ວັນພຸດ, ວັນທີ 04 ທັນວາ 2024
ຫວນຄືນມູນເຊື້ອ ວັນປົດປ່ອຍ ພາກໃຕ້ຫວຽດນາມ ຄົບຮອບ 49 ປີ
ເວລາອອກຂ່າວ: 2024-05-02 09:01:56 | ຜູ້ຂຽນ : admin1 | ຈຳນວນຄົນເຂົ້າຊົມ: 2578 | ຄວາມນິຍົມ: 
ວັນທີ 30 ເມສາ 1975 ເປັນວັນທີ່ມີຄວາມໝາຍສຳຄັນຍິ່ງ ຂອງປະເທດຫວຽດນາມ ເພາະເປັນວັນແຫ່ງໄຊຊະນະ, ວັນແຫ່ງການທັບມ້າງອຳນາດການປົກຄອງທີ່ເປື່ອຍເຫຍື່ອຍຂອງພວກລ່າເມືອງຂຶ້ນແບບໃໝ່, ເປັນວັນທີ່ປະເທດຫວຽດນາມ ມີຄວາມເປັນເອກະລາດຢ່າງສົມ ບູນຈົນເທົ່າທຸກວັນນີ້, ເຊິ່ງມາ ຮອດປີນີ້ ຄົບຮອບ 49 ປີີ. ສະນັ້ນ, ມື້ນີ້ຜູ້ຂຽນຂໍຫວນຄືນ ເຫດການສຳຄັນໃນທ້າຍສະຕະວັດທີ 19-ຕົ້ນສະຕະວັດທີ 20 ລັດທິລ່າເມືອງຂຶ້ນຝຣັ່ງ ໄດ້ເຂົ້າມາຮຸກຮານຍຶດເອົາ 3 ຊາດອິນດູຈີນ ກາຍເປັນອານານິຄົມ, ພາຍໃຕ້ການນຳພາ ຂອງພັກກອມມູນິດອິນດູຈີນ ແລະ ປະທານ ໂຮ່ຈີມິນ, ປະຊາຊົນຫວຽດນາມ ໄດ້ລຸກຂຶ້ນຕໍ່ສູ້ຈົນຮອດເດືອນ 8 ປີ 1945 ໄດ້ລຸກຮືຂຶ້ນຍຶດອຳນາດ ປະກາດເອກະລາດ ວັນທີ 2 ກັນ ຍາ 1945, ແຕ່ມາຮອດປີ 1946 ຈັກກະພັດຝຣັ່ງ ໄດ້ກັບຄືນມາຮຸກຮານຫວຽດນາມ ຄັ້ງທີ 2, ປະຊາຊົນຫວຽດນາມໄດ້ສືບຕໍ່ການຕໍ່ສູ້ຕ້ານຝຣັ່ງ ຈົນຮອດວັນທີ 7 ພຶດສະພາ 1954 ສາມາດຍາດໄດ້ໄຊຊະນະ ແລະ ໄດ້ທັບມ້າງສູນບັນຊາການໃຫຍ່ຂອງຝຣັ່ງ ຢູ່ດຽນບຽນຝູ ນຳໄປສູ່ການເຊັນສາຍາເຊີແນວ ກ່ຽວກັບອິນດູຈີນວັນທີ 20 ກໍລະກົດ 1954.
ແຕ່ນ້ຳເມີກບໍ່ທັນແຫ້ງ, ຈັກກະພັດອາເມຣິກາ ໄດ້ເຂົ້າມາ ຮຸກຮານເທື່ອໃໝ່ ຍິ່ງຮ້າຍກາດ ກວ່າເກົ່າ ເພາະມີກຳລັງທະຫານ, ພາຫະນະສົງຄາມທັນສະໄໝ, ໄດ້ຕັ້ງຖານທັບຫຼາຍແຫ່ງເພື່ອມາຮຸກຮານປະເທດອິນດູຈີນ. ຍຸດ ທະສາດ ແລະ ກົນອຸບາຍຂອງ ຈັກກະພັດອາເມຣິກາ ຕໍ່ຫວຽດ ນາມ ໄດ້ຕັດແບ່ງຫວຽດນາມເປັນ 2 ພາກ ນັບແຕ່ເສັ້ນຂະ ໜານທີ 17 ອົງສາ ລົງໄປພາກ ໃຕ້ຢູ່ໃນເຂດຄວບຄຸມຊົ່ວຄາວ ຂອງອາເມຣິກາ ແລະ ພວກທະ ຫານຫຸ່ນໄຊງ່ອນ, ເປີດສົງຄາມກັບພາກເໜືອຫວຽດນາມ, ກວາດເອົາປະຊາຊົນໄປຄ້າຍອົບ ພະຍົບຢູ່ພາກໃຕ້, ດຳເນີນສົງ ຄາມແຕ່ຝ່າຍດຽວ, ເຂັນຂ້າປະ ຊາຊົນຫວຽດນາມ ຫຼາຍກວ່າ 8 ໝື່ນຄົນ, ຈັບກຸມຜູ້ຮັກຊາດຫຼາຍກວ່າ 5 ແສນຄົນ. ຕະຫຼອດ 21 ປີ ທີ່ຄອບຄອງພາກໃຕ້ຫວຽດນາມ ອາເມຣິກາ ໄດ້ລົງທຶນຫຼາຍທີ່ສຸດ ໃຫ້ແກ່ລັດທິຕ້ານກອມມູນິດນັບ ທັງພື້ນຖານວັດຖຸ, ເງິນຄຳ, ອາ ວຸດຍຸດທະພັນ ແລະ ເລ່ຫຼ່ຽມດ້ານວັດທະນະທຳ, ແນວຄິດທີ່ ໂຫດຫ້ຽມ ແລະ ປະຕິການຂຸດ ຂີດ, ພວກເຂົາໄດ້ດຳເນີນສົງ ຄາມດ້ວຍຫຼາຍຮູບແບບນັບແຕ່ສົງຄາມຕ້ານກັບປະຊາຊົນ, ສົງ ຄາມພາກສ່ວນ, ສົງຄາມພິເສດ, ສົງຄາມເຢັນຂອງຫວຽດນາມ, ສົງຄາມທາງອາກາດ ທຳລາຍພາກເໜືອຫວຽດນາມ ສາມາດເວົ້າໄດ້ວ່າ: ສົງຄາມອາເມຣິກາ ທຳລາຍຫວຽດນາມ ແມ່ນສົງ ຄາມລ້າງຜານ ທີ່ບໍ່ເຄີຍມີມາຕະ ຫຼອດເຄິ່ງທ້າຍສະຕະວັດທີ 20, ແມ່ນສົງຄາມເຂັນຂ້າດ້ວຍລະ ເບີດ, ລູກປືນ, ຍົນຍຸດທະສາດທີ່ທັນສະໄໝ ທີ່ສາມາດຖິ້ມລະເບີດ, ລູກບົມທາດເຄມີ ລົງລ້າງຜານນັບທັງຄົນ ແລະ ສັດ ຕະຫຼອດຮອດພຶກສາຊາດ ກໍຖືກທຳລາຍກ້ຽງ.
ເຖິງຢ່າງໃດກໍຕາມ ດ້ວຍນ້ຳ ໃຈຮັກຊາດອັນແຮງກ້າ, ຄຽດແຄ້ນຈັກກະພັດຢ່າງເລິກເຊິ່ງ ຂອງປະຊາຊົນຫວຽດນາມ ຜູ້ພິລະອາດຫານ ໂດຍສືບຕໍ່ມູນເຊື້ອວີລະຊົນແຫ່ງການສ້າງສາ ແລະ ປົກປັກຮັກສາປະເທດຊາດມາ ນານ 4 ພັນປີ, ປະຊາຊົນຫວຽດ ນາມ ພາຍໃຕ້ການນຳພາຂອງພັກ ກອມມູນິດ ຫວຽດນາມ ໄດ້ລຸກ ຂຶ້ນຕໍ່ສູ້ກູ້ຊາດຕ້ານຈັກກະພັດອາ ເມຣິກາ ແລະ ລູກມື 20 ກວ່າປີ ຢ່າງໝັ້ນໜຽວ ເພື່ອກອບກູ້ເອົາ ເອກະລາດ, ອິດສະຫຼະພາບມາໃຫ້ ປະເທດຊາດຕົນຕາມຄຳສັ່ງສອນຂອງພັກ, ຂອງປະທານ ໂຮ່ຈີມິງ ທີ່ວ່າ: “ບໍ່ມີຫຍັງປະເສີດເລີດ ລ້ຳກວ່າເອກະລາດ ແລະ ເສລີ ພາບ”. ຈາກນັ້ນ, ກໍໄດ້ຮັບໄຊຊະ ນະອັນຍິ່ງໃຫຍ່, ໄຊຊະນະດັ່ງ ກ່າວແມ່ນການທັບມ້າງກົງຈັກ ການທະຫານອັນໃຫຍ່ໂຕ, ເຂັ້ມ ແຂງ, ທັນສະໄໝກວ່າໝູ່ໝົດຢູ່ທະວີບອາຊີອາຄະເນ ໄດ້ຢ່າງສົມ ບູນ, ໄຊຊະນະລະດູບານໃໝ່ປີ 1975 ຢູ່ພາກໃຕ້ຫວຽດນາມແມ່ນໄຊຊະນະລວມແຫ່ງກ້ອນກຳ ລັງສາມັກຄີພິເສດ ຮ່ວມສຳພັນສູ້ຮົບລະຫວ່າງ ຫວຽດນາມ, ລາວ, ກຳປູເຈຍ ສາມອ້າຍນ້ອງ, ແມ່ນສະໜາມຮົບຢູ່ບົນດິນແດນແຫຼມອິນດູຈີນ ອັນດຽວກັນ, ຕ້ານສັດຕູຜູ້ຮຸກຮານໂຕດຽວກັນ, ແມ່ນປັດໄຈທ່າແຮງຊຸກດັນໄຊຊະນະເຊິ່ງກັນ ແລະ ກັນ, ເປັນການໄຂ ສັງກາດໃຫ້ຫວຽດນາມ ມີສັນ ຕິພາບ, ເອກະພາບ ແລະ ກ້າວຂຶ້ນ ສັງຄົມນິຍົມ, ດຳເນີນ ການປ່ຽນ ແປງໃໝ່, ຫັນເປັນອຸດສາຫະ ກຳທັນສະໄໝຂຶ້ນເລື້ອຍໆ ຈົນເທົ່າທຸກວັນນີ້.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
