ວັນເສົາ, ວັນທີ 07 ທັນວາ 2024
ທາບທາມບຸກຄະລາກອນສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ວປກ ສະໄໝທີ V ຮອບທີ 3
ເວລາອອກຂ່າວ: 2024-11-01 14:09:11 | ຜູ້ຂຽນ : admin2 | ຈຳນວນຄົນເຂົ້າຊົມ: 3004 | ຄວາມນິຍົມ: 
ກອງປະຊຸມທາບທາມບຸກຄະລາກອນສະໝັກຮັບເລືອກຕັ້ງເຂົ້າໃນຄະນະບໍລິຫານງານພັກ ວິທະຍາຄານປ້ອງກັນຊາດ ໄກສອນ ພົມວິຫານ ສະໄໝທີ V ຮອບທີ 3. ໄດ້ໄຂຂຶ້ນໃນວັນທີ 30 ຕຸລາ 2024 ນີ້, ໂດຍເປັນປະທານຂອງ ສະຫາຍ ພົນຈັດຕະວາ ຈັນທາ ບຸນນະວົງ ຫົວໜ້າກົມຈັດຕັ້ງພັກ ກົມໃຫຍ່ການເມືອງກອງທັບ, ມີ ສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າການເມືອງ ວປກ ແລະ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ຫົວໜ້າການທະຫານ ວປກ, ພ້ອມດ້ວຍວິຊາການຈາກກົມຈັດຕັ້ງພັກ ແລະ ຜູ້ແທນສົມບູນ-ສຳຮອງ ເຂົ້າຮ່ວມ.
ໂອກາດດັ່ງກ່າວກໍໄດ້ຮັບຟັງການຜ່ານບົດລາຍງານການເມືອງທັງ 2 ພາກ ຈາກ ສະຫາຍເລຂາຄະນະພັກວິທະຍາຄານ ແລະ ຮັບຟັງການຜ່ານບົດສຳຫຼວດການນຳພາຂອງ ຄະນະພັກວິທະຍາຄານປ້ອງກັນຊາດ ໄກສອນ ພົມວິຫານ ສະໄໝທີ IV ຈາກ ສະຫາຍ ຮອງເລຂາຄະນະພັກວິທະຍາຄານ, ເຊິ່ງໄດ້ຍົກໃຫ້ເຫັນເຖິງຜົນງານທີ່ສາມາດຍາດມາໄດ້ໃນຕະຫຼອດໄລຍະທີ່ຜ່ານມາ, ໂດຍສະເພາະກໍ່ແມ່ນ ການຈັດຕັ້ງປະຕິບັດມະຕິກອງປະຊຸມໃຫຍ່ ສະໄໝທີ IV ຂອງຄະນະພັກວິທະຍາຄານປ້ອງກັນຊາດ ໄກສອນ ພົມວິຫານ, ວຽກງານເຮັດໃຫ້ກົມກອງມີຄວາມສະຫງົບ, ຕິດພັນກັບວຽກງານສຶກສາອົບຮົມການເມືອງ-ແນວຄິດ ແລະ ຂະບວນການໄປພ້ອມໆກັນ, ວຽກງານກໍ່ສ້າງພັກ, ພະນັງານ ແລະ ອົງການຈັດຕັ້ງມະຫາຊົນ, ວຽກງານຕ້ານ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້, ວຽກນະໂຍບາຍ, ປະກັນສັງຄົມ, ອົບຮົມ-ຫັດແອບ, ວຽກງານຄົ້ນຄວ້າວິທະຍາສາດການທະຫານ-ການເມືອງ, ວຽກງານພະລາທິການກອງທັບ ແລະ ວຽກງານພົວພັນການຕ່າງປະເທດ, ຕະຫຼອດໄລຍະ 5 ປີທີ່ຜ່ານມາ.
ໂອກາດນີ້, ສະຫາຍ ພົນຈັດຕະວາ ຈັນທາ ບຸນນະວົງ ໄດ້ໂອ້ລົມຊີ້ນໍາຕໍ່ກອງປະຊຸມ ແລະ ຮຽກຮ້ອງມາຍັງຄະນະພັກ-ຄະນະບັນຊາແຕ່ລະຂັ້ນ ຈົ່ງເອົາໃຈໃສ່ຍົກສູງບົດບາດຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການໃຊ້ສິດປະຊາທິປະໄຕຕາມກົດລະບຽບຂອງພັກວາງອອກ ເພື່ອຄັດເລືອກເອົາເປົ້າໝາຍທີ່ເໝາະສົມເຂົ້າເປັນ ຄະນະບໍລິຫານງານພັກ ວິທະຍາຄານປ້ອງກັນຊາດ ໄກສອນ ພົມວິຫານ ສະໄໝທີ V ໃຫ້ໄດ້ຕາມລະດັບຄາດໝາຍທີ່ວາງໄວ້.
ໂດຍ: ສົງການ ທະວີສຸກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
