POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກິດຈະກຳບໍລິຈາກເລືອດ ສະເຫຼີມສະຫຼອງວັນຊາດ
ເວລາອອກຂ່າວ: 2019-12-25 10:01:18 | ຜູ້ຂຽນ : admin3 | ຈຳນວນຄົນເຂົ້າຊົມ: 124 | ຄວາມນິຍົມ:

ວັນທີ 20 ທັນວາ ນີ້, ສູນ ກາງຊາວໜຸ່ມປະຊາຊົນ ປະຕິ ວັດລາວ (ສຊປລ) ຮ່ວມກັບອົງ ການກາແດງລາວ ໄດ້ສ້າງຂະ ບວນການບໍລິຈາກເລືອດ ເພື່ອ ສະເຫຼີມສະຫຼອງ ວັນຊາດທີ 2 ທັນວາ (2/12/1975-2/12/ 2019) ຄົບຮອບ 44 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ (13/12/1920-13/ 12/2019) ຄົບຮອບ 99 ປີ ຂຶ້ນຢູ່ທີ່ສູນການຄ້າລາວ-ໄອເຕັກ, ນະຄອນຫຼວງວຽງຈັນ (ນວ), ໂດຍການເຂົ້າຮ່ວມຂອງທ່ານ ບີຢ່າ ຢ່າທໍ່ຕູ້ ຄະນະບໍລິຫານງານ ພັກ ສຊປລ, ຄະນະເລຂາທິການ ສຊປລ, ຫົວໜ້າກົມພັດທະນາ ວິຊາຊີບ ສຊປລ, ທ່ານ ຄໍາຮຸ່ງ ເຮືອງວົງສີ ປະທານອົງການ ກາແດງລາວ, ມີບັນດາພະນັກ ງານ, ນັກຮຽນ-ນັກສຶກສາ ແລະ ມວນຊົນຊາວ ນວ ເຂົ້າຮ່ວມຢ່າງ ຫຼວງຫຼາຍ. ທ່ານ ບັນລິດ ປາທອງຈັນ ຮອງຫົວໜ້າກົມຂະບວນການ ຊາວໜຸ່ມ ສຊປລ ໄດ້ກ່າວວ່າ: ກິດຈະກໍາບໍລິຈາກເລືອດຄັ້ງນີ້ ເປັນຂະບວນການທີ່ມີເນື້ອໃນ ເພື່ອຊົມເຊີຍສອງວັນສໍາຄັນດັ່ງ ກ່າວ, ທັງເປັນການຈັດຕັ້ງຜັນ ຂະຫຍາຍແຜນພັດທະນາເສດ ຖະກິດ-ສັງຄົມແຫ່ງຊາດ ທີ່ຕິດ ພັນກັບການຈັດຕັ້ງປະຕິບັດ 7 ແຜນງານ, 40 ໂຄງການ ທີ່ຮັບຮອງໃນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VII (2016-2020) ໂດຍສະເພາະ ໂຄງການປູກຈິດສໍານຶກ ແລະ ໂຄງການໃຫ້ຄໍາປຶກສາ ເພື່ອປົກ ປ້ອງສິດ ແລະ ຜົນປະໂຫຍດອັນ ຊອບທໍາຂອງຊາວໜຸ່ມ-ເຍົາວະ ຊົນ ແລະ ເປັນອີກກິດຈະກໍາໜຶ່ງ ຂອງບຸນມະໂຫລານຊາວໜຸ່ມທີ່ ຈະໄດ້ຈັດຂຶ້ນໃນຕົ້ນປີ 2020 ນີ້ ອີກດ້ວຍ. ດັ່ງທີ່ຮັບຮູ້ນໍາກັນແລ້ວວ່າ ເລືອດມີຄວາມສໍາຄັນ ແລະ ຈໍາ ເປັນທີ່ສຸດຕໍ່ມະນຸດ, ເຊິ່ງໃນປັດ ຈຸບັນຍັງມີຫຼາຍຊີວິດຢູ່ໃນໂລກ, ເວົ້າສະເພາະກໍແມ່ນຢູ່ປະເທດ ລາວເຮົາ ທີ່ຈໍາເປັນຕ້ອງອາໄສ ການໃສ່ເລືອດ ເພື່ອຄວາມຢູ່ລອດ ຂອງຊີວິດ, ເມື່ອເປັນເຊັ່ນນັ້ນການ ປຸກລະດົມການບໍລິຈາກເລືອດ ແບບສະໝັກໃຈ ໂດຍບໍ່ຕ້ອງຮຽກ ຮ້ອງຜົນຕອບແທນເປັນຂະບວນ ການບໍລິຈາກເລືອດທີ່ເຕັມໄປ ດ້ວຍຄວາມເອື້ອອາດຫານ ແລະ ເປັນບຸນກຸສົນອັນຍິ່ງໃຫຍ່ຂອງ ຊາວໜຸ່ມທີ່ມີບົດບາດ ແລະ ຄວາມ ສໍາຄັນຫຼາຍຕໍ່ສັງຄົມ ເພື່ອຊ່ວຍ ເຫຼືອເພື່ອມະນຸດດ້ວຍກັນ. ຕາມ ສະຖິຕິການບໍລິຈາກເລືອດ ໃນ ໄລຍະຜ່ານມາ ເຫັນວ່າມີອາສາ ສະໝັກຊາວໜຸ່ມ ແມ່ນເປັນກໍາ ລັງແຮງໃນການບໍລິຈາກເລືອດທີ່ກວມເອົາຫຼາຍກວ່າເຄິ່ງໜຶ່ງຂອງການບໍລິຈາກເລືອດແຫ່ງ ຊາດໃນແຕ່ລະປີ, ຂະບວນການບໍລິຈາກເລືອດໄດ້ຊ່ວຍຊີວິດຄົນຫຼາຍລ້ານຄົນໃນແຕ່ລະປີ ແລະ ເລືອດໄດ້ສ້າງຮອຍຍິ້ມທີ່ມີຄວາມ ສຸກເທິງໃບໜ້າຂອງຜູ້ໄດ້ຮັບ ການປິ່ນປົວ, ການສົ່ງເລືອດໄດ້ຊ່ວຍໃຫ້ສຸຂະພາບຂອງຄົນເຈັບທີ່ໄດ້ຮັບຄວາມທໍລະມານຈາກພະຍາດຮ້າຍແຮງຕ່າງໆດີຂຶ້ນ, ຊ່ວຍໃຫ້ເຂົາເຈົ້າມີຊີວິດຍືນຍາວ ແລະ ມີຄຸນນະພາບຊີວິດດີຂຶ້ນ. ໂດຍ: ແສງເດືອນ

news to day and hot news