POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ການກຳເນີດເຕີບໃຫຍ່ຂະຫຍາຍຕົວ ລວມທັງຜົນງານອັນພົ້ນເດັ່ນ ທີ່ເຫຼົ່າຮົບເຄມີສາດ ສ້າງໄດ້ຕະຫຼອດໄລຍະ 58 ປີຜ່ານມາ
ເວລາອອກຂ່າວ: 2024-11-01 09:08:25 | ຜູ້ຂຽນ : admin1 | ຈຳນວນຄົນເຂົ້າຊົມ: 583 | ຄວາມນິຍົມ:

ເຫຼົ່າຮົບເຄມີສາດ ໄດ້ຮັບ ການປະກາດສ້າງຕັ້ງຂຶ້ນໃນວັນທີ 26 ຕຸລາ 1966, ພາຍຫຼັງໄດ້ຮັບການສ້າງຕັ້ງຂຶ້ນ ກໍໄດ້ປະເຊີນໜ້າກັບໄພສົງຄາມຮຸກຮານຂອງຈັກກະພັດອາເມຣິກາອັນດຸເດືອດ, ພວກເຂົາໄດ້ນຳໃຊ້ອາວຸດຫຼາຍຊະນິດເຂົ້າໃນສົງຄາມ ລວມທັງອາວຸດເຄມີ, ພະນັກງານນັກຮົບເຫຼົ່າຮົບເຄມີສາດ ໄດ້ຜ່ານຜ່າການທົດສອບນານາປະການ ແລະ ປະກອບສ່ວນຢ່າງຕັ້ງໜ້າ ເຂົ້າໃນພາລະກິດຕໍ່ສູ້ປົດປ່ອຍຊາດອັນດຸເດືອດ, ຂ້ຽວຂາດ ທັງເຮັດໜ້າທີ່ວິຊາສະເພາະປ້ອງກັນ-ຮັບປະກັນເຄມີ ແລະ ປະຕິບັດໜ້າທີ່ອື່ນໆ ຕາມການມອບໝາຍ ຂອງຂັ້ນເທິງ, ໃນພາລະກິດຕໍ່ສູ້ປົດປ່ອຍຊາດ ເຫຼົ່າຮົບເຄມີສາດ ມີພາລະບົດບາດ ເປັນຫົວໜ່ວຍການຈັດຕັ້ງໜຶ່ງຢູ່ໃນໂຄງປະ ກອບການຈັດຕັ້ງຂອງກອງທັບປົດປ່ອຍປະຊາຊົນລາວ, ເປັນເສ ນາທິການດ້ານວຽກງານຈັດຕັ້ງປ້ອງກັນ-ຮັບປະກັນເຄມີ ໃຫ້ແກ່ເສນາທິການສູງສຸດ ແລະ ເປັນກຳລັງຫຼັກແຫຼ່ງໃຫ້ແກ່ວຽກງານປ້ອງກັນ-ຮັບປະກັນເຄມີ ທົ່ວ ປວງຊົນຮອບດ້ານຂອງພັກ. ໃນໄລຍະປີ 1966-1973 ກຳລັງເຫຼົ່າຮົບເຄມີສາດ ໄດ້ຈັດຕັ້ງເປັນ 3 ພາກສ່ວນ, ພາກ ສ່ວນທີ 1 ປະຈຳຢູ່ເຂດສູນກາງເມືອງວຽງໄຊ ແຂວງຫົວພັນ, ພາກສ່ວນທີ 2 ປະຈຳຢູ່ດ້ານຮົບເຂດຊຽງຂວາງ ແລະ ພາກສ່ວນທີ 3 ປະຈຳຢູ່ດ້ານຮົບເຂດໃຕ້ລາວ. ກຳລັງເຄມີທີ່ປະຈຳຢູ່ແຕ່ລະເຂດ ໄດ້ເອົາໃຈໃສ່ປະຕິບັດໜ້າທີ່ວິຊາສະເພາະຢ່າງຕັ້ງໜ້າ ເຊັ່ນ: ປັບປຸງກໍ່ສ້າງກຳລັງເຫຼົ່າຮົບ ໃຫ້ມີຄວາມຮູ້ຄວາມສາມາດທາງດ້ານເຕັກນິກວິຊາສະເພາະກຽມພ້ອມສູ້ຮົບ; ການຈັດຕັ້ງເຜີຍແຜ່ຄວາມຮູ້ພື້ນຖານກ່ຽວກັບອາວຸດທາດໄໝ້, ອາວຸດເຄມີ ແລະ ວິທີປ້ອງກັນ, ແກ້ໄຂຂັ້ນຕົ້ນ ໃຫ້ບັນດາກົມກອງ, ໂຮງຮຽນ, ໂຮງໝໍ ແລະ ປະຊາຊົນ; ຕິດຕາມກວດກາການນຳໃຊ້ທາດພິດ, ທາດເບື່ອຂອງສັດຕູ, ຈັດຕັ້ງວິ ເຄາະເຄມີ; ເອົາໃຈໃສ່ເຮັດວຽກງານເພີ່ມພູນຜະລິດຜົນ, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງ ດ້ວຍຕົນເອງ ແລະ ປະຕິບັດໜ້າທີ່ອື່ນໆ ທີ່ຂັ້ນເທິງມອບໝາຍໃຫ້. ບັນຫາທີ່ພົ້ນເດັ່ນກຳລັງເຄມີ ໄດ້ມີການນຳໃຊ້ປືນພົ່ນໄຟປະສານສູ້ຮົບ ຮ່ວມກັບກົມກອງອື່ນໆ ຢ່າງທໍລະຫົດອົດທົນ ແລະ ພິລະອາດຫານ; ໃນໄລຍະປີ 1967-1970 ໄດ້ເຂົ້າຮ່ວມບັ້ນຮົບປົດປ່ອຍດອກໄມ້ ເມືອງແວ່ນ, ບັ້ນຮົບປົດປ່ອຍໜອງຄ້າງ ແຂວງຫົວພັນ, ບັ້ນຮົບປົດປ່ອຍເມືອງຟ້າ ບຸກຕີຍຶດເອົາພູຄວບ, ພູມູນ, ພູຮ່ອມຕຽງ ແຂວງຊຽງຂວາງ ເພື່ອເປີດເສັ້ນທາງເຂົ້າປົດປ່ອຍຊຳທອງ-ລ້ອງແຈ້ງ; ເຂົ້າຮ່ວມບັ້ນຮົບ ແກ້ງນ້ອຍເວີນສານ ແຂວງວຽງຈັນ ແລະ ບັ້ນຮົບກູ້ກຽດ ສູ້ຮົບປ້ອງກັນພູເລັງ. ພາຍຫຼັງປະເທດຊາດໄດ້ຮັບການປົດປ່ອຍ ແລະ ສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວຂຶ້ນ, ກຳລັງເຫຼົ່າຮົບເຄມີສາດ ໄດ້ມາເຕົ້າໂຮມກັນຢູ່ນະຄອນຫຼວງວຽງຈັນ, ເພື່ອຕອບສະໜອງກັບສະພາບການ ແລະ ຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ ເຫຼົ່າຮົບເຄມີສາດ ໄດ້ອອກແຮງປັບປຸງກໍ່ສ້າງກຳລັງໃຫ້ໜັກແໜ້ນເຂັ້ມແຂງ ແລະ ທັນສະໄໝ, ເອົາໃຈໃສ່ການກໍ່ສ້າງ-ບຳລຸງພະນັກງານ, ນັກວິຊາການຢູ່ພາຍໃນ ແລະ ຕ່າງປະເທດ ເຊິ່ງ ສາມາດຕອບສະໜອງທາງດ້ານ ພະນັກງານນັກວິຊາການໃຫ້ຂະ ແໜງການຕ່າງໆ ໄດ້ໂດຍພື້ນ ຖານ. ໂຄງປະກອບການຈັດຕັ້ງເຫຼົ່າຮົບເຄມີສາດ ໄດ້ຮັບການປັບປຸງຄື: ໄລຍະແຕ່ປີ 1975 ເຖິງ ປີ 1980 ໄດ້ສ້າງຕັ້ງເປັນພະ ແນກເຄມີສາດ ຂຶ້ນກັບກົມໃຫຍ່ ເສນາທິການກອງທັບ, ມີກອງ ຮ້ອຍ 15 ເຄມີຂຶ້ນກັບ; ໄລຍະປີ 1980-1990 ສ້າງຕັ້ງເປັນຫ້ອງການເຄມີສາດ ຂຶ້ນກັບກົມໃຫຍ່ເສນາທິການກອງທັບ, ມີກອງຮ້ອຍ 15 ເຄມີຂຶ້ນກັບ, ມີ 5 ກອງຮ້ອຍເຄມີ ປະຈຳຢູ່ແຕ່ລະກອງພົນ; ປີ 1990 ກະຊວງປ້ອງກັນປະເທດ ໄດ້ປັບປຸງຄືນ ການຈັດຕັ້ງປະກອບໃຫ້ແທດ ເໝາະກັບສະພາບຕົວຈິງຂອງປະເທດເຮົາ, ກຳລັງເຄມີ ກໍໄດ້ຮັບການປັບປຸງຄື: ສ້າງຕັ້ງເປັນກົມເຄມີສາດ ຂຶ້ນກັບກົມໃຫຍ່ເສ ນາທິການກອງທັບ, ຍົກລະດັບກອງຮ້ອຍ 15 ຂຶ້ນເປັນກອງພັນນ້ອຍເອກະລາດ 15 ເຄມີ ຂຶ້ນກັບກົມເຄມີສາດ, ພ້ອມທັງໄດ້ຍຸບກຳລັງເຄມີຢູ່ບັນດາກອງພົນ ແລະ ກອງພັນໃຫຍ່. ແຕ່ຍ້ອນການຈັດຕັ້ງປະຕິບັດໜ້າທີ່ວິຊາສະເພາະໃນໄລຍະນັ້ນ ພົບຄວາມຍຸ້ງຍາກຫຼາຍດ້ານ ຈຶ່ງໄດ້ປັບປຸງການຈັດຕັ້ງປະກອບກຳລັງເຄມີຄືນໃໝ່. ປັດຈຸບັນ ເຫຼົ່າຮົບເຄມີສາດ ມີກອງພັນເອກະລາດເຄມີ 15 ແລະ ສູນຄົ້ນຄວ້າວິໄຈເຄມີ ຂຶ້ນກັບກົມເຄມີສາດ, ມີພະແນກ ແລະ ກອງຮ້ອຍເຄມີ ປະຈຳຢູ່ 5 ກອງພົນ, ມີຂະແໜງ ແລະ ໝວດເຄມີ ປະຈຳຢູ່ 10 ກອງພັນ ໃຫຍ່, ມີພະນັກງານຄູເຄມີ ປະຈຳຢູ່ໂຮງຮຽນກໍ່ສ້າງນາຍສິບ ເລກ 1 ກອງທັບ, ໂຮງຮຽນກໍ່ສ້າງນາຍ ສິບ ເລກ 2 ວຽງໄຊ, ວິທະຍາ ຄານພະລາທິການກອງທັບ, ວິ ທະຍາຄານເຕັກນິກກອງທັບ, ມີ ຄະນະວິຊາຄູເຄມີ ປະຈຳ ວິທະ ຍາຄານກົມມະດຳ ແລະ ວິທະຍາ ຄານປ້ອງກັນຊາດ ໄກສອນ ພົມ ວິຫານ. ກ້າວເຂົ້າສູ່ການປະຕິບັດພະລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ພາລະບົດບາດ, ໜ້າທີ່ຂອງເຫຼົ່າ ຮົບເຄມີສາດ ໄດ້ຮັບການປັບ ປຸງ ເພື່ອຕອບສະໜອງກັບຄວາມ ຮຽກຮ້ອງຕ້ອງການ ຂອງສະ ພາບການໃນໄລຍະໃໝ່ ໂດຍສະ ເພາະແມ່ນການຈັດຕັ້ງປະຕິບັດແນວທາງປ່ຽນແປງໃໝ່ ແລະ ເປີດປະຕູສູ່ພາຍນອກ ເຊິ່ງໃນປັດຈຸບັນ ເຫຼົ່າຮົບເຄມີສາດ ໄດ້ມີບົດບາດໃນການເປັນເສນາທິການດ້ານວຽກງານປ້ອງກັນ-ຮັບປະກັນເຄມີ ໃຫ້ຄະນະນຳກົມ ໃຫຍ່ເສນາທິການກອງທັບ, ກະ ຊວງປ້ອງກັນປະເທດ, ຄົ້ນຄວ້າປັບປຸງ, ຈັດຕັ້ງປະຕິບັດບັນດານິຕິກຳ, ແຜນຍຸດທະສາດ, ແຜນການຮັບປະກັນເຄມີ ໃຫ້ກຳລັງປະກອບອາວຸດ ແລະ ທົ່ວປວງຊົນ; ຊີ້ນຳ-ນຳພາການປັບປຸງກໍ່ສ້າງ, ຄຸ້ມຄອງກຳລັງເຄມີ ໃຫ້ໜັກແໜ້ນເຂັ້ມແຂງ, ປະກອບສ່ວນຢ່າງຕັ້ງ ໜ້າເຂົ້າໃນພະລາກິດປົກປັກຮັກ ສາ ແລະ ສ້າງສາພັດທະນາປະ ເທດຊາດ, ກຳລັງເຫຼົ່າຮົບເຄມີສາດ ຍາມໃດກໍໄດ້ເອົາໃຈໃສ່ຈັດຕັ້ງປະຕິບັດໜ້າທີ່ວິຊາສະເພາະປ້ອງກັນ-ຮັບປະກັນເຄມີ ໃຫ້ກຳ ລັງປະກອບອາວຸດ ແລະ ທົ່ວປວງຊົນ, ນຳພາ-ຊີ້ນໍາການປັບປຸງກໍ່ສ້າງກົມກອງເຫຼົ່າຮົບເຄມີ ໃຫ້ໜັກແໜ້ນ ເຂັ້ມແຂງ ແລະ ທັນສະໄໝ. ນອກຈາກນັ້ນ, ກຳລັງເຄມີສາດ ຍັງໄດ້ເຂົ້າຮ່ວມການລົງກໍ່ສ້າງຮາກຖານການເມືອງ ຢູ່ເຂດພິເສດໄຊສົມບູນ, ບັ້ນກວາດລ້າງກຸ່ມຄົນບໍ່ດີ ຢູ່ເຂດພູດາວພໍ ແລະ ເຂົ້າຮ່ວມບັ້ນຮົບບໍ່ແຕນ; ທາງດ້ານວິຊາສະເພາະ ໄດ້ປະສານສົມທົບກັບພາກສ່ວນທີ່ກ່ຽວຂ້ອງ ເຂົ້າຮ່ວມໃນຄະນະສ້າງກົດໝາຍຄຸ້ມຄອງເຄມີ, ກົດ ໝາຍຄວາມປອດໄພລັງສີນິວເຄຣຍ ຂອງ ສປປ ລາວ ແລະ ເຂົ້າຮ່ວມກອງປະຊຸມຕ່າງໆ; ຈັດຕັ້ງນຳໃຊ້ກຳລັງ, ພາຫະນະ ແລະ ເຄື່ອງ ວິຊາສະເພາະໄປກວດກາ ແລະ ແກ້ໄຂບັນຫາເຄມີລັງສີຊີວະ ທີ່ເກີດຂຶ້ນໃນໄລຍະຜ່ານມາຫຼາຍຄັ້ງຢ່າງມີປະສິດທິຜົນ ເຊິ່ງສະ ແດງອອກຄື: ກວດກາ, ເກັບມ້ຽນ, ທຳລາຍທາດເຄມີ ຕາມການສະ ເໜີຂອງພາກສ່ວນຕ່າງໆ ທັງໝົດ 15 ຄັ້ງ ຈຳນວນ 6,5 ໂຕນ, ຕິດຕາມກວດກາ, ເກັບມ້ຽນທາດ ກຳມັນຕະພາບລັງສີ 7 ຄັ້ງ, ສຳ ຫຼວດເກັບຕົວຢ່າງສານເຄມີຕົກ ຄ້າງໃນປາງສົງຄາມ (ຝົນເຫຼືອງ) ຢູ່ 5 ແຂວງພາກກາງ ແລະ ພາກໃຕ້ລາວ 5 ຄັ້ງ, ນຳໃຊ້ກຳລັງເຄມີ ໄປແກ້ໄຂບັນຫາເຄມີຫາງແຮ່ອັນຕະລາຍ ຢູ່ແຂວງຊຽງຂວາງ ໃນປີ 2009-2010 ສຳເລັດ ແລະ ປີ 2014 ສາມາດວິເຄາະຊອກຫາສານດີອົກຊີນ ທີ່ຕົກຄ້າງຢູ່ໃນດິນໄດ້ສຳເລັດ ໂດຍການຊ່ວຍເຫຼືອຂອງນັກວິຊາການເຄມີ ຈາກກອງບັນຊາການເຄມີ ກອງ ທັບປະຊາຊົນຫວຽດນາມ. ຕໍ່ຜົນ ສຳເລັດດັ່ງກ່າວ ເຮັດໃຫ້ເຫຼົ່າຮົບ ເຄມີສາດໄດ້ຮັບຄວາມໄວ້ເນື້ອ ເຊື່ອໃຈຈາກປະຊາຊົນ ແລະ ພາກ ສ່ວນຕ່າງໆ, ພາກລັດໄດ້ຖືວ່າ ເຫຼົ່າຮົບເຄມີສາດ ເປັນກຳລັງຫຼັກແຫ່ງໃນການແກ້ໄຂບັນຫາເຄມີລັງສີຊີວະຂອງ ສປປ ລາວ. ຕະຫຼອດໄລຍະ 58 ປີແຫ່ງການສ້າງຕັ້ງ ແລະ ເຕີບໃຫຍ່ຂະ ຫຍາຍຕົວຂອງ ເຫຼົ່າຮົບເຄມີສາດ, ພະນັກງານ-ນັກຮົບເຄມີ ແຕ່ລະຮຸ່ນ ໄດ້ມີຫຼັກໝັ້ນການເມືອງໜັກແໜ້ນ, ມີແນວຄິດອຸ່ນອຽນທຸ່ນທ່ຽງ, ພ້ອມກັນອົດທົນຜ່ານຜ່າຄວາມຫຍຸ້ງຍາກນານາປະການ ສາມາດເຮັດສຳເລັດໜ້າທີ່ ທີ່ພັກ-ລັດ ມອບໝາຍໃຫ້ ບໍ່ວ່າໃນພະລະກິດຕໍ່ສູ້ປົດປ່ອຍຊາດ ກໍຄືໃນພາ ລະກິດປົກປັກຮັກສາ ແລະ ສ້າງ ສາພັດທະນາປະເທດຊາດ ເຫຼົ່າຮົບເຄມີສາດ ໄດ້ຕັ້ງໜ້າປັບປຸງກໍ່ສ້າງກຳລັງໃຫ້ເຕີບໃຫຍ່ຂະ ຫຍາຍຕົວເປັນກ້າວໆ ມາ ແລະ ປັບປຸງວຽກງານວິຊາສະເພາະ ໃຫ້ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.

news to day and hot news