ວັນພະຫັດ, ວັນທີ 05 ທັນວາ 2024
ກອງພັນໃຫຍ່ 605 ເປີດຂະບວນການແຂ່ງຂັນກິລາມວນຊົນ ແລະ ກິລາການທະຫານ
ເວລາອອກຂ່າວ: 2024-11-07 08:52:10 | ຜູ້ຂຽນ : admin1 | ຈຳນວນຄົນເຂົ້າຊົມ: 723 | ຄວາມນິຍົມ: 
ໃນວັນທີ 5 ພະຈິກ 2024 ນີ້, ກອງພັນໃຫຍ່ 605 ໄດ້ເປີດຂະບວນການແຂ່ງຂັນກິລາມວນຊົນ ແລະ ກິລາການທະຫານປະ ຈຳປີ 2024, ໂດຍການເປັນ ປະທານຂອງ ສະຫາຍ ພັນໂທ ໄມສີ ມາວັນດີ ເລຂາຄະນະພັກ ຫົວໜ້າການເມືອງກອງພັນໃຫຍ່ 605, ມີຄະນະພັກ-ຄະນະບັນຊາ, ພະແນກການ, ກົມກອງ, ຄະນະຮັບຜິດຊອບຂະບວນການແຂ່ງຂັນກິລາ ຕະຫຼອດຮອດນັກກິລາແຕ່ລະພາກສ່ວນ ເຂົ້າຮ່ວມ.
ສະຫາຍ ພັນໂທ ສັນຍາ ມະໂນລາດ ຫົວໜ້າຂະແໜງອົບ ຮົມກອງພັນໃຫຍ່ 605 ໄດ້ຂຶ້ນ ຜ່ານແຜນການ ການເປີດຂະບວນການແຂ່ງຂັນກິລາມວນຊົນ ແລະ ກິລາການທະຫານ ປະຈຳປີ 2024, ກິລາທີ່ນຳມາແຂ່ງ ຂັນຄັ້ງນີ້ປະກອບມີ 2 ປະເພດ: ປະເພດກິລາມວນຊົນປະກອບມີ 2 ປະເພດຄື: ບານສົ່ງຍິງມີ 5 ທີມ, ເປຕັງປະສົມຊາຍ-ຍິງມີ 12 ທີມ, ເປຕັງອາວຸໂສ ອາຍຸ 50 ປີຂຶ້ນໄປມີ 13 ທີມ, ປະເພດກິລາການທະຫານ ແລ່ນມ້າງປະກອບອາວຸດ 400 ແມັດ ປະເພດທີມ (ທີມລະ 3 ສະຫາຍ) ແລະ ປະ ເພດທີມດ່ຽວ ເຊິ່ງມີນັກກິລາເຂົ້າຮ່ວມ 12 ກົມກອງ, ການເປີດ ຂະບວນການແຂ່ງຂັນກິລາໃນຄັ້ງນີ້ ເພື່ອຂໍ່ານັບຮັບຕ້ອນວັນປະຫວັດສາດສຳຄັນຕ່າງໆຂອງຊາດ, ຂອງພັກ, ຂອງກອງທັບ ເປັນຕົ້ນວັນຊາດທີ 2 ທັນວາ ຄົບຮອບ 49 ປີ, ວັນສ້າງຕັ້ງເຫຼົ່າຮົບປືນໃຫຍ່ໜ້າດິນ ຄົບຮອບ 70 ປີ ໃຫ້ມີບັນຍາກາດຟົດຟື້ນຕໍ່ເນື່ອງ ທັງເປັນການຄັດເລືອກເອົານັກກິລາປະເພດຕ່າງໆທີ່ມີຄວາມສາມາດ ແລະ ມີພອນສະຫວັນເຂົ້າຮ່ວມທີມກິລາຂອງເຫຼົ່າຮົບປືນໃຫຍ່ໜ້າດິນ ເພື່ອເຂົ້າຮ່ວມແຂ່ງຂັນກິລາທົ່ວກອງທັບທີ່ຂັ້ນເທິງຈະຈັດຂຶ້ນໃນຕໍ່ໜ້າ.
ສະຫາຍ ພັນໂທ ໄມສີ ມາວັນດີ ເລຂາຄະນະພັກ ຫົວໜ້າການ ເມືອງກອງພັນໃຫຍ່ 605, ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບເຊື່ອມຊຶມ ແລະ ເຂົ້າໃຈຢ່າງເລິກ ເຊິ່ງເຫັນໄດ້ຄວາມໝາຍຄວາມສຳຄັນຂອງການເປີດຂະບວນການແຂ່ງຂັນກິລາຄັ້ງນີ້ ເພື່ອພ້ອມກັນເຂົ້າຮ່ວມຢ່າງຕັ້ງໜ້າ ແລະ ເປັນຂະບວນການຟົດຟື້ນ, ຄະນະຮັບຜິດຊອບຂະບວນການ ແຂ່ງຂັນກິລາ, ກຳມະການຕະ ຫຼອດຮອດນັກກິລາທຸກພາກ ສ່ວນຈົ່ງພ້ອມກັນເອົາໃຈໃສ່ປະ ຕິບັດລະບຽບ, ຂໍ້ກຳນົດ, ກົດກະຕິ ກາແຂ່ງຂັນຢ່າງເຂັ້ມງວດ ແລະ ເຕັມໄປດ້ວຍນໍ້າໃຈນັກກິລາ, ໄມຕີຈິດ, ມິດຕະພາບ ແລະ ຄວາມສາມັກຄີ ເຮັດໃຫ້ມີບັນຍາກາດເບີກບານມ່ວນຊື່ນ ແລະ ຮັກສາໄດ້ຄວາມປອດໄພ 100%.
ຂ່າວ: ນ. ໜູແດງ ລາດສະແກ້ວ
ພາບ: ເພັງ ມະນີລະສິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
