ວັນພະຫັດ, ວັນທີ 05 ທັນວາ 2024
ຄະນະພັກ-ຄະນະບັນຊາ ກອງພົນທີ 5 ລົງພົບປະໂອ້ລົມ ພະນັກງານຫຼັກແຫຼ່ງ ຢູ່ບັນດາ ຫົວໜ່ວຍກົມກອງຂຶ້ນກັບ
ເວລາອອກຂ່າວ: 2024-11-06 14:45:16 | ຜູ້ຂຽນ : admin2 | ຈຳນວນຄົນເຂົ້າຊົມ: 1809 | ຄວາມນິຍົມ: 
ໃນຕົ້ນເດືອນ ພະຈິກ 2024 ນີ້, ຄະນະພັກ-ຄະນະບັນຊາ ກອງພົນທີ 5 ໄດ້ລົງເຄື່ອນໄຫວພົບປະໂອ້ລົມພະນັກງານຫຼັກແຫຼ່ງຢູ່ບັນດາຫົວໜ່ວຍກົມກອງທີ່ຂຶ້ນກັບ ກອງພົນທີ 5 ໂດຍການຕ້ອນຮັບຂອງ ຄະນະພັກ-ຄະນະບັນຊາ ຂອງແຕ່ລະຫົວໜ່ວຍກົມກອງ. ການລົງພົບປະໂອ້ລົມ ໃນຄັ້ງນີ້ ໄດ້ແບ່ງອອກເປັນ 3 ຄະນະ ຄື: ຄະນະທີ 1 ລົງເຄືອນໄຫວກົມກອງເຫຼົ່າຮົບ ນໍາພາໂດຍ ສະຫາຍ ພົນຈັດຕະວາ ສີປະເສີດ ເຜີຍຄຳສິງ ຫົວໜ້າການເມືອງກອງພົນທີ 5, ຄະນະທີ 2 ລົງເຄືອນໄຫວກອງພັນໃຫຍ່ 501, ສູນເຝິກອົບຮົມ ນໍາພາໂດຍ ສະຫາຍ ພົນຈັດຕະວາ ທອງສະໄໝ ສຸກປະເສີດ ຫົວໜ້າ ການທະຫານກອງພົນທີ 5 ແລະ ຄະນະທີ 3 ລົງເຄືອນໄຫວກອງພັນໃຫຍ່ 502, ນໍາພາໂດຍ ສະຫາຍ ພັນເອກ ຄຳກົດ ອິນສີນາ ຫົວໜ້າຫ້ອງການເມືອງ.
ໃນໂອກາດລົງເຄື່ອນໄຫວຂອງ ຄະນະພັກ-ຄະນະບັນຊາ ຄັ້ງນີ້ ແຕ່ລະສະຫາຍ ໄດ້ເນັ້ນໜັກໃຫ້ຄະນະພັກ-ຄະນະບັນຊາອົງການ, ກົມກອງ ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເປັນເຈົ້າການສຶກສາອົບຮົມການເມືອງແນວຄິດໃຫ້ພະນັກງານ-ນັກຮົບເປັນປະຈຳ, ພ້ອມທັງລົງໃກ້ສິດຕິດແທດບັນດາພະແນກການ, ວິຊາສະເພາະໂດຍຖືເອົາການຈັດຕັ້ງດຳເນີນຊີວິດການເມືອງເປັນປົກກະຕິ ແລະ ຕໍ່ເນື່ອງ, ເພື່ອເຮັດໃຫ້ພະນັກງານ-ນັກຮົບພາຍໃນກົມກອງ ມີຄຸນທາດການເມືອງໜັກແໜ້ນ, ເອົາໃຈໃສ່ປັບປຸງກໍ່ສ້າງກົມກອງໃຫ້ເປັນຂະບວນການຟົດຟື້ນ ໄປພ້ອມໆກັນກັບການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ກອງ 3 ປອດ, ກອງວັດທະນະທຳ-ນັກຮົບວັດທະນະທຳ, ເອົາໃຈໃສ່ກໍ່ສ້າງວຽກງານພັກ-ພະນັກງານ, ອົງການຈັດຕັ້ງມະຫາຊົນໃຫ້ເປັນແບບຢ່າງໃນທຸກຂະບວນການ, ສຸມໃສ່ວຽກງານວິຊາສະເພາະໃຫ້ສຳເລັດໜ້າທີ່ຕາມການມອບໝາຍ, ເອົາໃຈໃສ່ປົກປັກຮັກສາພາຫະນະເຕັກນິກໃຫ້ນຳໃຊ້ໄດ້ຍາວນານ, ປັບປຸງແບບແຜນວິທີເຮັດວຽກໃຫ້ມີວິທະຍາສາດບົນພື້ນຖານປະຕິບັດຕາມຫຼັກການລວມສູນປະຊາທິປະໄຕ, ມີຄວາມສາມັກຄີ ເຮັດວຽກເປັນໝູ່ຄະນະ, ເພີ່ມຄວາມສາມັກຄີພາຍໃນກົມກອງໃຫ້ແໜ້ນແຟ້ນ. ພ້ອມນັ້ນ, ກໍຕ້ອມເພີ່ມທະວີວຽກງານສ້າງເສດຖະກິດແກ້ໄຂຊີວິດການເປັນຢູ່ຕາມເງື່ອນໄຂທ່າແຮງບົ່ມຊ້ອນຂອງກົມກອງ, ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເພື່ອສ້າງໃຫ້ກົມກອງກາຍເປັນກົມກອງທີ່ມີແບບແຜນທັນສະໄໝ.
ໂດຍ: ສີສະຫວັນ ໄຊຍະເປຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
