POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ຄະນະໂຄສະນາປ້ອງກັນຄວບຄຸມ ແລະ ແກ້ໄຂການລະບາດຂອງ ໂຄວິດ 19 ກະຊວງປ້ອງກັນປະເທດລົງເຜີຍແຜ່ເອກະສານຢູ່ກອງບັນຊາການທະຫານແຂວງວຽງຈັນ
ເວລາອອກຂ່າວ: 2020-05-09 15:01:59 | ຜູ້ຂຽນ : admin2 | ຈຳນວນຄົນເຂົ້າຊົມ: 328 | ຄວາມນິຍົມ:

ກອງປະຊຸມເຜີຍແຜ່ເອກະສານ ການປ້ອງກັນ, ຄວບຄຸມ ແລະ ແກ້ໄຂການແຜ່ລະ ບາດຂອງພະຍາດໂຄວິດ 19 ໄດ້ໄຂຂຶ້ນໃນຕອນເຊົ້າຂອງວັນທີ 07 ພຶດສະພາ 2020 ທີ່ ສະໂມສອນກອງບັນຊາການທະຫານແຂວງວຽງຈັນ ໂດຍພາຍໄຕ້ການເປັນປະທານຂອງ ສະຫາຍ ພັນເອກ ປ.ອ ດຣ ຈັນສະໝອນ ມະຫາວົງ ຫົວໜ້າການທະຫານວິທະຍາຄານການແພດກອງທັບ ທັງເປັນຫົວໜ້າຄະນະອະນຸກໍາມະການໂຄສະນາການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19, ເປັນກຽດເຂົ້າຮ່ວມ ມີ ສະຫາຍ ພົນຈັດຕະວາ ສາຍໃຈ ກົມມະສິດ ຫົວໜ້າການທະຫານ ກອງພົນທີ 1, ຄະນະພັກ-ຄະນະບັນຊາກອງບັນຊາການທະຫານແຂວງວຽງຈັນ, ກອງພັນໃຫຍ່ 497, ວິຊາການຂອງບັນດາກົມກອງອ້ອມຂ້າງເຂົ້າຮ່ວມ. ສະຫາຍ ຮ້ອຍໂທ ດຣ ນາງ ມະໄລວັນເລົ່າ ວິຊາການສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ໄດ້ຂຶ້ນເຜີຍແຜ່ເອກະສານ ແລະ ຊີ້ແຈງກ່ຽວກັບການແຜ່ລະ ບາດຂອງພະຍາດ ໂຄວິດ 19 ພ້ອມທັງອະທິບາຍໃຫ້ຄວາມຮູ້ຕໍ່ຜູ້ແທນກອງປະຊຸມ ເຊິ່ງໄດ້ຍົກໃຫ້ເຫັນສະພາບການແຜ່ລະບາດຢູ່ໃນທົ່ວໂລກທີ່ຍັງສືບຕໍ່ຮ້າຍແຮງ ແລະ ເພີ່ມຂື້ນເລື້ອຍໆ,ສະ ເພາະຢູ່ພາຍໃນປະເທດຂອງພວກເຮົາກໍ່ມີຜູ້ຕິດເຊື້ອສະສົມທັງໝົດ 19 ກໍລະນີ ແລະ ຈັດຢູ່ໃນລະດັບທີ່ 3 ຂອງການແຜ່ລະບາດ ນອກນັ້ນຍັງໄດ້ຍົກໃຫ້ເຫັນເຖີງທີ່ມາຂອງພະຍາດ ໂຄວິດ 19, ວິທີຕົ້ນຕໍໃນການ, ຄວບຄຸມການລະບາດ, ການກວດຫາເຊື້໋ອພະຍາດຢູ່ໃນກົມກອງຂອງຕົນໃຫ້ຖືກຕ້ອງຕາມຫຼັກການວິທະຍາສາດ ດໍາເນີນຢ່າງມີປະສິດທິຜົນ ພ້ອມທັງແນະນຳບາງວິທີການຕ່າງໆໃນການປ້ອງກັນຕົວເອງຄື: ໝັ່ນລ້າງມືໃສ່ສະບູເປັນປະຈໍາ ຫຼືເຈວລ້າງມືໃສ່ຜ້າອັດປາກ-ອັດດັງ ອະນາໄມທໍາຄວາມສະອາດບ່ອນພັກອາໃສ ເຝົ້າລະວັງຕິດຕາມຄຸ້ມຄອງປິ່ນປົວ ແລະ ແຍກປ່ຽວຄົນເຈັບທີ່ມີອາການສົງໃສຕາມກໍານົດ, ລີກລຽງການເອົາມືສໍາພັດຕາດັງປາກ, ເອົາໃຈໃສ່ໃນການກິນດື່ມ, ຜັກຜ່ອນໃຫ້ພຽງພໍ, ອອກກໍາລັງກາຍ, ກັກຕົນເອງໃນກໍລະນີເດີນທາງມາຈາກພື້ນທີ່ສ່ຽງ. ຈາກນັ້ນຜູ້ແທນກອງປະຊຸມໄດ້ພັດປ່ຽນກັນຂື້ນປະກອບຄຳຄິດຄຳເຫັນ ແລະ ສົນທະນາສອບຖາມບາງບັນຫາທີ່ຍັງບໍ່ທັນເຂົ້າໃຈ ທັງເປັນການແລກປ່ຽນຄວາມຮູ້ກັບ ນັກວິທະຍາກອນ ກ່ຽວກັບວິທີປ້ອງກັນ ແລະ ການກຽມພ້ອມຮັບມືກັບພະຍາດໂຄວິດ 19, ເພື່ອນຳໄປຈັດຕັ້ງປະຕິ ບັດໃຫ້ໄດ້ຮັບປະສິດທິຜົນສູງ. ໂອກາດດັ່ງກ່າວສະຫາຍ ປະທານ ຍັງໄດ້ເໜັ້ນໜັກອີກຫຼາຍບັນຫາທີ່ສໍາຄັນ ເປັນຕົ້ນແມ່ນໃຫ້ທຸກຄົນເອົາໃຈໃສ່ ແລະ ເປັນເຈົ້າການໃນການປ້ອງກັນພະ ຍາດໂຄວິດ 19 ເພື່ອບໍ່ໃຫ້ເກີດເຊື້ອພະຍາດລະບາດໃນກໍາລັງປ້ອງກັນຊາດ ບັນຫາສຳຄັນຕ້ອງຖືເອົາການໂຄສະນາສຸຂະສຶກສາໃຫ້ພະນັກງານ-ນັກຮົບພ້ອມທັງນໍາເອົາເນື້ອໃນຈິດໃຈໃນຄັ້ງນີ້ໄປຈັດຕັ້ງເຜີຍແຜ່ຢູ່ກົມກອງຂອງຕົນໃຫ້ໄດ້ຮັບຜົນດີ. ໂດຍ: ສາຍຄໍາ ພອນມະນີ

news to day and hot news