ວັນອັງຄານ, ວັນທີ 03 ທັນວາ 2024
ເອສຣາ ຊະນະ ມາສເຕີ ເຊເວັນ ເປັນທີມນໍາຕໍ່ໄປ ບານເຕະລາວລີກ 1 ລະດູການ 2024-25
ເວລາອອກຂ່າວ: 2024-11-04 09:46:55 | ຜູ້ຂຽນ : admin3 | ຈຳນວນຄົນເຂົ້າຊົມ: 95 | ຄວາມນິຍົມ: 
ການແຂ່ງຂັນບານເຕະລາວລີກ 1 ລະດູການ 2024-2025 ວັນທີ 30 ຕຸລາຜ່ານມາ ທີ່ສະ ໜາມກິລາແຫ່ງຊາດ ຫຼັກ 16 ສະໜາມນອກ, ສະໂມສອນ ເອສຣາ ອັນດັບ 3 ປີຜ່ານມາ ພົບກັບ ສະໂມສອນ ມາສເຕີ ເຊເວັນ ຮອງແຊັມ ຜົນປະກົດວ່າ: ສະໂມສອນ ເອສຣາ ໂຊຟອມໄດ້ດີກວ່າ ແລະ ຍິງໄດ້ຄົມກວ່າ ສາມາດເອົາຊະນະ ສະໂມສອນ ມາສເຕີ ເຊເວັນ ໄປດ້ວຍຄະແນນ 1-0 ປະຕູ. ໂດຍການຍິງຂອງ ປີເຕີ ພົນທະວົງ ໃນນາທີທີ 52.
ສະໂມສອນ ເອສຣາ ຖືເປັນທີມທຳອິດທີ່ເກັບໄຊຊະນະ 5 ນັດຕິດຕໍ່ກັນ ໃນລີກລະດູການນີ້ ເປັນທີມນຳຕໍ່ໄປ ໂດຍນຳ ສະໂມສອນ ຊ້າງນ້ອຍ ແຊັມເກົ່າ 3 ຄະແນນ ແຕ່ແຂ່ງຫຼາຍກວ່າໜຶ່ງນັດ, ຂະນະທີ່ ມາສເຕີ ເຊເວັນ ຢູ່ອັນດັບ 3 ມີ 12 ຄະແນນຈາກການລົງຫຼິ້ນ 6 ນັດ.
ນັດຕໍ່ໄປ ສະໂມອນ ເອສຣາ ຈະໄປພົບກັບ ສະໂມສອນ ວຽງຈັນ ວັນທີ 3 ພະຈິກນີ້ ທີ່ສະໜາມກິລາແຫ່ງຊາດ ຫຼັກ 16 ສະໜາມນອກ ເວລາ 15:30, ຂະນະທີ່ ສະໂມສອນ ມາສເຕີ ເຊເວັນ ຈະໄປພົບກັບ ສະໂມສອນ ຊ້າງນ້ອຍ ໃນວັນດຽວກັນ ເວລາດຽວກັນ ທີ່ສະໜາມກິລາແຫ່ງຊາດ ຫຼັກ 16 ສະໜາມໃນ.
ສ່ວນຄູ່ອື່ນ: ສະໂມສອນ ນໍ້າທາ ພົບກັບ ສະໂມສອນ ກອງທັບ ວັນທີ 3 ພະຈິກ ຢູ່ທີ່ສະໜາມ ກິລາແຂວງຫຼວງນໍ້າທາ ແລະ ສະໂມສອນ ຫຼວງພະບາງ ພົບ ສະໂມສອນ ຈຳປາສັກ ວັນດຽວກັນ ເວລາດຽວກັນ ເວລາ 15:30 ທີ່ສະໜາມກິລາກາງແຂວງຫຼວງພະບາງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
