POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ລາວ-ອິນໂດເນເຊຍ ເສີມຂະຫຍາຍສາຍພົວພັນ ຜ່ານທາງກິລາ
ເວລາອອກຂ່າວ: 2024-11-06 09:31:34 | ຜູ້ຂຽນ : admin1 | ຈຳນວນຄົນເຂົ້າຊົມ: 136 | ຄວາມນິຍົມ:

ສະຖານເອກອັກຄະລັດຖະທູດອິນໂດເນເຊຍ ປະຈຳ ສປປ ລາວ ຮ່ວມກັບ ກະຊວງສຶກສາທິການ ແລະ ກິລາ ແລະ ສະຫະພັນກິລາປັນຈັກສີລັດແຫ່ງຊາດລາວໄດ້ຈັດງານເຜີຍແຜ່ ແລະ ສົ່ງເສີມສິລະປະການຕໍ່ສູ້ມວຍປັນຈັກສີລັດ ຂຶ້ນໃນທ້າຍອາທິດທີ່ຜ່ານມາ, ທີ່ໂຮງແຮມສຸພັດຕາ ນະ ຄອນຫຼວງວຽງຈັນ ພາຍໃຕ້ຫົວຂໍ້: ປັນຈັກສີລັດ ເສີມຂະ ຫຍາຍສາຍພົວພັນລາວ-ອິນໂດເນເຊຍ ຜ່ານທາງກິລາ ໂດຍໃຫ້ກຽດເຂົ້າຮ່ວມມີທ່ານ ນາງ ກາຕາເອັນດາ ເວີດານິງຕຽດ ເອກອັກຄະລັດຖະທູດອິນໂດເນເຊຍ ປະຈຳ ສປປ ລາວ, ທ່ານ ສົມພູ ພົງສາ ຮອງປະທານຄະນະກຳ ມະການໂອແລມປິກແຫ່ງຊາດລາວ, ທ່ານ ສີຈັນ ຈິດຕະປັນຍາ ວ່າການແທນຫົວໜ້າກົມກິລາລະດັບສູງ ແລະ ທ່ານ ນາງ ພາວັນ ນວນທະສິງ ປະທານສະມາຄົມມິດຕະພາບລາວ-ອິນໂດເນເຊຍ ມີຄະນະບໍລິຫານງານ-ເລຂາທິການ ສະຫະພັນປັນຈັກສີລັດແຫ່ງຊາດລາວ, ຕາງໜ້າຈາກກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ມະຫາວິທະຍາໄລແຫ່ງຊາດ, ສະຖາບັນກິລາ-ກາຍະກຳ ພ້ອມດ້ວຍຄູເຝິກ, ນັກກິລາ ແລະ ພະ ນັກງານຈາກສະຖານທູດອິນໂດເນເຊຍ ເຂົ້າຮ່ວມ. ໂອກາດນີ້, ທ່ານ ນາງ ກາຕາ ເອັນດາ ເວີດານິງຕຽດ ກ່າວໃຫ້ ຮູ້ວ່າ: ສາຍພົວພັນລະຫວ່າງ ອິນໂດເນເຊຍ-ລາວ ໄດ້ມີການພົວພັນກັນເປັນຢ່າງດີ ນັບແຕ່ເປີດສາຍພົວພັນທາງການທູດ ມາເປັນເວ ລາ 67 ປີ; ປັດຈຸບັນ ການພົວພັນຮ່ວມມືສອງຝ່າຍ ນັບມື້ນັບເຕີບໃຫຍ່ຂະຫຍາຍຕົວ ແລະ ແໜ້ນແຟ້ນຍິ່ງຂຶ້ນ. ການພົວພັນຮ່ວມມືດ້ານການກິລາ ເປັນຮູບແບບໜຶ່ງຂອງການທູດ ທີ່ມີບົດບາດສຳຄັນໃນການຮັດແໜ້ນສາຍພົວພັນລະ ຫວ່າງຝ່າຍ. ທ່ານເຫັນວ່າ ປັນຈັກ ສີລັດ ແມ່ນມີທ່າແຮງອັນໃຫຍ່ຫຼວງສຳລັບການພັດທະນາ ແລະ ການຮ່ວມມືລະຫວ່າງອິນໂດເນເຊຍ ແລະ ລາວ. ໂອກາດດຽວກັນ ທ່ານ ສົມພູ ພົງສາ ຕາງໜ້າໃຫ້ ການນຳກະ ຊວງສຶກສາທິການ ແລະ ກິລາ ກໍຄື ຄອລ ໄດ້ສະແດງຄວາມຂອບໃຈ ແລະ ຮູ້ບຸນຄຸນ ມາຍັງສະຫະ ພັນກິລາປັນຈັກສີລັດສາກົນ ແລະ ສະຖານທູດອິນໂດເນເຊຍປະຈຳລາວ ທີ່ໃຫ້ຄວາມສຳຄັນ ແລະ ຊ່ວຍເຫຼືອສົ່ງເສີມການພັດທະນາກິລາປັນຈັກສີລັດລາວ ຕະຫຼອດມາ ໂດຍສະເພາະ ແມ່ນການນຳເອົາອຸປະກອນມາຊຸກຍູ້ສົ່ງເສີມການພັດທະນາກິລາປັນຈັກສີລັດລາວໃນຄັ້ງນີ້. ໃນພິທີດັ່ງກ່າວຍັງໄດ້ມີການມອບເຄື່ອງອຸປະກອນໂດຍ ສະຫະພັນກິລາປັນຈັກສີລັດໂລກ ເຊິ່ງມີອຸປະກອນດັ່ງນີ້: ແຜ່ນປູພື້ນຈຳນວນ 2 ຊຸດ (10x 10 ແມັດ) ແລະ ອຸປະກອນປ້ອງກັນຕົວ 20 ຄູ່ ໃຫ້ແກ່ສະຫະພັນປັນຈັກສີລັດແຫ່ງຊາດລາວ.

news to day and hot news