POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ເອັດສຊີຈີ ມອບທຶນຊຸກຍູ້ການສຶກສາໂຄງການແບ່ງປັນຄວາມໃຝ່ຝັນໃຫ້ກັບ ສປປ ລາວ
ເວລາອອກຂ່າວ: 2019-12-19 09:46:36 | ຜູ້ຂຽນ : admin3 | ຈຳນວນຄົນເຂົ້າຊົມ: 159 | ຄວາມນິຍົມ:

ວັນທີ 17 ທັນວາ 2019, ບໍລິສັດ ເອັດສຊີຈີ ຮ່ວມກັບກະ ຊວງສຶກສາທິການ ແລະ ກີລາ ແລະ ສະມາຄົມຮ່ວມນໍ້າໃຈກັບ ເດັກນ້ອຍລາວ ໄດ້ຈັດພິທີມອບ ທຶນຊຸກຍູ້ການສຶກສາໂຄງການ ແບ່ງປັນຄວາມໃຝ່ຝັນກັບເອັດສ ຊີຈີ ຫຼື (SCG Sharing the Dream), ຢູ່ທີ່ສູນກີລາລາວ- ຍີ່ປຸ່ນ ບູໂດເຊັນເຕີ, ນະຄອນຫຼວງ ວຽງຈັນ, ໂດຍການເຂົ້າຮ່ວມ ຂອງ ທ່ານ ນາງ ດາລາວອນ ກິດ ຕິພັນ ຮັກສາການຫົວໜ້າຫ້ອງ ການກະຊວງສຶກສາ ແລະ ກີລາ, ທ່ານ ພູທອນ ແສງດາວົງ ຮອງຫົວ ໜ້າພະແນກສຶກສາທິການ ແລະ ກີລາ ນະຄອນ ຫຼວງວຽງຈັນ, ທ່ານ ວິໂຣດ ຣັດຕະນະໄຊສິດ ຫົວໜ້າ ຝ່າຍຈຳໜ່າຍ ແລະ ທຸລະກິດຂາຍ ຍ່ອຍ(Head of Distribution and Retail Business) ຂອງ ບໍລິສັດ ເອັດສຊີຈີ ຊີມັງ- ຜະ ລິດຕະພັນກໍ່ສ້າງ, ພ້ອມບັນດາ ຄູ-ອາຈານ, ນ້ອງນັກຮຽນ ແລະ ພາກສ່ວນກ່ຽວຂ້ອງເຂົ້າຮ່ວມ. ທ່ານ ນາງ ດາລາວອນ ກິດ ຕິພັນ ໄດ້ກ່າວສະແດງຄວາມ ຂອບໃຈທີ່ບໍລິສັດເອັດສຊີຈີ ໄດ້ ສະໜັບສະໜູນໃຫ້ມີໂຄງການດີໆ ແບບນີ້ເຊິ່ງ ເປັນປີທີ 8 ທີ່ສະໜັບ ສະໜູນນັກຮຽນໃນ ສປປ ລາວ ແລະ ຍ້ອງຍໍຊົມເຊີຍຜູ້ອໍານວຍ ການ ໂຮງຮຽນ, ຄູ-ອາຈານທີ່ໄດ້ ເອົາໃຈໃສ່ ປະຕິບັດໜ້າທີ່ຂອງຕົນ ໃຫ້ດີຂຶ້ນເລື້ອຍໆ ເພື່ອບັນລຸຜົນ ສໍາເລັດໃນການຈັດຕັ້ງປະຕິບັດ ແຜນພັດທະນາການສຶກສາໃຫ້ ມີການພັດທະນາທີ່ມີຄຸນນະພາບ ດີຂຶ້ນຕາມນະໂຍບາຍຂອງກະ ຊວງສຶກສາທິການ ແລະ ກີລາ ມາໂດຍຕະຫຼອດ, ລວມເຖິງ ຄວາມຕັ້ງໃຈຂອງນ້ອງໆ ນັກຮຽນ ແລະ ເຮັດຄວາມດີຕະຫຼອດໄປ. ໂອກາດນີ້ ທ່ານ ວິໂຣດ ຣັດຕະ ນະໄຊສິດ ໄດ້ກ່າວວ່າ: ເອັດສ ຊີຈີ ເຊື່ອວ່າປະເທດຊາດຈະເຂັ້ມ ແຂງໄດ້ກໍຕ້ອງເລີ່ມຈາກຄົນ ທີ່ມີຄຸນນະພາບ ເຊິ່ງບໍ່ໄດ້ໝາຍ ເຖິງແຕ່ຄົນເກັ່ງ ຫຼື ຄົນທີ່ມີ ຄວາມສາມາດຢ່າງດຽວເທົ່ານັ້ນ ແຕ່ຕ້ອງເປັນຄົນດີ, ກະຕັນຍູຕໍ່ ຄອບຄົວ, ຕໍ່ຊຸມຊົນ, ຕໍ່ສັງຄົມ ແລະ ຕົນເອງ. ນອກນັ້ນ ເອັດສຊີຈີ ໄດ້ ເຫັນຄວາມສໍາຄັນຂອງຄວາມ ໃຝ່ຝັນ ແລະ ຄວາມມຸ່ງໝັ້ນຢາກ ເຊີນຊວນໃຫ້ນ້ອງໆທຸກຄົນຮ່ວມ ຈຸດປະກາຍຄວາມໃຝ່ຝັນ ແລະ ຄວາມມຸ່ງໝັ້ນສູ່ຄວາມສຳເລັດ ໃນອະນາຄົດ ແລະ ສະແດງໃຫ້ ເຫັນວ່າຄວາມໃຝ່ຝັນຄືພະລັງ ສຳຄັນທີ່ເປັນຈຸດເລີ່ມຕົ້ນໄປສູ່ ການພັດທະນາສັງຄົມ ແລະ ປະ ເທດຊາດໃຫ້ກ້າວໜ້າຕໍ່ໄປໃນອະ ນາຄົດ. ໂຄງການດັ່ງກ່າວນີ້ໄດ້ດຳ ເນີນເປັນເວລາ 8 ປີມາແລ້ວ ແລະ ປີນີ້ ໄດ້ມອບທຶນການສຶກ ສາລະດັບມັດທະຍົມຕອນປາຍ ລວມ 300 ທຶນ ສໍາລັບນະຄອນ ຫຼວງວຽງຈັນ ຈໍານວນ 160 ທຶນ, ແຂວງຄໍາມ່ວນ ຈໍານວນ 140 ທຶນ ແລະ ທຶນການສຶກ ສາລະດັບປະລິນຍາຕີ ຈໍານວນ 10 ທຶນ ຫຼັງຈາກທີ່ໄດ້ມອບທຶນລະດັບປະລິນຍາຕີ ໃນປີ 2018 ເປັນຄັ້ງທໍາອິດ ຈໍານວນ 10 ທຶນ ເຊິ່ງທຶນດັ່ງກ່າວຈະມຸ່ງເນັ້ນສະ ໜັບສະໜູນນັກສຶກສາທີ່ມີຄວາມ ໃຝ່ຝັນໃນການສໍາເລັດການສຶກ ສາ ແລະ ປະກອບອາຊີບ ເພື່ອ ເປັນກໍາລັງສໍາຄັນໃນການພັດ ທະນາປະເທດຕໍ່ໄປ, ເຊິ່ງ ເອັດສ ຊີຈີ ຈະສະໜັບສະໜູນຈົນຈົບ ການສຶກສາ. ນອກຈາກການສະ ໜັບສະໜູນດ້ານການເງິນແລ້ວ ຍັງມີກິດຈະກໍາ ເພື່ອພັດທະນາ ສັກກະຍາພາບ ແລະ ເສີມສ້າງ ຄຸນນະທໍາຕະຫຼອດໂຄງການອີກ ດ້ວຍ. ໂຄງການມອບທຶນການ ສຶກສາ SCG Sharing the Dream ເປັນໜຶ່ງ ໃນໂຄງການ ພັດທະນາສັກກະຍະພາບເຍົາ ວະຊົນໃນພາກພື້ນອາຊຽນ ຂອງ ເອັດສຊີຈີ ເຊິ່ງເປັນແນວທາງ ດຳເນີນກິດຈະກຳ ເພື່ອສັງຄົມທີ່ ເອັດສຊີຈີ ປະຕິບັດມາຢ່າງຕໍ່ ເນື່ອງຫຼາຍກວ່າ 100 ປີ. ທັງ ໝົດແມ່ນເພື່ອສົ່ງເສີມ ແລະ ເປັນ ກໍາລັງໃຈໃຫ້ເດັກດີ, ມີຄວາມກະ ຕັນຍູແຕ່ຂາດເຂີນດ້ານທຶນຮອນ ໄດ້ມີໂອກາດສຶກສາຮໍ່າຮຽນຕໍ່ ແລະ ນໍາຄວາມຮູ້ກັບມາພັດທະ ນາຊຸມຊົນ ແລະ ປະເທດຂອງຕົນ ປັດຈຸບັນໂຄງການໄດ້ມອບທຶນ ການສຶກສາ ໃຫ້ນັກຮຽນປີລະ ຫຼາຍກວ່າ 6.000 ຄົນທົ່ວພາກ ພື້ນອາຊຽນ. ໂດຍ: ແສງເດືອນ

news to day and hot news