POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ການເຕີບໃຫຍ່ຂະຫຍາຍຕົວ ຂອງບໍລິສັດ ລັດວິສາຫະກິດ ນ້ຳມັນເຊື້ອໄຟວຽງຈັນ
ເວລາອອກຂ່າວ: 2024-11-05 09:30:56 | ຜູ້ຂຽນ : admin1 | ຈຳນວນຄົນເຂົ້າຊົມ: 440 | ຄວາມນິຍົມ:

ສະຫາຍ ພັນເອກ ບຸນທົງ ກອງເທດມະນີ ຫົວໜ້າອຳນວຍການບໍລິສັດ ລັດວິສາຫະກິດ ນໍ້າ ມັນເຊື້ອໄຟວຽງຈັນ ໄດ້ກ່າວວ່າ: ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ໄດ້ຮັບການສ້າງຕັ້ງຂຶ້ນໃນວັນທີ 29 ຕຸລາ 1994 ເຊິ່ງໄດ້ໝູນວຽນມາບັນຈົບຄົບ ຮອບ 30 ປີ ໃນວັນທີ 29 ຕຸລາ 2024 ນີ້, ປະຫວັດຄວາມເປັນມາ ແລະ ການດຳເນີນທຸລະກິດຂອງບໍລິສັດ ລັດວິສາຫະກິດ ນໍ້າ ມັນເຊື້ອໄຟວຽງຈັນ ພາຍຫຼັງ ສະຫະພາບໂຊວຽດລົ້ມລະລາຍ ແລະ ແຍກແຕ່ລະລັດມາເປັນປະເທດເອກະລາດ, ບັນດາປະເທດ ສັງຄົມນິຍົມ ໄດ້ມີການປ່ຽນແປງລະບອບການປົກຄອງໃນປີ 1991 ບັນຫາດັ່ງກ່າວນັ້ນ, ໄດ້ເກີດຜົນກະທົບຕໍ່ປະເທດເຮົາທີ່ກຳລັງກໍ່ສ້າງພື້ນຖານໂຄງລ່າງທາງດ້ານການພັດທະນາເສດຖະກິດ ແລະ ຄວາມໝັ້ນຄົງ ໃນເວລານັ້ນ, ປະເທດເຮົາທີ່ເຄີຍໄດ້ຮັບການຊ່ວຍເຫຼືອຈາກບັນດາປະເທດເພື່ອນມິດສັງຄົມນິຍົມ ກໍໄດ້ມີການປ່ຽນແປງ, ມີພຽງບາງປະເທດເທົ່ານັ້ນທີ່ຍັງສືບຕໍ່ຊ່ວຍເຫຼືອ ໂດຍສະເພາະແມ່ນ ສສ ຫວຽດນາມ, ປະເທດເຮົາພົບ ຄວາມຫຍຸ້ງຍາກຫຼາຍປະການ ສະນັ້ນ, ພັກ ແລະ ລັດຖະບານໄດ້ຊີ້ນຳ-ນຳພາເພື່ອເຮັດໃຫ້ປະເທດເຮົາຢູ່ໃນສະພາບທີ່ມີຄວາມໝັ້ນຄົງທາງດ້ານເສດຖະກິດ ແລະ ການປ້ອງກັນຊາດ-ປ້ອງກັນຄວາມສະຫງົບ ດ້ວຍເຫດນັ້ນ, ມາຮອດປີ 1994 ກະຊວງປ້ອງກັນປະເທດ ກໍຄືກົມໃຫຍ່ພະລາທິການກອງທັບ ໄດ້ຄົ້ນຄວ້າຊີ້ນຳ ເພື່ອສ້າງຕັ້ງບໍລິ ສັດ ລັດວິສາຫະກິດ ນໍ້າມັນເຊື້ອໄຟວຽງຈັນຂຶ້ນ ໃນເບື້ອງຕົ້ນໃສ່ ຊື່ວ່າ: ບໍລິສັດ ນໍ້າມັນເຊື້ອໄຟກອງ ທັບ, ຕໍ່ມາເພື່ອໃຫ້ສອດຄ່ອງກັບການເຄື່ອນໄຫວທຸລະກິດ ຈຶ່ງໄດ້ປ່ຽນຊື່ມາເປັນ ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ໂດຍແມ່ນກະຊວງປ້ອງກັນປະເທດ ເປັນຜູ້ອະນຸມັດຕົກລົງສ້າງຕັ້ງ, ສາຍການຈັດຕັ້ງແມ່ນ ຂຶ້ນກັບກົມໃຫຍ່ພະລາທິການກອງທັບໂດຍກົງ. ຈຸດປະສົງການສ້າງຕັ້ງບໍລິສັດ ເພື່ອຈັດຊື້ນໍ້າມັນເຊື້ອໄຟ ນຳເຂົ້າຈາກຕ່າງປະເທດ ມາສະໜອງໃຫ້ແກ່ກອງທັບ ຕາມງົບປະມານຂອງກອງທັບໃຫ້ວ່ອງໄວທັນການ ແລະ ຈັດຊື້-ຂາຍນໍ້າມັນບໍລິການຮັບໃຊ້ສັງຄົມ ໃຫ້ມີລາຍຮັບກຸ້ມຕົນເອງ, ເພິ່ງຕົນເອງທາງດ້ານເງິນເດືອນ ພ້ອມທັງສ້າງລາຍຮັບໃຫ້ກະຊວງປ້ອງກັນປະເທດ ຢ່າງເປັນປົກກະຕິ. ບໍລິສັດ ລັດວິສາຫະກິດ ນໍ້າມັນເຊື້ອໄຟວຽງຈັນ ແມ່ນຫົວໜ່ວຍທຸລະກິດໜຶ່ງທີ່ເຮັດ 2 ໜ້າທີ່ຄື: ຮັບປະກັນຈັດຊື້ນໍ້າມັນເຊື້ອໄຟຈາກຕ່າງປະເທດ ເພື່ອມາສະໜອງໃຫ້ກົມນໍ້າມັນເຊື້ອໄຟ ກົມໃຫຍ່ພະລາທິການກອງທັບ ຕາມແຜນງົບປະມານຂອງກອງທັບ ໃນແຕ່ລະປີ ແລະ ເຮັດທຸລະກິດຊື້-ຂາຍນໍ້າມັນຮັບໃຊ້ສັງຄົມທົ່ວໄປ. ການຊື້-ຂາຍນາໍ້ມັນເຊື້ອໄຟ ແມ່ນອີງໃສ່ສະພາບການຂອງໂລກ, ອັດຕາແລກປ່ຽນເງິນຕາ ແລະ ລາຄາສິນຄ້າ, ສ່ວນນໍ້າມັນໄດ້ຈັດຊື້ມາຈາກປະເທດໃກ້ຄຽງ ໂດຍສະເພາະແມ່ນປະເທດໄທ ແລະ ສສ ຫວຽດນາມ ດ້ວຍວິທີເຮັດສັນຍາຊື້-ຂາຍຮ່ວມກັນ ເພື່ອຮັບປະກັນການສະໜອງນໍ້າມັນໃນແຕ່ລະຄັ້ງ. ເພື່ອປະຕິບັດຕາມແຜນການຂອງກະຊວງປ້ອງກັນປະເທດ ໂດຍສະເພາະ 4 ໜ້າທີ່ໃຫຍ່ 26 ແຜນງານ ໃຫ້ປະກົດຜົນເປັນຈິງ, ບໍລິສັດ ໄດ້ສະໜອງນໍ້າມັນເຊື້ອໄຟທຸກຊະນິດ ຕາມແຜນການງົບ ປະມານໃຫ້ກອງທັບຢ່າງຄົບຖ້ວນ, ທັນເວລາ, ໄດ້ສ້າງບັນດາປໍ້າຈຳໜ່າຍຂອງບໍລິສັດ 12 ແຫ່ງ, ປໍ້າລູກຄ້າ 7 ແຫ່ງ ແລະ ສະໜອງໃຫ້ບັນດາໂຄງການກໍ່ສ້າງຫຼາຍໂຄງການ ໃນທົ່ວປະ ເທດ, ມີສາງເກັບມ້ຽນນໍ້າມັນ 1 ສາງ ແລະ ເຊົ່າສາງ 2 ສາງ, ໃນແຕ່ລະທີ່ຕັ້ງສຳນັກງານ, ປໍ້າຈັດຈຳໜ່າຍ ແລະ ບັນດາສາງ ໄດ້ມີໜອງປາ, ສະຖານທີ່ປູກຝັງ ເປັນຕົ້ນແມ່ນໄດ້ລ້ຽງປາ, ລ້ຽງງົວ, ແບ້, ສັດປີກ, ປູກຕົ້ນໄມ້ກິນໝາກ ແລະ ພືດຜັກລົ້ມລຸກຕາມລະດູການ ເພື່ອແກ້ໄຂຊີວິດການເປັນຢູ່ຂອງພະນັກງານໃນບໍລິສັດ. ສະຫາຍ ພັນເອກ ບຸນທົງ ກອງເທດມະນີ ຍັງໄດ້ກ່າວວ່າ: ຕະຫຼອດໄລຍະຜ່ານມາ, ຄະນະ ອຳນວຍການ ຍັງໄດ້ເອົາໃຈໃສ່ຊີ້ນຳ-ນຳພາພະນັກງານໃນບໍລິສັດໃຫ້ເອົາໃຈໃສ່ເຝິກຝົນຫຼໍ່ຫຼອມທາງດ້ານການເມືອງ-ແນວຄິດ ແລະ ດ້ານວິຊາສະເພາະ ດ້ວຍການໄປຍົກລະດັບບຳລຸງໄລຍະສັ້ນ ຢູ່ໂຮງຮຽນວິຊາສະເພາະ ແລະ ເຝິກນຳວຽກງານຕົວຈິງ ເພື່ອຖອດຖອນເອົາບົດຮຽນໄປໝູນໃຊ້ໃຫ້ແທດເໝາະກັບສະພາບການປ່ຽນແປງຂອງເສດຖະກິດໃນແຕ່ລະໄລຍະ. ຄຽງຄູ່ກັບຜົນສຳເລັດທີ່ກ່າວມານັ້ນ, ຄະນະພັກ-ຄະນະອຳນວຍການ ກໍຄືພະນັກງານວິຊາສະເພາະນໍ້າມັນເຊື້ອໄຟ ໄດ້ຮັບການຍ້ອງຍໍຊົມເຊີຍຈາກຂັ້ນເທິງຕະຫຼອດມາ. ໂດຍ: ຄຳປະສົງ ລາດຊະວົງ

news to day and hot news