POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ທາງການທະຄອນຫຼວງວຽງຈັນ ໃຊ້ມາດຕະການເຂັ້ມງວດຕ້ານການຄ້າມະນຸດ
ເວລາອອກຂ່າວ: 2019-12-18 09:34:03 | ຜູ້ຂຽນ : admin3 | ຈຳນວນຄົນເຂົ້າຊົມ: 134 | ຄວາມນິຍົມ:

ຫວ່າງບໍ່ ດົນມານີ້, ຄະນະ ກຳມະການຕ້ານການ ຄ້າມະນຸດ ນະຄອນຫຼວງວຽງຈັນ ໄດ້ກວດ ພົບຮ້ານຄ້າ-ຂາຍປະເວນີ 105 ຮ້ານ ໃນນັ້ນລວມມີທັງໂຮງ ແຮມ, ເຮືອນພັກ, ຮ້ານອາຫານ-ຮ້ານ ກິນດື່ມ ແລະ ພື້ນທີ່ສັບສົນ, ເຊິ່ງ ເດັ່ນກວ່າໝູ່ແມ່ນຮ້ານອາ ຫານ-ຮ້ານກິນດື່ມກວມເອົາ 80 ກວ່າຮ້ານທົ່ວນະຄອນຫຼວງ ວຽງຈັນ, ພັນໂທ ສຸລິວັນ ລາດຊະ ວົງ ຫົວໜ້າຫ້ອງຕຳຫຼວດ ຫົວໜ້າ ຄະນະກຳມະການ ຕ້ານການຄ້າ ມະນຸດນະຄອນຫຼວງວຽງຈັນ ໄດ້ລາຍງານຕໍ່ກອງປະຊຸມ ການຕິດຕາມກວດກາ ແລະ ການຈັດຕັ້ງການເຄື່ອນໄຫວວຽກ ງານຄ້າມະນຸດ ປະຈຳປີ2019 ທີ່ຈັດຂຶ້ນໃນວັນ ທີ 4 ທັນວາ ວ່າ: ໄລຍະຜ່ານມາ, ການເກັບກຳ ສະຖິຕິກ່ຽວກັບວຽກງານການ ຄ້າ-ຂາຍປະເວນີໃນນະຄອນ ຫຼວງວຽງຈັນຢູ່ບັນດາສະຖານ ທີ່ຕ່າງໆທີ່ເປັນຈຸດຫຼໍ່ແຫຼມເປັນຕົ້ນແມ່ນໂຮງແຮມ, ເຮືອນພັກ ຮ້ານກິນດື່ມ-ບັນເທິງຕ່າງໆ ພົບ ວ່າ: ທົ່ວນະຄອນຫຼວງວຽງຈັນສາ ມາດກວດພົບຮ້ານອາຫານ-ຮ້ານ ກິນດຶ່ມທີ່ມີການຄ້າຂາຍປະເວນີ 82 ຮ້ານ, ໂຮງແຮມ 16 ແຫ່ງ, ຮ້ານຄາຣາໂອເກະ 3 ຮ້ານ, ເຮືອນ ພັກ 2 ຫຼັງ ແລະ ຮ້ານເສີມສວຍ- ກາເຟຈຳນວນ 2 ຮ້ານ, ນອກນີ້, ຍັງມີພື້ນທີ່ສັບສົນຈຳນວນ 9 ຈຸດ, ໂດຍສະເພາະເສັ້ນທາງ 450 ປີ, ເຂດບ້ານໜອງບຶກ, ບ້ານໂຊກ ນ້ອຍ, ບ້ານໂພນປ່າເປົ້າ ແລະ ອື່ນໆ ເຊິ່ງໃນຈຳນວນດັ່ງກ່າວໄດ້ ເຮັດບົດບັນທຶກ-ສຶກສາອົບຮົມກັບ ຜູ້ຄ້າປະເວນີຈຳນວນ 82 ຄົນເປັນ ຄົນຫວຽດນາມ 21 ຄົນ, ຜູ້ຂາຍ ປະເວນີ 357 ຄົນເປັນຄົນຫວຽດ ນາມ 36 ຄົນ, ສຶກສາອົບຮົມຜູ້ທີ່ ມີຄວາມສ່ຽງຕົກເປັນເຫຍື່ອການ ຄ້າມະນຸດຈຳນວນ 45 ຄົນ, ທ່ານ ພັນໂທ ສຸລິວັນ ລາດຊະວົງ ຍັງໃຫ້ ຮູ້ຕື່ມອີກວ່າ: ໄລຍະປີ 2012 ຫາ 2019 ໄດ້ດຳເນີນຄະດີຄ້າມະນຸດ ທັງໝົດ 13 ເລື່ອງ, ໃນນັ້ນ, ສົ່ງ ໄອຍະການຈຳນວນ 9 ເລື່ອງ, ໂຈະການດຳເນີນ 4 ເລື່ອງ, ຜູ້ຖືກ ເຄາະຮ້າຍມີ 25 ຄົນ, ຕໍ່າກວ່າ 18 ປີຈຳນວນ 16 ຄົນ, ຜູ້ຖືກຫາ ມີ 13 ຄົນ, ຍິງ 10 ຄົນ ແລະ ກຳ ລັງດຳເນີນຄະດີຄ້າ-ຂາຍປະເວນີ 6 ເລື່ອງ. ກອງປະຊຸມດັ່ງກ່າວ, ເຂົ້າ ຮ່ວມໂດຍທ່ານ ຄຳລາວັນ ຈັນ ທະລາ ຮອງລັດຖະລັດມົນຕີ ຮອງຫ້ອງວ່າການສຳນັກງານນາ ຍົກລັດຖະມົນຕີຄະນະກຳມະການ ຕ້ານການຄ້າມະນຸດລະດັບຊາດ ແລະ ທ່ານ ສີຫຸນ ສິດທິລືໄຊ ຮອງ ເຈົ້າຄອງນະຄອນຫຼວງວຽງຈັນ ປະທານຄະນະກຳມະການຕ້ານ ການຄ້າມະນຸດນະຄອນຫຼວງ ວຽງຈັນ ພ້ອມດ້ວຍພາກສ່ວນ ກ່ຽວຂ້ອງ.

news to day and hot news