແກ້ວທຸມມາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
